# 1 Samuel · 27

> https://missale.online/biblia/en/1rg/27

## Verses

[↗](https://missale.online/biblia/en/1rg/27#text-738a397ca42f89be3041)

**Latin**

Et ait David in corde suo : Aliquando incidam una die in manus Saul : nonne melius est ut fugiam, et salver in terra Philisthinorum, ut desperet Saul, cessetque me quærere in cunctis finibus Israël ? fugiam ergo manus ejus.

**English**

This passage has not yet been translated.

[↗](https://missale.online/biblia/en/1rg/27#text-a431dc21500084281aad)

**Latin**

Et surrexit David, et abiit ipse, et sexcenti viri cum eo, ad Achis filium Maoch regem Geth.

**English**

This passage has not yet been translated.

[↗](https://missale.online/biblia/en/1rg/27#text-51d615e65f2b8ce7b8f8)

**Latin**

Et habitavit David cum Achis in Geth, ipse et viri ejus : vir et domus ejus : et David, et duæ uxores ejus, Achinoam Jezrahelitis, et Abigail uxor Nabal Carmeli.

**English**

This passage has not yet been translated.

[↗](https://missale.online/biblia/en/1rg/27#text-5d4da59ebdbb384b8c9f)

**Latin**

Et nuntiatum est Sauli quod fugisset David in Geth, et non addidit ultra quærere eum.

**English**

This passage has not yet been translated.

[↗](https://missale.online/biblia/en/1rg/27#text-c9a99567837d7d8a5257)

**Latin**

Dixit autem David ad Achis : Si inveni gratiam in oculis tuis, detur mihi locus in una urbium regionis hujus, ut habitem ibi : cur enim manet servus tuus in civitate regis tecum ?

**English**

This passage has not yet been translated.

[↗](https://missale.online/biblia/en/1rg/27#text-db8941e9bfe92ba71d70)

**Latin**

Dedit itaque ei Achis in die illa Siceleg : propter quam causam facta est Siceleg regum Juda usque in diem hanc.

**English**

This passage has not yet been translated.

[↗](https://missale.online/biblia/en/1rg/27#text-d18c4bffa042bddf03b6)

**Latin**

Fuit autem numerus dierum quibus habitavit David in regione Philisthinorum, quatuor mensium.

**English**

This passage has not yet been translated.

[↗](https://missale.online/biblia/en/1rg/27#text-280b739fac2695c16a42)

**Latin**

Et ascendit David et viri ejus, et agebant prædas de Gessuri, et de Gerzi, et de Amalecitis : hi enim pagi habitabantur in terra antiquitus, euntibus Sur usque ad terram Ægypti.

**English**

This passage has not yet been translated.

[↗](https://missale.online/biblia/en/1rg/27#text-3dd53cfa29a281509a99)

**Latin**

Et percutiebat David omnem terram, nec relinquebat viventem virum et mulierem : tollensque oves, et boves, et asinos, et camelos, et vestes, revertebatur, et veniebat ad Achis.

**English**

This passage has not yet been translated.

[↗](https://missale.online/biblia/en/1rg/27#text-c297fce5deb3b72375f2)

**Latin**

Dicebat autem ei Achis : In quem irruisti hodie ? Respondebat David : Contra meridiem Judæ, et contra meridiem Jerameel, et contra meridiem Ceni.

**English**

This passage has not yet been translated.

[↗](https://missale.online/biblia/en/1rg/27#text-44b28169590526f68717)

**Latin**

Virum et mulierem non vivificabat David, nec adducebat in Geth, dicens : Ne forte loquantur adversum nos : Hæc fecit David : et hoc erat decretum illi omnibus diebus quibus habitavit in regione Philisthinorum.

**English**

This passage has not yet been translated.

[↗](https://missale.online/biblia/en/1rg/27#text-40022955d80a097e447c)

**Latin**

Credidit ergo Achis David, dicens : Multa mala operatus est contra populum suum Israël : erit igitur mihi servus sempiternus.

**English**

This passage has not yet been translated.