# 1 Samuel · 2

> https://missale.online/biblia/en/1rg/2

## Verses

[↗](https://missale.online/biblia/en/1rg/2#text-738a397ca42f89be3041)

**Latin**

Exultavit cor meum in Domino,
et exaltatum est cornu meum in Deo meo ;
dilatatum est os meum super inimicos meos :
quia lætata sum in salutari tuo.

**English**

This passage has not yet been translated.

[↗](https://missale.online/biblia/en/1rg/2#text-a431dc21500084281aad)

**Latin**

Non est sanctus, ut est Dominus,
neque enim est alius extra te,
et non est fortis sicut Deus noster.

**English**

This passage has not yet been translated.

[↗](https://missale.online/biblia/en/1rg/2#text-51d615e65f2b8ce7b8f8)

**Latin**

Nolite multiplicare loqui sublimia gloriantes ;
recedant vetera de ore vestro :
quia Deus scientiarum Dominus est,
et ipsi præparantur cogitationes.

**English**

This passage has not yet been translated.

[↗](https://missale.online/biblia/en/1rg/2#text-5d4da59ebdbb384b8c9f)

**Latin**

Arcus fortium superatus est,
et infirmi accincti sunt robore.

**English**

This passage has not yet been translated.

[↗](https://missale.online/biblia/en/1rg/2#text-c9a99567837d7d8a5257)

**Latin**

Repleti prius, pro panibus se locaverunt :
et famelici saturati sunt,
donec sterilis peperit plurimos :
et quæ multos habebat filios, infirmata est.

**English**

This passage has not yet been translated.

[↗](https://missale.online/biblia/en/1rg/2#text-db8941e9bfe92ba71d70)

**Latin**

Dominus mortificat et vivificat ;
deducit ad inferos et reducit.

**English**

This passage has not yet been translated.

[↗](https://missale.online/biblia/en/1rg/2#text-d18c4bffa042bddf03b6)

**Latin**

Dominus pauperem facit et ditat,
humiliat et sublevat.

**English**

This passage has not yet been translated.

[↗](https://missale.online/biblia/en/1rg/2#text-280b739fac2695c16a42)

**Latin**

Suscitat de pulvere egenum,
et de stercore elevat pauperem :
ut sedeat cum principibus,
et solium gloriæ teneat.
Domini enim sunt cardines terræ,
et posuit super eos orbem.

**English**

This passage has not yet been translated.

[↗](https://missale.online/biblia/en/1rg/2#text-3dd53cfa29a281509a99)

**Latin**

Pedes sanctorum suorum servabit,
et impii in tenebris conticescent :
quia non in fortitudine sua roborabitur vir.

**English**

This passage has not yet been translated.

[↗](https://missale.online/biblia/en/1rg/2#text-c297fce5deb3b72375f2)

**Latin**

Dominum formidabunt adversarii ejus :
et super ipsos in cælis tonabit.
Dominus judicabit fines terræ,
et dabit imperium regi suo,
et sublimabit cornu christi sui.

**English**

This passage has not yet been translated.

[↗](https://missale.online/biblia/en/1rg/2#text-44b28169590526f68717)

**Latin**

Et abiit Elcana Ramatha, in domum suam : puer autem erat minister in conspectu Domini ante faciem Heli sacerdotis.

**English**

This passage has not yet been translated.

[↗](https://missale.online/biblia/en/1rg/2#text-40022955d80a097e447c)

**Latin**

Porro filii Heli, filii Belial, nescientes Dominum,

**English**

This passage has not yet been translated.

[↗](https://missale.online/biblia/en/1rg/2#text-9cddad593f73adeac016)

**Latin**

neque officium sacerdotum ad populum : sed quicumque immolasset victimam, veniebat puer sacerdotis, dum coquerentur carnes, et habebat fuscinulam tridentem in manu sua,

**English**

This passage has not yet been translated.

[↗](https://missale.online/biblia/en/1rg/2#text-77f0bcf628a6b2c6b32a)

**Latin**

et mittebat eam in lebetem, vel in caldariam, aut in ollam, sive in cacabum : et omne quod levabat fuscinula, tollebat sacerdos sibi : sic faciebant universo Israëli venientium in Silo.

**English**

This passage has not yet been translated.

[↗](https://missale.online/biblia/en/1rg/2#text-e93f4ea4f81375c9a221)

**Latin**

Etiam antequam adolerent adipem, veniebat puer sacerdotis, et dicebat immolanti : Da mihi carnem, ut coquam sacerdoti : non enim accipiam a te carnem coctam, sed crudam.

**English**

This passage has not yet been translated.

[↗](https://missale.online/biblia/en/1rg/2#text-ad0dbb7caa8136e57bff)

**Latin**

Dicebatque illi immolans : Incendatur primum juxta morem hodie adeps, et tolle tibi quantumcumque desiderat anima tua. Qui respondens aiebat ei : Nequaquam : nunc enim dabis, alioquin tollam vi.

**English**

This passage has not yet been translated.

[↗](https://missale.online/biblia/en/1rg/2#text-a344e3eeceed7e93233c)

**Latin**

Erat ergo peccatum puerorum grande nimis coram Domino : quia retrahebant homines a sacrificio Domini.

**English**

This passage has not yet been translated.

[↗](https://missale.online/biblia/en/1rg/2#text-292f98d53276b7e92ddb)

**Latin**

Samuel autem ministrabat ante faciem Domini, puer accinctus ephod lineo.

**English**

This passage has not yet been translated.

[↗](https://missale.online/biblia/en/1rg/2#text-ea8c03b9efa00fc49552)

**Latin**

Et tunicam parvam faciebat ei mater sua, quam afferebat statutis diebus, ascendens cum viro suo, ut immolaret hostiam solemnem.

**English**

This passage has not yet been translated.

[↗](https://missale.online/biblia/en/1rg/2#text-0b9188f9827bc9369014)

**Latin**

Et benedixit Heli Elcanæ et uxori ejus : dixitque ei : Reddat tibi Dominus semen de muliere hac, pro fœnore quod commodasti Domino. Et abierunt in locum suum.

**English**

This passage has not yet been translated.

[↗](https://missale.online/biblia/en/1rg/2#text-4a377fb8b3ab2ddc2997)

**Latin**

Visitavit ergo Dominus Annam, et concepit, et peperit tres filios, et duas filias : et magnificatus est puer Samuel apud Dominum.

**English**

This passage has not yet been translated.

[↗](https://missale.online/biblia/en/1rg/2#text-558828010cd7e67a3b8c)

**Latin**

Heli autem erat senex valde, et audivit omnia quæ faciebant filii sui universo Israëli, et quomodo dormiebant cum mulieribus quæ observabant ad ostium tabernaculi :

**English**

This passage has not yet been translated.

[↗](https://missale.online/biblia/en/1rg/2#text-ec73ab42682871a72627)

**Latin**

et dixit eis : Quare facitis res hujuscemodi quas ego audio, res pessimas, ab omni populo ?

**English**

This passage has not yet been translated.

[↗](https://missale.online/biblia/en/1rg/2#text-67cd7490abc0fa3b8079)

**Latin**

Nolite, filii mei : non enim est bona fama quam ego audio, ut transgredi faciatis populum Domini.

**English**

This passage has not yet been translated.

[↗](https://missale.online/biblia/en/1rg/2#text-3ac038d6962289bd3c26)

**Latin**

Si peccaverit vir in virum, placari ei potest Deus : si autem in Dominum peccaverit vir, quis orabit pro eo ? Et non audierunt vocem patris sui : quia voluit Dominus occidere eos.

**English**

This passage has not yet been translated.

[↗](https://missale.online/biblia/en/1rg/2#text-2b08b45b7a9fd92ff7f8)

**Latin**

Puer autem Samuel proficiebat atque crescebat, et placebat tam Domino quam hominibus.

**English**

This passage has not yet been translated.

[↗](https://missale.online/biblia/en/1rg/2#text-1b9b77d3fcc49350a3f4)

**Latin**

Venit autem vir Dei ad Heli, et ait ad eum : Hæc dicit Dominus : Numquid non aperte revelatus sum domui patris tui, cum essent in Ægypto in domo Pharaonis ?

**English**

This passage has not yet been translated.

[↗](https://missale.online/biblia/en/1rg/2#text-21478efda9e3bd77c058)

**Latin**

Et elegi eum ex omnibus tribubus Israël mihi in sacerdotem, ut ascenderet ad altare meum, et adoleret mihi incensum, et portaret ephod coram me : et dedi domui patris tui omnia de sacrificiis filiorum Israël.

**English**

This passage has not yet been translated.

[↗](https://missale.online/biblia/en/1rg/2#text-66af0bf07849f0763ec9)

**Latin**

Quare calce abjecistis victimam meam, et munera mea quæ præcepi ut offerrentur in templo : et magis honorasti filios tuos quam me, ut comederetis primitias omnis sacrificii Israël populi mei ?

**English**

This passage has not yet been translated.

[↗](https://missale.online/biblia/en/1rg/2#text-8ce0bbceaab8ff918d3a)

**Latin**

Propterea ait Dominus Deus Israël : Loquens locutus sum, ut domus tua, et domus patris tui, ministraret in conspectu meo usque in sempiternum. Nunc autem dicit Dominus : Absit hoc a me : sed quicumque glorificaverit me, glorificabo eum : qui autem contemnunt me, erunt ignobiles.

**English**

This passage has not yet been translated.

[↗](https://missale.online/biblia/en/1rg/2#text-ccc106774904a733b00e)

**Latin**

Ecce dies veniunt, et præcidam brachium tuum, et brachium domus patris tui, ut non sit senex in domo tua.

**English**

This passage has not yet been translated.

[↗](https://missale.online/biblia/en/1rg/2#text-3885b8fb3f9b0c24fd89)

**Latin**

Et videbis æmulum tuum in templo, in universis prosperis Israël : et non erit senex in domo tua omnibus diebus.

**English**

This passage has not yet been translated.

[↗](https://missale.online/biblia/en/1rg/2#text-578310eff006266469cc)

**Latin**

Verumtamen non auferam penitus virum ex te ab altari meo : sed ut deficiant oculi tui, et tabescat anima tua : et pars magna domus tuæ morietur cum ad virilem ætatem venerit.

**English**

This passage has not yet been translated.

[↗](https://missale.online/biblia/en/1rg/2#text-fe2917b9f5e3cb90d74f)

**Latin**

Hoc autem erit tibi signum, quod venturum est duobus filiis tuis, Ophni et Phinees : in die uno morientur ambo.

**English**

This passage has not yet been translated.

[↗](https://missale.online/biblia/en/1rg/2#text-79e5363277408edadf4d)

**Latin**

Et suscitabo mihi sacerdotem fidelem, qui juxta cor meum et animam meam faciet : et ædificabo ei domum fidelem, et ambulabit coram christo meo cunctis diebus.

**English**

This passage has not yet been translated.

[↗](https://missale.online/biblia/en/1rg/2#text-5f3b65a9d805032a9ee2)

**Latin**

Futurum est autem, ut quicumque remanserit in domo tua, veniat ut oretur pro eo, et offerat nummum argenteum, et tortam panis, dicatque : Dimitte me, obsecro, ad unam partem sacerdotalem, ut comedam buccellam panis.

**English**

This passage has not yet been translated.