# 2 Maccabees · 10

> https://missale.online/biblia/en/2mcc/10

## Verses

[↗](https://missale.online/biblia/en/2mcc/10#text-738a397ca42f89be3041)

**Latin**

Machabæus autem, et qui cum eo erant, Domino se protegente, templum quidem et civitatem recepit :

**English**

This passage has not yet been translated.

[↗](https://missale.online/biblia/en/2mcc/10#text-a431dc21500084281aad)

**Latin**

aras autem quas alienigenæ per plateas exstruxerant, itemque delubra demolitus est :

**English**

This passage has not yet been translated.

[↗](https://missale.online/biblia/en/2mcc/10#text-51d615e65f2b8ce7b8f8)

**Latin**

et purgato templo, aliud altare fecerunt, et de ignitis lapidibus igne concepto sacrificia obtulerunt post biennium, et incensum, et lucernas, et panes propositionis posuerunt.

**English**

This passage has not yet been translated.

[↗](https://missale.online/biblia/en/2mcc/10#text-5d4da59ebdbb384b8c9f)

**Latin**

Quibus gestis, rogabant Dominum prostrati in terram, ne amplius talibus malis inciderent : sed et, siquando peccassent, ut ab ipso mitius corriperentur, et non barbaris ac blasphemis hominibus traderentur.

**English**

This passage has not yet been translated.

[↗](https://missale.online/biblia/en/2mcc/10#text-c9a99567837d7d8a5257)

**Latin**

Qua die autem templum ab alienigenis pollutum fuerat, contigit eadem die purificationem fieri, vigesima quinta mensis qui fuit Casleu.

**English**

This passage has not yet been translated.

[↗](https://missale.online/biblia/en/2mcc/10#text-db8941e9bfe92ba71d70)

**Latin**

Et cum lætitia diebus octo egerunt in modum tabernaculorum, recordantes quod ante modicum temporis diem solemnem tabernaculorum in montibus et in speluncis more bestiarum egerant.

**English**

This passage has not yet been translated.

[↗](https://missale.online/biblia/en/2mcc/10#text-d18c4bffa042bddf03b6)

**Latin**

Propter quod thyrsos, et ramos virides, et palmas præferebant ei qui prosperavit mundari locum suum.

**English**

This passage has not yet been translated.

[↗](https://missale.online/biblia/en/2mcc/10#text-280b739fac2695c16a42)

**Latin**

Et decreverunt communi præcepto et decreto universæ genti Judæorum omnibus annis agere dies istos.

**English**

This passage has not yet been translated.

[↗](https://missale.online/biblia/en/2mcc/10#text-3dd53cfa29a281509a99)

**Latin**

Et Antiochi quidem, qui appellatus est Nobilis, vitæ excessus ita se habuit.

**English**

This passage has not yet been translated.

[↗](https://missale.online/biblia/en/2mcc/10#text-c297fce5deb3b72375f2)

**Latin**

Nunc autem de Eupatore Antiochi impii filio quæ gesta sunt narrabimus, breviantes mala quæ in bellis gesta sunt.

**English**

This passage has not yet been translated.

[↗](https://missale.online/biblia/en/2mcc/10#text-44b28169590526f68717)

**Latin**

Hic enim suscepto regno, constituit super negotia regni Lysiam quemdam, Phœnicis et Syriæ militiæ principem.

**English**

This passage has not yet been translated.

[↗](https://missale.online/biblia/en/2mcc/10#text-40022955d80a097e447c)

**Latin**

Nam Ptolemæus, qui dicebatur Macer, justi tenax erga Judæos esse constituit, et præcipue propter iniquitatem quæ facta erat in eos, et pacifice agere cum eis.

**English**

This passage has not yet been translated.

[↗](https://missale.online/biblia/en/2mcc/10#text-9cddad593f73adeac016)

**Latin**

Sed ob hoc accusatus ab amicis apud Eupatorem, cum frequenter proditor audiret, eo quod Cyprum creditam sibi a Philometore deseruisset, et ad Antiochum Nobilem translatus etiam ab eo recessisset, veneno vitam finivit.

**English**

This passage has not yet been translated.

[↗](https://missale.online/biblia/en/2mcc/10#text-77f0bcf628a6b2c6b32a)

**Latin**

Gorgias autem cum esset dux locorum, assumptis advenis, frequenter Judæos debellabat.

**English**

This passage has not yet been translated.

[↗](https://missale.online/biblia/en/2mcc/10#text-e93f4ea4f81375c9a221)

**Latin**

Judæi vero qui tenebant opportunas munitiones, fugatos ab Jerosolymis suscipiebant, et bellare tentabant.

**English**

This passage has not yet been translated.

[↗](https://missale.online/biblia/en/2mcc/10#text-ad0dbb7caa8136e57bff)

**Latin**

Hi vero qui erant cum Machabæo, per orationes Dominum rogantes ut esset sibi adjutor, impetum fecerunt in munitiones Idumæorum :

**English**

This passage has not yet been translated.

[↗](https://missale.online/biblia/en/2mcc/10#text-a344e3eeceed7e93233c)

**Latin**

multaque vi insistentes, loca obtinuerunt, occurrentes interemerunt, et omnes simul non minus viginti millibus trucidaverunt.

**English**

This passage has not yet been translated.

[↗](https://missale.online/biblia/en/2mcc/10#text-292f98d53276b7e92ddb)

**Latin**

Quidam autem cum confugissent in duas turres valde munitas, omnem apparatum ad repugnandum habentes,

**English**

This passage has not yet been translated.

[↗](https://missale.online/biblia/en/2mcc/10#text-ea8c03b9efa00fc49552)

**Latin**

Machabæus ad eorum expugnationem relicto Simone, et Josepho, itemque Zachæo, eisque qui cum ipsis erant satis multis, ipse ad eas quæ amplius perurgebant pugnas conversus est.

**English**

This passage has not yet been translated.

[↗](https://missale.online/biblia/en/2mcc/10#text-0b9188f9827bc9369014)

**Latin**

Hi vero qui cum Simone erant, cupiditate ducti, a quibusdam qui in turribus erant, suasi sunt pecunia : et septuaginta millibus didrachmis acceptis, dimiserunt quosdam effugere.

**English**

This passage has not yet been translated.

[↗](https://missale.online/biblia/en/2mcc/10#text-4a377fb8b3ab2ddc2997)

**Latin**

Cum autem Machabæo nuntiatum esset quod factum est, principibus populi congregatis accusavit quod pecunia fratres vendidissent, adversariis eorum dimissis.

**English**

This passage has not yet been translated.

[↗](https://missale.online/biblia/en/2mcc/10#text-558828010cd7e67a3b8c)

**Latin**

Hos igitur proditores factos interfecit, et confestim duas turres occupavit.

**English**

This passage has not yet been translated.

[↗](https://missale.online/biblia/en/2mcc/10#text-ec73ab42682871a72627)

**Latin**

Armis autem ac manibus omnia prospere agendo in duabus munitionibus plus quam viginti millia peremit.

**English**

This passage has not yet been translated.

[↗](https://missale.online/biblia/en/2mcc/10#text-67cd7490abc0fa3b8079)

**Latin**

At Timotheus, qui prius a Judæis fuerat superatus, convocato exercitu peregrinæ multitudinis, et congregato equitatu Asiano, advenit quasi armis Judæam capturus.

**English**

This passage has not yet been translated.

[↗](https://missale.online/biblia/en/2mcc/10#text-3ac038d6962289bd3c26)

**Latin**

Machabæus autem et qui cum ipso erant, appropinquante illo, deprecabantur Dominum, caput terra aspergentes, lumbosque ciliciis præcincti,

**English**

This passage has not yet been translated.

[↗](https://missale.online/biblia/en/2mcc/10#text-2b08b45b7a9fd92ff7f8)

**Latin**

ad altaris crepidinem provoluti, ut sibi propitius, inimicis autem eorum esset inimicus, et adversariis adversaretur, sicut lex dicit.

**English**

This passage has not yet been translated.

[↗](https://missale.online/biblia/en/2mcc/10#text-1b9b77d3fcc49350a3f4)

**Latin**

Et ita post orationem, sumptis armis, longius de civitate procedentes, et proximi hostibus effecti, resederunt.

**English**

This passage has not yet been translated.

[↗](https://missale.online/biblia/en/2mcc/10#text-21478efda9e3bd77c058)

**Latin**

Primo autem solis ortu utrique commiserunt : isti quidem victoriæ et prosperitatis sponsorem cum virtute Dominum habentes : illi autem ducem belli animum habebant.

**English**

This passage has not yet been translated.

[↗](https://missale.online/biblia/en/2mcc/10#text-66af0bf07849f0763ec9)

**Latin**

Sed cum vehemens pugna esset, apparuerunt adversariis de cælo viri quinque in equis, frenis aureis decori, ducatum Judæis præstantes :

**English**

This passage has not yet been translated.

[↗](https://missale.online/biblia/en/2mcc/10#text-8ce0bbceaab8ff918d3a)

**Latin**

ex quibus duo Machabæum medium habentes, armis suis circumseptum incolumem conservabant : in adversarios autem tela et fulmina jaciebant, ex quo et cæcitate confusi et repleti perturbatione, cadebant.

**English**

This passage has not yet been translated.

[↗](https://missale.online/biblia/en/2mcc/10#text-ccc106774904a733b00e)

**Latin**

Interfecti sunt autem viginti millia quingenti, et equites sexcenti.

**English**

This passage has not yet been translated.

[↗](https://missale.online/biblia/en/2mcc/10#text-3885b8fb3f9b0c24fd89)

**Latin**

Timotheus vero confugit in Gazaram præsidium munitum, cui præerat Chæreas.

**English**

This passage has not yet been translated.

[↗](https://missale.online/biblia/en/2mcc/10#text-578310eff006266469cc)

**Latin**

Machabæus autem et qui cum eo erant, lætantes obsederunt præsidium diebus quatuor.

**English**

This passage has not yet been translated.

[↗](https://missale.online/biblia/en/2mcc/10#text-fe2917b9f5e3cb90d74f)

**Latin**

At hi qui intus erant, loci firmitate confisi, supra modum maledicebant, et sermones nefandos jactabant.

**English**

This passage has not yet been translated.

[↗](https://missale.online/biblia/en/2mcc/10#text-79e5363277408edadf4d)

**Latin**

Sed cum dies quinta illucesceret, viginti juvenes ex his qui cum Machabæo erant, accensi animis propter blasphemiam, viriliter accesserunt ad murum, et feroci animo incedentes ascendebant :

**English**

This passage has not yet been translated.

[↗](https://missale.online/biblia/en/2mcc/10#text-5f3b65a9d805032a9ee2)

**Latin**

sed et alii similiter ascendentes, turres portasque succendere aggressi sunt, atque ipsos maledicos vivos concremare.

**English**

This passage has not yet been translated.

[↗](https://missale.online/biblia/en/2mcc/10#text-762d295fd73e6f7c5976)

**Latin**

Per continuum autem biduum præsidio vastato, Timotheum occultantem se in quodam repertum loco peremerunt : et fratrem illius Chæream et Apollophanem occiderunt.

**English**

This passage has not yet been translated.

[↗](https://missale.online/biblia/en/2mcc/10#text-cda9e96bec793da3010d)

**Latin**

Quibus gestis, in hymnis et confessionibus benedicebant Dominum, qui magna fecit in Israël, et victoriam dedit illis.

**English**

This passage has not yet been translated.