# 1 Samuel · 4 > https://missale.online/biblia/en/1rg/4 ## Verses [↗](https://missale.online/biblia/en/1rg/4#text-738a397ca42f89be3041) **Latin** Et factum est in diebus illis, convenerunt Philisthiim in pugnam : et egressus est Israël obviam Philisthiim in prælium, et castrametatus est juxta lapidem Adjutorii. Porro Philisthiim venerunt in Aphec, **English** This passage has not yet been translated. [↗](https://missale.online/biblia/en/1rg/4#text-a431dc21500084281aad) **Latin** et instruxerunt aciem contra Israël. Inito autem certamine, terga vertit Israël Philisthæis : et cæsa sunt in illo certamine passim per agros, quasi quatuor millia virorum. **English** This passage has not yet been translated. [↗](https://missale.online/biblia/en/1rg/4#text-51d615e65f2b8ce7b8f8) **Latin** Et reversus est populus ad castra : dixeruntque majores natu de Israël : Quare percussit nos Dominus hodie coram Philisthiim ? afferamus ad nos de Silo arcam fœderis Domini, et veniat in medium nostri, ut salvet nos de manu inimicorum nostrorum. **English** This passage has not yet been translated. [↗](https://missale.online/biblia/en/1rg/4#text-5d4da59ebdbb384b8c9f) **Latin** Misit ergo populus in Silo, et tulerunt inde arcam fœderis Domini exercituum sedentis super cherubim : erantque duo filii Heli cum arca fœderis Dei, Ophni et Phinees. **English** This passage has not yet been translated. [↗](https://missale.online/biblia/en/1rg/4#text-c9a99567837d7d8a5257) **Latin** Cumque venisset arca fœderis Domini in castra, vociferatus est omnis Israël clamore grandi, et personuit terra. **English** This passage has not yet been translated. [↗](https://missale.online/biblia/en/1rg/4#text-db8941e9bfe92ba71d70) **Latin** Et audierunt Philisthiim vocem clamoris, dixeruntque : Quænam est hæc vox clamoris magni in castris Hebræorum ? Et cognoverunt quod arca Domini venisset in castra. **English** This passage has not yet been translated. [↗](https://missale.online/biblia/en/1rg/4#text-d18c4bffa042bddf03b6) **Latin** Timueruntque Philisthiim, dicentes : Venit Deus in castra. Et ingemuerunt, dicentes : **English** This passage has not yet been translated. [↗](https://missale.online/biblia/en/1rg/4#text-280b739fac2695c16a42) **Latin** Væ nobis : non enim fuit tanta exultatio heri et nudiustertius : væ nobis. Quis nos salvabit de manu deorum sublimium istorum ? hi sunt dii, qui percusserunt Ægyptum omni plaga in deserto. **English** This passage has not yet been translated. [↗](https://missale.online/biblia/en/1rg/4#text-3dd53cfa29a281509a99) **Latin** Confortamini, et estote viri, Philisthiim, ne serviatis Hebræis, sicut et illi servierunt vobis : confortamini, et bellate. **English** This passage has not yet been translated. [↗](https://missale.online/biblia/en/1rg/4#text-c297fce5deb3b72375f2) **Latin** Pugnaverunt ergo Philisthiim, et cæsus est Israël, et fugit unusquisque in tabernaculum suum : et facta est plaga magna nimis, et ceciderunt de Israël triginta millia peditum. **English** This passage has not yet been translated. [↗](https://missale.online/biblia/en/1rg/4#text-44b28169590526f68717) **Latin** Et arca Dei capta est : duo quoque filii Heli mortui sunt, Ophni et Phinees. **English** This passage has not yet been translated. [↗](https://missale.online/biblia/en/1rg/4#text-40022955d80a097e447c) **Latin** Currens autem vir de Benjamin ex acie, venit in Silo in die illa, scissa veste, et conspersus pulvere caput. **English** This passage has not yet been translated. [↗](https://missale.online/biblia/en/1rg/4#text-9cddad593f73adeac016) **Latin** Cumque ille venisset, Heli sedebat super sellam contra viam spectans. Erat enim cor ejus pavens pro arca Dei. Vir autem ille postquam ingressus est, nuntiavit urbi : et ululavit omnis civitas. **English** This passage has not yet been translated. [↗](https://missale.online/biblia/en/1rg/4#text-77f0bcf628a6b2c6b32a) **Latin** Et audivit Heli sonitum clamoris, dixitque : Quis est hic sonitus tumultus hujus ? At ille festinavit, et venit, et nuntiavit Heli. **English** This passage has not yet been translated. [↗](https://missale.online/biblia/en/1rg/4#text-e93f4ea4f81375c9a221) **Latin** Heli autem erat nonaginta et octo annorum, et oculi ejus caligaverant, et videre non poterat. **English** This passage has not yet been translated. [↗](https://missale.online/biblia/en/1rg/4#text-ad0dbb7caa8136e57bff) **Latin** Et dixit ad Heli : Ego sum qui veni de prælio, et ego qui de acie fugi hodie. Cui ille ait : Quid actum est, fili mi ? **English** This passage has not yet been translated. [↗](https://missale.online/biblia/en/1rg/4#text-a344e3eeceed7e93233c) **Latin** Respondens autem ille qui nuntiabat : Fugit, inquit, Israël coram Philisthiim, et ruina magna facta est in populo : insuper et duo filii tui mortui sunt, Ophni et Phinees, et arca Dei capta est. **English** This passage has not yet been translated. [↗](https://missale.online/biblia/en/1rg/4#text-292f98d53276b7e92ddb) **Latin** Cumque ille nominasset arcam Dei, cecidit de sella retrorsum juxta ostium, et fractis cervicibus mortuus est. Senex enim erat vir et grandævus : et ipse judicavit Israël quadraginta annis. **English** This passage has not yet been translated. [↗](https://missale.online/biblia/en/1rg/4#text-ea8c03b9efa00fc49552) **Latin** Nurus autem ejus, uxor Phinees, prægnans erat, vicinaque partui : et audito nuntio quod capta esset arca Dei, et mortuus esset socer suus et vir suus, incurvavit se et peperit : irruerant enim in eam dolores subiti. **English** This passage has not yet been translated. [↗](https://missale.online/biblia/en/1rg/4#text-0b9188f9827bc9369014) **Latin** In ipso autem momento mortis ejus, dixerunt ei quæ stabant circa eam : Ne timeas, quia filium peperisti. Quæ non respondit eis, neque animadvertit. **English** This passage has not yet been translated. [↗](https://missale.online/biblia/en/1rg/4#text-4a377fb8b3ab2ddc2997) **Latin** Et vocabit puerum Ichabod, dicens : Translata est gloria de Israël, quia capta est arca Dei, et pro socero suo et pro viro suo ; **English** This passage has not yet been translated. [↗](https://missale.online/biblia/en/1rg/4#text-558828010cd7e67a3b8c) **Latin** et ait : Translata est gloria ab Israël, eo quod capta esset arca Dei. **English** This passage has not yet been translated.