# 1 Samuel · 7

> https://missale.online/biblia/en/1rg/7

## Verses

[↗](https://missale.online/biblia/en/1rg/7#text-738a397ca42f89be3041)

**Latin**

Venerunt ergo viri Cariathiarim, et reduxerunt arcam Domini, et intulerunt eam in domum Abinadab in Gabaa : Eleazarum autem filium ejus sanctificaverunt, ut custodiret arcam Domini.

**English**

This passage has not yet been translated.

[↗](https://missale.online/biblia/en/1rg/7#text-a431dc21500084281aad)

**Latin**

Et factum est, ex qua die mansit arca Domini in Cariathiarim, multiplicati sunt dies (erat quippe jam annus vigesimus), et requievit omnis domus Israël post Dominum.

**English**

This passage has not yet been translated.

[↗](https://missale.online/biblia/en/1rg/7#text-51d615e65f2b8ce7b8f8)

**Latin**

Ait autem Samuel ad universam domum Israël, dicens : Si in toto corde vestro revertimini ad Dominum, auferte deos alienos de medio vestri, Baalim et Astaroth : et præparate corda vestra Domino, et servite ei soli, et eruet vos de manu Philisthiim.

**English**

This passage has not yet been translated.

[↗](https://missale.online/biblia/en/1rg/7#text-5d4da59ebdbb384b8c9f)

**Latin**

Abstulerunt ergo filii Israël Baalim et Astaroth, et servierunt Domino soli.

**English**

This passage has not yet been translated.

[↗](https://missale.online/biblia/en/1rg/7#text-c9a99567837d7d8a5257)

**Latin**

Dixit autem Samuel : Congregate universum Israël in Masphath, ut orem pro vobis Dominum.

**English**

This passage has not yet been translated.

[↗](https://missale.online/biblia/en/1rg/7#text-db8941e9bfe92ba71d70)

**Latin**

Et convenerunt in Masphath : hauseruntque aquam, et effuderunt in conspectu Domini : et jejunaverunt in die illa atque dixerunt ibi : Peccavimus Domino. Judicavitque Samuel filios Israël in Masphath.

**English**

This passage has not yet been translated.

[↗](https://missale.online/biblia/en/1rg/7#text-d18c4bffa042bddf03b6)

**Latin**

Et audierunt Philisthiim quod congregati essent filii Israël in Masphath, et ascenderunt satrapæ Philisthinorum ad Israël. Quod cum audissent filii Israël, timuerunt a facie Philisthinorum.

**English**

This passage has not yet been translated.

[↗](https://missale.online/biblia/en/1rg/7#text-280b739fac2695c16a42)

**Latin**

Dixeruntque ad Samuelem : Ne cesses pro nobis clamare ad Dominum Deum nostrum, ut salvet nos de manu Philisthinorum.

**English**

This passage has not yet been translated.

[↗](https://missale.online/biblia/en/1rg/7#text-3dd53cfa29a281509a99)

**Latin**

Tulit autem Samuel agnum lactentem unum, et obtulit illum holocaustum integrum Domino : et clamavit Samuel ad Dominum pro Israël, et exaudivit eum Dominus.

**English**

This passage has not yet been translated.

[↗](https://missale.online/biblia/en/1rg/7#text-c297fce5deb3b72375f2)

**Latin**

Factum est autem, cum Samuel offerret holocaustum, Philisthiim iniere prælium contra Israël : intonuit autem Dominus fragore magno in die illa super Philisthiim, et exterruit eos, et cæsi sunt a facie Israël.

**English**

This passage has not yet been translated.

[↗](https://missale.online/biblia/en/1rg/7#text-44b28169590526f68717)

**Latin**

Egressique viri Israël de Masphath, persecuti sunt Philisthæos, et percusserunt eos usque ad locum qui erat subter Bethchar.

**English**

This passage has not yet been translated.

[↗](https://missale.online/biblia/en/1rg/7#text-40022955d80a097e447c)

**Latin**

Tulit autem Samuel lapidem unum, et posuit eum inter Masphath et inter Sen : et vocavit nomen loci illius, Lapis adjutorii. Dixitque : Hucusque auxiliatus est nobis Dominus.

**English**

This passage has not yet been translated.

[↗](https://missale.online/biblia/en/1rg/7#text-9cddad593f73adeac016)

**Latin**

Et humiliati sunt Philisthiim, nec apposuerunt ultra ut venirent in terminos Israël. Facta est itaque manus Domini super Philisthæos cunctis diebus Samuelis.

**English**

This passage has not yet been translated.

[↗](https://missale.online/biblia/en/1rg/7#text-77f0bcf628a6b2c6b32a)

**Latin**

Et redditæ sunt urbes quas tulerant Philisthiim ab Israël, Israëli, ab Accaron usque Geth, et terminos suos : liberavitque Israël de manu Philisthinorum, eratque pax inter Israël et Amorrhæum.

**English**

This passage has not yet been translated.

[↗](https://missale.online/biblia/en/1rg/7#text-e93f4ea4f81375c9a221)

**Latin**

Judicabat quoque Samuel Israëlem cunctis diebus vitæ suæ :

**English**

This passage has not yet been translated.

[↗](https://missale.online/biblia/en/1rg/7#text-ad0dbb7caa8136e57bff)

**Latin**

et ibat per singulos annos circuiens Bethel et Galgala et Masphath, et judicabat Israëlem in supradictis locis.

**English**

This passage has not yet been translated.

[↗](https://missale.online/biblia/en/1rg/7#text-a344e3eeceed7e93233c)

**Latin**

Revertebaturque in Ramatha : ibi enim erat domus ejus, et ibi judicabat Israëlem : ædificavit etiam ibi altare Domino.

**English**

This passage has not yet been translated.