# 1 Chronicles · 20

> https://missale.online/biblia/en/1par/20

## Verses

[↗](https://missale.online/biblia/en/1par/20#text-738a397ca42f89be3041)

**Latin**

Factum est autem post anni circulum, eo tempore quo solent reges ad bella procedere, congregavit Joab exercitum, et robur militiæ, et vastavit terram filiorum Ammon : perrexitque et obsedit Rabba. Porro David manebat in Jerusalem, quando Joab percussit Rabba et destruxit eam.

**English**

This passage has not yet been translated.

[↗](https://missale.online/biblia/en/1par/20#text-a431dc21500084281aad)

**Latin**

Tulit autem David coronam Melchom de capite ejus, et invenit in ea auri pondo talentum, et pretiosissimas gemmas, fecitque sibi inde diadema : manubias quoque urbis plurimas tulit ;

**English**

This passage has not yet been translated.

[↗](https://missale.online/biblia/en/1par/20#text-51d615e65f2b8ce7b8f8)

**Latin**

populum autem, qui erat in ea, eduxit, et fecit super eos tribulas, et trahas, et ferrata carpenta transire, ita ut dissecarentur et contererentur. Sic fecit David cunctis urbibus filiorum Ammon : et reversus est cum omni populo suo in Jerusalem.

**English**

This passage has not yet been translated.

[↗](https://missale.online/biblia/en/1par/20#text-5d4da59ebdbb384b8c9f)

**Latin**

Post hæc initum est bellum in Gazer adversum Philisthæos, in quo percussit Sobochai Husathites, Saphai de genere Raphaim, et humiliavit eos.

**English**

This passage has not yet been translated.

[↗](https://missale.online/biblia/en/1par/20#text-c9a99567837d7d8a5257)

**Latin**

Aliud quoque bellum gestum est adversus Philisthæos, in quo percussit Adeodatus filius Saltus Bethlehemites fratrem Goliath Gethæi, cujus hastæ lignum erat quasi liciatorium texentium.

**English**

This passage has not yet been translated.

[↗](https://missale.online/biblia/en/1par/20#text-db8941e9bfe92ba71d70)

**Latin**

Sed et aliud bellum accidit in Geth, in quo fuit homo longissimus, senos habens digitos, id est, simul viginti quatuor : qui et ipse de Rapha fuerat stirpe generatus.

**English**

This passage has not yet been translated.

[↗](https://missale.online/biblia/en/1par/20#text-d18c4bffa042bddf03b6)

**Latin**

Hic blasphemavit Israël : et percussit eum Jonathan filius Samaa fratris David. Hi sunt filii Rapha in Geth, qui ceciderunt in manu David et servorum ejus.

**English**

This passage has not yet been translated.