# 1 Chronicles · 22

> https://missale.online/biblia/en/1par/22

## Verses

[↗](https://missale.online/biblia/en/1par/22#text-738a397ca42f89be3041)

**Latin**

Dixitque David : Hæc est domus Dei, et hoc altare in holocaustum Israëli.

**English**

This passage has not yet been translated.

[↗](https://missale.online/biblia/en/1par/22#text-a431dc21500084281aad)

**Latin**

Et præcepit ut congregarentur omnes proselyti de terra Israël, et constituit ex eis latomos ad cædendos lapides et poliendos, ut ædificaretur domus Dei.

**English**

This passage has not yet been translated.

[↗](https://missale.online/biblia/en/1par/22#text-51d615e65f2b8ce7b8f8)

**Latin**

Ferrum quoque plurimum ad clavos januarum, et ad commissuras atque juncturas, præparavit David : et æris pondus innumerabile.

**English**

This passage has not yet been translated.

[↗](https://missale.online/biblia/en/1par/22#text-5d4da59ebdbb384b8c9f)

**Latin**

Ligna quoque cedrina non poterant æstimari, quæ Sidonii et Tyrii deportaverant ad David.

**English**

This passage has not yet been translated.

[↗](https://missale.online/biblia/en/1par/22#text-c9a99567837d7d8a5257)

**Latin**

Et dixit David : Solomon filius meus puer parvulus est et delicatus : domus autem, quam ædificari volo Domino, talis esse debet ut in cunctis regionibus nominetur : præparabo ergo ei necessaria. Et ob hanc causam ante mortem suam omnes præparavit impensas.

**English**

This passage has not yet been translated.

[↗](https://missale.online/biblia/en/1par/22#text-db8941e9bfe92ba71d70)

**Latin**

Vocavitque Salomonem filium suum, et præcepit ei ut ædificaret domum Domino Deo Israël.

**English**

This passage has not yet been translated.

[↗](https://missale.online/biblia/en/1par/22#text-d18c4bffa042bddf03b6)

**Latin**

Dixitque David ad Salomonem : Fili mi, voluntatis meæ fuit ut ædificarem domum nomini Domini Dei mei :

**English**

This passage has not yet been translated.

[↗](https://missale.online/biblia/en/1par/22#text-280b739fac2695c16a42)

**Latin**

sed factus est sermo Domini ad me, dicens : Multum sanguinem effudisti, et plurima bella bellasti : non poteris ædificare domum nomini meo, tanto effuso sanguine coram me :

**English**

This passage has not yet been translated.

[↗](https://missale.online/biblia/en/1par/22#text-3dd53cfa29a281509a99)

**Latin**

filius qui nascetur tibi, erit vir quietissimus : faciam enim eum requiescere ab omnibus inimicis suis per circuitum : et ob hanc causam Pacificus vocabitur : et pacem et otium dabo in Israël cunctis diebus ejus.

**English**

This passage has not yet been translated.

[↗](https://missale.online/biblia/en/1par/22#text-c297fce5deb3b72375f2)

**Latin**

Ipse ædificabit domum nomini meo, et ipse erit mihi in filium, et ego ero illi in patrem : firmaboque solium regni ejus super Israël in æternum.

**English**

This passage has not yet been translated.

[↗](https://missale.online/biblia/en/1par/22#text-44b28169590526f68717)

**Latin**

Nunc ergo fili mi, sit Dominus tecum, et prosperare, et ædifica domum Domino Deo tuo sicut locutus est de te.

**English**

This passage has not yet been translated.

[↗](https://missale.online/biblia/en/1par/22#text-40022955d80a097e447c)

**Latin**

Det quoque Dominus prudentiam et sensum ut regere possis Israël, et custodire legem Domini Dei tui.

**English**

This passage has not yet been translated.

[↗](https://missale.online/biblia/en/1par/22#text-9cddad593f73adeac016)

**Latin**

Tunc enim proficere poteris, si custodieris mandata et judicia quæ præcepit Dominus Moysi ut doceret Israël. Confortare, et viriliter age : ne timeas, neque paveas.

**English**

This passage has not yet been translated.

[↗](https://missale.online/biblia/en/1par/22#text-77f0bcf628a6b2c6b32a)

**Latin**

Ecce ego in paupertate mea præparavi impensas domus Domini, auri talenta centum millia, et argenti mille millia talentorum : æris vero et ferri non est pondus, vincitur enim numerus magnitudine ; ligna et lapides præparavi ad universa impendia.

**English**

This passage has not yet been translated.

[↗](https://missale.online/biblia/en/1par/22#text-e93f4ea4f81375c9a221)

**Latin**

Habes quoque plurimos artifices, latomos, et cæmentarios, artificesque lignorum, et omnium artium ad faciendum opus prudentissimos,

**English**

This passage has not yet been translated.

[↗](https://missale.online/biblia/en/1par/22#text-ad0dbb7caa8136e57bff)

**Latin**

in auro et argento et ære et ferro, cujus non est numerus. Surge igitur et fac, et erit Dominus tecum.

**English**

This passage has not yet been translated.

[↗](https://missale.online/biblia/en/1par/22#text-a344e3eeceed7e93233c)

**Latin**

Præcepit quoque David cunctis principibus Israël ut adjuvarent Salomonem filium suum :

**English**

This passage has not yet been translated.

[↗](https://missale.online/biblia/en/1par/22#text-292f98d53276b7e92ddb)

**Latin**

Cernitis, inquiens, quod Dominus Deus vester vobiscum sit, et dederit vobis requiem per circuitum, et tradiderit omnes inimicos vestros in manus vestras, et subjecta sit terra coram Domino, et coram populo ejus.

**English**

This passage has not yet been translated.

[↗](https://missale.online/biblia/en/1par/22#text-ea8c03b9efa00fc49552)

**Latin**

Præbete igitur corda vestra et animas vestras, ut quæratis Dominum Deum vestrum : et consurgite, et ædificate sanctuarium Domino Deo, ut introducatur arca fœderis Domini, et vasa Domino consecrata, in domum quæ ædificatur nomini Domini.

**English**

This passage has not yet been translated.