# 1 Samuel · 5

> https://missale.online/biblia/en/1rg/5

## Verses

[↗](https://missale.online/biblia/en/1rg/5#text-738a397ca42f89be3041)

**Latin**

Philisthiim autem tulerunt arcam Dei, et asportaverunt eam a lapide Adjutorii in Azotum.

**English**

This passage has not yet been translated.

[↗](https://missale.online/biblia/en/1rg/5#text-a431dc21500084281aad)

**Latin**

Tuleruntque Philisthiim arcam Dei, et intulerunt eam in templum Dagon, et statuerunt eam juxta Dagon.

**English**

This passage has not yet been translated.

[↗](https://missale.online/biblia/en/1rg/5#text-51d615e65f2b8ce7b8f8)

**Latin**

Cumque surrexissent diluculo Azotii altera die, ecce Dagon jacebat pronus in terra ante arcam Domini : et tulerunt Dagon, et restituerunt eum in locum suum.

**English**

This passage has not yet been translated.

[↗](https://missale.online/biblia/en/1rg/5#text-5d4da59ebdbb384b8c9f)

**Latin**

Rursumque mane die altera consurgentes, invenerunt Dagon jacentem super faciem suam in terra coram arca Domini : caput autem Dagon, et duæ palmæ manuum ejus abscissæ erant super limen :

**English**

This passage has not yet been translated.

[↗](https://missale.online/biblia/en/1rg/5#text-c9a99567837d7d8a5257)

**Latin**

porro Dagon solus truncus remanserat in loco suo. Propter hanc causam non calcant sacerdotes Dagon, et omnes qui ingrediuntur templum ejus, super limen Dagon in Azoto, usque in hodiernum diem.

**English**

This passage has not yet been translated.

[↗](https://missale.online/biblia/en/1rg/5#text-db8941e9bfe92ba71d70)

**Latin**

Aggravata est autem manus Domini super Azotios, et demolitus est eos : et percussit in secretiori parte natium Azotum, et fines ejus. Et ebullierunt villæ et agri in medio regionis illius, et nati sunt mures et facta est confusio mortis magnæ in civitate.

**English**

This passage has not yet been translated.

[↗](https://missale.online/biblia/en/1rg/5#text-d18c4bffa042bddf03b6)

**Latin**

Videntes autem viri Azotii hujuscemodi plagam, dixerunt : Non maneat arca Dei Israël apud nos : quoniam dura est manus ejus super nos, et super Dagon deum nostrum.

**English**

This passage has not yet been translated.

[↗](https://missale.online/biblia/en/1rg/5#text-280b739fac2695c16a42)

**Latin**

Et mittentes congregaverunt omnes satrapas Philisthinorum ad se, et dixerunt : Quid faciemus de arca Dei Israël ? Responderuntque Gethæi : Circumducatur arca Dei Israël. Et circumduxerunt arcam Dei Israël.

**English**

This passage has not yet been translated.

[↗](https://missale.online/biblia/en/1rg/5#text-3dd53cfa29a281509a99)

**Latin**

Illis autem circumducentibus eam, fiebat manus Domini per singulas civitates interfectionis magnæ nimis : et percutiebat viros uniuscujusque urbis, a parvo usque ad majorem, et computrescebant prominentes extales eorum. Inieruntque Gethæi consilium, et fecerunt sibi sedes pelliceas.

**English**

This passage has not yet been translated.

[↗](https://missale.online/biblia/en/1rg/5#text-c297fce5deb3b72375f2)

**Latin**

Miserunt ergo arcam Dei in Accaron. Cumque venisset arca Dei in Accaron, exclamaverunt Accaronitæ, dicentes : Adduxerunt ad nos arcam Dei Israël ut interficiat nos et populum nostrum.

**English**

This passage has not yet been translated.

[↗](https://missale.online/biblia/en/1rg/5#text-44b28169590526f68717)

**Latin**

Miserunt itaque et congregaverunt omnes satrapas Philisthinorum : qui dixerunt : Dimittite arcam Dei Israël, et revertatur in locum suum, et non interficiat nos cum populo nostro.

**English**

This passage has not yet been translated.

[↗](https://missale.online/biblia/en/1rg/5#text-40022955d80a097e447c)

**Latin**

Fiebat enim pavor mortis in singulis urbibus, et gravissima valde manus Dei. Viri quoque qui mortui non fuerant, percutiebantur in secretiori parte natium : et ascendebat ululatus uniuscujusque civitatis in cælum.

**English**

This passage has not yet been translated.