# 1 Samuel · 1

> https://missale.online/biblia/en/1rg/1

## Verses

[↗](https://missale.online/biblia/en/1rg/1#text-738a397ca42f89be3041)

**Latin**

Fuit vir unus de Ramathaimsophim, de monte Ephraim, et nomen ejus Elcana, filius Jeroham, filii Eliu, filii Thohu, filii Suph, Ephrathæus :

**English**

This passage has not yet been translated.

[↗](https://missale.online/biblia/en/1rg/1#text-a431dc21500084281aad)

**Latin**

et habuit duas uxores, nomen uni Anna, et nomen secundæ Phenenna. Fueruntque Phenennæ filii : Annæ autem non erant liberi.

**English**

This passage has not yet been translated.

[↗](https://missale.online/biblia/en/1rg/1#text-51d615e65f2b8ce7b8f8)

**Latin**

Et ascendebat vir ille de civitate sua statutis diebus, ut adoraret et sacrificaret Domino exercituum in Silo. Erant autem ibi duo filii Heli, Ophni et Phinees, sacerdotes Domini.

**English**

This passage has not yet been translated.

[↗](https://missale.online/biblia/en/1rg/1#text-5d4da59ebdbb384b8c9f)

**Latin**

Venit ergo dies, et immolavit Elcana, deditque Phenennæ uxori suæ, et cunctis filiis ejus et filiabus, partes :

**English**

This passage has not yet been translated.

[↗](https://missale.online/biblia/en/1rg/1#text-c9a99567837d7d8a5257)

**Latin**

Annæ autem dedit partem unam tristis, quia Annam diligebat. Dominus autem concluserat vulvam ejus.

**English**

This passage has not yet been translated.

[↗](https://missale.online/biblia/en/1rg/1#text-db8941e9bfe92ba71d70)

**Latin**

Affligebat quoque eam æmula ejus, et vehementer angebat, in tantum ut exprobraret quod Dominus conclusisset vulvam ejus :

**English**

This passage has not yet been translated.

[↗](https://missale.online/biblia/en/1rg/1#text-d18c4bffa042bddf03b6)

**Latin**

sicque faciebat per singulos annos : cum redeunte tempore ascenderent ad templum Domini, et sic provocabat eam : porro illa flebat, et non capiebat cibum.

**English**

This passage has not yet been translated.

[↗](https://missale.online/biblia/en/1rg/1#text-280b739fac2695c16a42)

**Latin**

Dixit ergo ei Elcana vir suus : Anna, cur fles ? et quare non comedis ? et quam ob rem affligitur cor tuum ? numquid non ego melior tibi sum, quam decem filii ?

**English**

This passage has not yet been translated.

[↗](https://missale.online/biblia/en/1rg/1#text-3dd53cfa29a281509a99)

**Latin**

Surrexit autem Anna postquam comederat et biberat in Silo. Et Heli sacerdote sedente super sellam ante postes templi Domini,

**English**

This passage has not yet been translated.

[↗](https://missale.online/biblia/en/1rg/1#text-c297fce5deb3b72375f2)

**Latin**

cum esset Anna amaro animo, oravit ad Dominum, flens largiter,

**English**

This passage has not yet been translated.

[↗](https://missale.online/biblia/en/1rg/1#text-44b28169590526f68717)

**Latin**

et votum vovit, dicens : Domine exercituum, si respiciens videris afflictionem famulæ tuæ, et recordatus mei fueris, nec oblitus ancillæ tuæ, dederisque servæ tuæ sexum virilem : dabo eum Domino omnibus diebus vitæ ejus, et novacula non ascendet super caput ejus.

**English**

This passage has not yet been translated.

[↗](https://missale.online/biblia/en/1rg/1#text-40022955d80a097e447c)

**Latin**

Factum est autem, cum illa multiplicaret preces coram Domino, ut Heli observaret os ejus.

**English**

This passage has not yet been translated.

[↗](https://missale.online/biblia/en/1rg/1#text-9cddad593f73adeac016)

**Latin**

Porro Anna loquebatur in corde suo, tantumque labia illius movebantur, et vox penitus non audiebatur. Æstimavit ergo eam Heli temulentam,

**English**

This passage has not yet been translated.

[↗](https://missale.online/biblia/en/1rg/1#text-77f0bcf628a6b2c6b32a)

**Latin**

dixitque ei : Usquequo ebria eris ? digere paulisper vinum, quo mades.

**English**

This passage has not yet been translated.

[↗](https://missale.online/biblia/en/1rg/1#text-e93f4ea4f81375c9a221)

**Latin**

Respondens Anna : Nequaquam, inquit, domine mi : nam mulier infelix nimis ego sum : vinumque et omne quod inebriare potest, non bibi, sed effudi animam meam in conspectu Domini.

**English**

This passage has not yet been translated.

[↗](https://missale.online/biblia/en/1rg/1#text-ad0dbb7caa8136e57bff)

**Latin**

Ne reputes ancillam tuam quasi unam de filiabus Belial : quia ex multitudine doloris et mœroris mei locuta sum usque in præsens.

**English**

This passage has not yet been translated.

[↗](https://missale.online/biblia/en/1rg/1#text-a344e3eeceed7e93233c)

**Latin**

Tunc Heli ait ei : Vade in pace : et Deus Israël det tibi petitionem tuam quam rogasti eum.

**English**

This passage has not yet been translated.

[↗](https://missale.online/biblia/en/1rg/1#text-292f98d53276b7e92ddb)

**Latin**

Et illa dixit : Utinam inveniat ancilla tua gratiam in oculis tuis. Et abiit mulier in viam suam, et comedit, vultusque illius non sunt amplius in diversa mutati.

**English**

This passage has not yet been translated.

[↗](https://missale.online/biblia/en/1rg/1#text-ea8c03b9efa00fc49552)

**Latin**

Et surrexerunt mane, et adoraverunt coram Domino : reversique sunt, et venerunt in domum suam Ramatha.

 Cognovit autem Elcana Annam uxorem suam : et recordatus est ejus Dominus.

**English**

This passage has not yet been translated.

[↗](https://missale.online/biblia/en/1rg/1#text-0b9188f9827bc9369014)

**Latin**

Et factum est post circulum dierum, concepit Anna, et peperit filium : vocavitque nomen ejus Samuel, eo quod a Domino postulasset eum.

**English**

This passage has not yet been translated.

[↗](https://missale.online/biblia/en/1rg/1#text-4a377fb8b3ab2ddc2997)

**Latin**

Ascendit autem vir ejus Elcana, et omnis domus ejus, ut immolaret Domino hostiam solemnem, et votum suum.

**English**

This passage has not yet been translated.

[↗](https://missale.online/biblia/en/1rg/1#text-558828010cd7e67a3b8c)

**Latin**

Et Anna non ascendit : dixit enim viro suo : Non vadam donec ablactetur infans, et ducam eum, ut appareat ante conspectum Domini, et maneat ibi jugiter.

**English**

This passage has not yet been translated.

[↗](https://missale.online/biblia/en/1rg/1#text-ec73ab42682871a72627)

**Latin**

Et ait ei Elcana vir suus : Fac quod bonum tibi videtur, et mane donec ablactes eum : precorque ut impleat Dominus verbum suum. Mansit ergo mulier, et lactavit filium suum, donec amoveret eum a lacte.

**English**

This passage has not yet been translated.

[↗](https://missale.online/biblia/en/1rg/1#text-67cd7490abc0fa3b8079)

**Latin**

Et adduxit eum secum, postquam ablactaverat, in vitulis tribus, et tribus modiis farinæ, et amphora vini, et adduxit eum ad domum Domini in Silo. Puer autem erat adhuc infantulus :

**English**

This passage has not yet been translated.

[↗](https://missale.online/biblia/en/1rg/1#text-3ac038d6962289bd3c26)

**Latin**

et immolaverunt vitulum, et obtulerunt puerum Heli.

**English**

This passage has not yet been translated.

[↗](https://missale.online/biblia/en/1rg/1#text-2b08b45b7a9fd92ff7f8)

**Latin**

Et ait Anna : Obsecro mi domine, vivit anima tua, domine : ego sum illa mulier, quæ steti coram te hic orans Dominum.

**English**

This passage has not yet been translated.

[↗](https://missale.online/biblia/en/1rg/1#text-1b9b77d3fcc49350a3f4)

**Latin**

Pro puero isto oravi, et dedit mihi Dominus petitionem meam quam postulavi eum.

**English**

This passage has not yet been translated.

[↗](https://missale.online/biblia/en/1rg/1#text-21478efda9e3bd77c058)

**Latin**

Idcirco et ego commodavi eum Domino cunctis diebus quibus fuerit commodatus Domino. Et adoraverunt ibi Dominum.

 Et oravit Anna, et ait :

**English**

This passage has not yet been translated.