# 1 Maccabees · 7

> https://missale.online/biblia/en/1mcc/7

## Verses

[↗](https://missale.online/biblia/en/1mcc/7#text-738a397ca42f89be3041)

**Latin**

Anno centesimo quinquagesimo primo, exiit Demetrius Seleuci filius ab urbe Roma, et ascendit cum paucis viris in civitatem maritimam, et regnavit illic.

**English**

This passage has not yet been translated.

[↗](https://missale.online/biblia/en/1mcc/7#text-a431dc21500084281aad)

**Latin**

Et factum est, ut ingressus est domum regni patrum suorum, comprehendit exercitus Antiochum et Lysiam, ut adducerent eos ad eum.

**English**

This passage has not yet been translated.

[↗](https://missale.online/biblia/en/1mcc/7#text-51d615e65f2b8ce7b8f8)

**Latin**

Et res ei innotuit, et ait : Nolite mihi ostendere faciem eorum.

**English**

This passage has not yet been translated.

[↗](https://missale.online/biblia/en/1mcc/7#text-5d4da59ebdbb384b8c9f)

**Latin**

Et occidit eos exercitus. Et sedit Demetrius super sedem regni sui.

**English**

This passage has not yet been translated.

[↗](https://missale.online/biblia/en/1mcc/7#text-c9a99567837d7d8a5257)

**Latin**

Et venerunt ad eum viri iniqui et impii ex Israël : et Alcimus dux eorum, qui volebat fieri sacerdos.

**English**

This passage has not yet been translated.

[↗](https://missale.online/biblia/en/1mcc/7#text-db8941e9bfe92ba71d70)

**Latin**

Et accusaverunt populum apud regem, dicentes : Perdidit Judas et fratres ejus omnes amicos tuos, et nos dispersit de terra nostra.

**English**

This passage has not yet been translated.

[↗](https://missale.online/biblia/en/1mcc/7#text-d18c4bffa042bddf03b6)

**Latin**

Nunc ergo mitte virum, cui credis, ut eat, et videat exterminium omne quod fecit nobis, et regionibus regis : et puniat omnes amicos ejus, et adjutores eorum.

**English**

This passage has not yet been translated.

[↗](https://missale.online/biblia/en/1mcc/7#text-280b739fac2695c16a42)

**Latin**

Et elegit rex ex amicis suis Bacchidem, qui dominabatur trans flumen magnum in regno, et fidelem regi : et misit eum,

**English**

This passage has not yet been translated.

[↗](https://missale.online/biblia/en/1mcc/7#text-3dd53cfa29a281509a99)

**Latin**

ut videret exterminium quod fecit Judas : sed et Alcimum impium constituit in sacerdotium, et mandavit ei facere ultionem in filios Israël.

**English**

This passage has not yet been translated.

[↗](https://missale.online/biblia/en/1mcc/7#text-c297fce5deb3b72375f2)

**Latin**

Et surrexerunt, et venerunt cum exercitu magno in terram Juda : et miserunt nuntios, et locuti sunt ad Judam et ad fratres ejus verbis pacificis in dolo.

**English**

This passage has not yet been translated.

[↗](https://missale.online/biblia/en/1mcc/7#text-44b28169590526f68717)

**Latin**

Et non intenderunt sermonibus eorum : viderunt enim quia venerunt cum exercitu magno.

**English**

This passage has not yet been translated.

[↗](https://missale.online/biblia/en/1mcc/7#text-40022955d80a097e447c)

**Latin**

Et convenerunt ad Alcimum et Bacchidem congregatio scribarum requirere quæ justa sunt :

**English**

This passage has not yet been translated.

[↗](https://missale.online/biblia/en/1mcc/7#text-9cddad593f73adeac016)

**Latin**

et primi, Assidæi qui erant in filiis Israël : et exquirebant ab eis pacem.

**English**

This passage has not yet been translated.

[↗](https://missale.online/biblia/en/1mcc/7#text-77f0bcf628a6b2c6b32a)

**Latin**

Dixerunt enim : Homo sacerdos de semine Aaron venit ; non decipiet nos :

**English**

This passage has not yet been translated.

[↗](https://missale.online/biblia/en/1mcc/7#text-e93f4ea4f81375c9a221)

**Latin**

et locutus est cum eis verba pacifica, et juravit illis, dicens : Non inferemus vobis malum, neque amicis vestris.

**English**

This passage has not yet been translated.

[↗](https://missale.online/biblia/en/1mcc/7#text-ad0dbb7caa8136e57bff)

**Latin**

Et crediderunt ei : et comprehendit ex eis sexaginta viros, et occidit eos in una die, secundum verbum quod scriptum est :

**English**

This passage has not yet been translated.

[↗](https://missale.online/biblia/en/1mcc/7#text-a344e3eeceed7e93233c)

**Latin**

Carnes sanctorum tuorum, et sanguinem ipsorum effuderunt in circuitu Jerusalem, et non erat qui sepeliret.

**English**

This passage has not yet been translated.

[↗](https://missale.online/biblia/en/1mcc/7#text-292f98d53276b7e92ddb)

**Latin**

Et incubuit timor et tremor in omnem populum : quia dixerunt : Non est veritas, et judicium in eis : transgressi sunt enim constitutum, et jusjurandum quod juraverunt.

**English**

This passage has not yet been translated.

[↗](https://missale.online/biblia/en/1mcc/7#text-ea8c03b9efa00fc49552)

**Latin**

Et movit Bacchides castra ab Jerusalem, et applicuit in Bethzecha : et misit, et comprehendit multos ex eis qui a se effugerant : et quosdam de populo mactavit, et in puteum magnum projecit.

**English**

This passage has not yet been translated.

[↗](https://missale.online/biblia/en/1mcc/7#text-0b9188f9827bc9369014)

**Latin**

Et commisit regionem Alcimo, et reliquit cum eo auxilium in adjutorium ipsi. Et abiit Bacchides ad regem :

**English**

This passage has not yet been translated.

[↗](https://missale.online/biblia/en/1mcc/7#text-4a377fb8b3ab2ddc2997)

**Latin**

et satis agebat Alcimus pro principatu sacerdotii sui :

**English**

This passage has not yet been translated.

[↗](https://missale.online/biblia/en/1mcc/7#text-558828010cd7e67a3b8c)

**Latin**

et convenerunt ad eum omnes, qui perturbabant populum suum, et obtinuerunt terram Juda, et fecerunt plagam magnam in Israël.

**English**

This passage has not yet been translated.

[↗](https://missale.online/biblia/en/1mcc/7#text-ec73ab42682871a72627)

**Latin**

Et vidit Judas omnia mala quæ fecit Alcimus et qui cum eo erant filiis Israël, multo plus quam gentes :

**English**

This passage has not yet been translated.

[↗](https://missale.online/biblia/en/1mcc/7#text-67cd7490abc0fa3b8079)

**Latin**

et exiit in omnes fines Judææ in circuitu, et fecit vindictam in viros desertores, et cessaverunt ultra exire in regionem.

**English**

This passage has not yet been translated.

[↗](https://missale.online/biblia/en/1mcc/7#text-3ac038d6962289bd3c26)

**Latin**

Vidit autem Alcimus quod prævaluit Judas et qui cum eo erant, et cognovit quia non potest sustinere eos : et regressus est ad regem, et accusavit eos multis criminibus.

**English**

This passage has not yet been translated.

[↗](https://missale.online/biblia/en/1mcc/7#text-2b08b45b7a9fd92ff7f8)

**Latin**

Et misit rex Nicanorem, unum ex principibus suis nobilioribus, qui erat inimicitias exercens contra Israël : et mandavit ei evertere populum.

**English**

This passage has not yet been translated.

[↗](https://missale.online/biblia/en/1mcc/7#text-1b9b77d3fcc49350a3f4)

**Latin**

Et venit Nicanor in Jerusalem cum exercitu magno, et misit ad Judam et ad fratres ejus verbis pacificis cum dolo,

**English**

This passage has not yet been translated.

[↗](https://missale.online/biblia/en/1mcc/7#text-21478efda9e3bd77c058)

**Latin**

dicens : Non sit pugna inter me et vos : veniam cum viris paucis, ut videam facies vestras cum pace.

**English**

This passage has not yet been translated.

[↗](https://missale.online/biblia/en/1mcc/7#text-66af0bf07849f0763ec9)

**Latin**

Et venit ad Judam, et salutaverunt se invicem pacifice : et hostes parati erant rapere Judam.

**English**

This passage has not yet been translated.

[↗](https://missale.online/biblia/en/1mcc/7#text-8ce0bbceaab8ff918d3a)

**Latin**

Et innotuit sermo Judæ quoniam cum dolo venerat ad eum : et conterritus est ab eo, et amplius noluit videre faciem ejus.

**English**

This passage has not yet been translated.

[↗](https://missale.online/biblia/en/1mcc/7#text-ccc106774904a733b00e)

**Latin**

Et cognovit Nicanor quoniam denudatum est consilium ejus : et exivit obviam Judæ in pugnam juxta Capharsalama.

**English**

This passage has not yet been translated.

[↗](https://missale.online/biblia/en/1mcc/7#text-3885b8fb3f9b0c24fd89)

**Latin**

Et ceciderunt de Nicanoris exercitu fere quinque millia viri, et fugerunt in civitatem David.

**English**

This passage has not yet been translated.

[↗](https://missale.online/biblia/en/1mcc/7#text-578310eff006266469cc)

**Latin**

Et post hæc verba ascendit Nicanor in montem Sion : et exierunt de sacerdotibus populi salutare eum in pace, et demonstrare ei holocautomata, quæ offerebantur pro rege.

**English**

This passage has not yet been translated.

[↗](https://missale.online/biblia/en/1mcc/7#text-fe2917b9f5e3cb90d74f)

**Latin**

Et irridens sprevit eos, et polluit : et locutus est superbe,

**English**

This passage has not yet been translated.

[↗](https://missale.online/biblia/en/1mcc/7#text-79e5363277408edadf4d)

**Latin**

et juravit cum ira, dicens : Nisi traditus fuerit Judas et exercitus ejus in manus meas, continuo cum regressus fuero in pace, succendam domum istam. Et exiit cum ira magna.

**English**

This passage has not yet been translated.

[↗](https://missale.online/biblia/en/1mcc/7#text-5f3b65a9d805032a9ee2)

**Latin**

Et intraverunt sacerdotes, et steterunt ante faciem altaris et templi, et flentes dixerunt :

**English**

This passage has not yet been translated.

[↗](https://missale.online/biblia/en/1mcc/7#text-762d295fd73e6f7c5976)

**Latin**

Tu, Domine, elegisti domum istam ad invocandum nomen tuum in ea, ut esset domus orationis et obsecrationis populo tuo :

**English**

This passage has not yet been translated.

[↗](https://missale.online/biblia/en/1mcc/7#text-cda9e96bec793da3010d)

**Latin**

fac vindictam in homine isto et exercitu ejus, et cadant in gladio : memento blasphemias eorum, et ne dederis eis ut permaneant.

**English**

This passage has not yet been translated.

[↗](https://missale.online/biblia/en/1mcc/7#text-c9ba0458566bc71ea2f2)

**Latin**

Et exiit Nicanor ab Jerusalem, et castra applicuit ad Bethoron : et occurrit illi exercitus Syriæ.

**English**

This passage has not yet been translated.

[↗](https://missale.online/biblia/en/1mcc/7#text-0a338341cf79beb16c8c)

**Latin**

Et Judas applicuit in Adarsa cum tribus millibus viris : et oravit Judas, et dixit :

**English**

This passage has not yet been translated.

[↗](https://missale.online/biblia/en/1mcc/7#text-4f0f2d4b48873fb3fb7d)

**Latin**

Qui missi erant a rege Sennacherib, Domine, quia blasphemaverunt te, exiit angelus, et percussit ex eis centum octoginta quinque millia :

**English**

This passage has not yet been translated.

[↗](https://missale.online/biblia/en/1mcc/7#text-fc584dea5d0f34768064)

**Latin**

sic contere exercitum istum in conspectu nostro hodie : et sciant ceteri quia male locutus est super sancta tua : et judica illum secundum malitiam illius.

**English**

This passage has not yet been translated.

[↗](https://missale.online/biblia/en/1mcc/7#text-1d4c9d6a2b609d4d8862)

**Latin**

Et commiserunt exercitus prælium tertiadecima die mensis Adar : et contrita sunt castra Nicanoris, et cecidit ipse primus in prælio.

**English**

This passage has not yet been translated.

[↗](https://missale.online/biblia/en/1mcc/7#text-19e6b234a9c4be7552a1)

**Latin**

Ut autem vidit exercitus ejus quia cecidisset Nicanor, projecerunt arma sua, et fugerunt :

**English**

This passage has not yet been translated.

[↗](https://missale.online/biblia/en/1mcc/7#text-bd57201e01a06d00b9fb)

**Latin**

et persecuti sunt eos viam unius diei ab Adazer usquequo veniatur in Gazara, et tubis cecinerunt post eos cum significationibus :

**English**

This passage has not yet been translated.

[↗](https://missale.online/biblia/en/1mcc/7#text-73f4c9ab3d7f51b5198b)

**Latin**

et exierunt de omnibus castellis Judææ in circuitu, et ventilabant eos cornibus, et convertebantur iterum ad eos, et ceciderunt omnes gladio, et non est relictus ex eis nec unus.

**English**

This passage has not yet been translated.

[↗](https://missale.online/biblia/en/1mcc/7#text-523c85936a7443f13d60)

**Latin**

Et acceperunt spolia eorum in prædam : et caput Nicanoris amputaverunt, et dexteram ejus, quam extenderat superbe, et attulerunt, et suspenderunt contra Jerusalem.

**English**

This passage has not yet been translated.

[↗](https://missale.online/biblia/en/1mcc/7#text-22c467dc90ab9559a57d)

**Latin**

Et lætatus est populus valde, et egerunt diem illam in lætitia magna.

**English**

This passage has not yet been translated.

[↗](https://missale.online/biblia/en/1mcc/7#text-5bd5d3b5b9a9e19b5ca1)

**Latin**

Et constituit agi omnibus annis diem istam tertiadecima die mensis Adar.

**English**

This passage has not yet been translated.

[↗](https://missale.online/biblia/en/1mcc/7#text-84579d698f74cd639acf)

**Latin**

Et siluit terra Juda dies paucos.

**English**

This passage has not yet been translated.