# 2 Maccabees · 11

> https://missale.online/biblia/en/2mcc/11

## Verses

[↗](https://missale.online/biblia/en/2mcc/11#text-738a397ca42f89be3041)

**Latin**

Sed parvo post tempore, Lysias procurator regis et propinquus, ac negotiorum præpositus, graviter ferens de his quæ acciderant,

**English**

This passage has not yet been translated.

[↗](https://missale.online/biblia/en/2mcc/11#text-a431dc21500084281aad)

**Latin**

congregatis octoginta millibus, et equitatu universo, veniebat adversus Judæos, existimans se civitatem quidem captam gentibus habitaculum facturum,

**English**

This passage has not yet been translated.

[↗](https://missale.online/biblia/en/2mcc/11#text-51d615e65f2b8ce7b8f8)

**Latin**

templum vero in pecuniæ quæstum, sicut cetera delubra gentium, habiturum, et per singulos annos venale sacerdotium :

**English**

This passage has not yet been translated.

[↗](https://missale.online/biblia/en/2mcc/11#text-5d4da59ebdbb384b8c9f)

**Latin**

nusquam recogitans Dei potestatem, sed mente effrenatus in multitudine peditum, et in millibus equitum, et in octoginta elephantis confidebat.

**English**

This passage has not yet been translated.

[↗](https://missale.online/biblia/en/2mcc/11#text-c9a99567837d7d8a5257)

**Latin**

Ingressus autem Judæam, et appropians Bethsuræ, quæ erat in angusto loco, ab Jerosolyma intervallo quinque stadiorum, illud præsidium expugnabat.

**English**

This passage has not yet been translated.

[↗](https://missale.online/biblia/en/2mcc/11#text-db8941e9bfe92ba71d70)

**Latin**

Ut autem Machabæus et qui cum eo erant cognoverunt expugnari præsidia, cum fletu et lacrimis rogabant Dominum, et omnis turba simul, ut bonum angelum mitteret ad salutem Israël.

**English**

This passage has not yet been translated.

[↗](https://missale.online/biblia/en/2mcc/11#text-d18c4bffa042bddf03b6)

**Latin**

Et ipse primus Machabæus, sumptis armis, ceteros adhortatus est simul secum periculum subire, et ferre auxilium fratribus suis.

**English**

This passage has not yet been translated.

[↗](https://missale.online/biblia/en/2mcc/11#text-280b739fac2695c16a42)

**Latin**

Cumque pariter prompto animo procederent, Jerosolymis apparuit præcedens eos eques in veste candida, armis aureis hastam vibrans.

**English**

This passage has not yet been translated.

[↗](https://missale.online/biblia/en/2mcc/11#text-3dd53cfa29a281509a99)

**Latin**

Tunc omnes simul benedixerunt misericordem Dominum, et convaluerunt animis : non solum homines, sed et bestias ferocissimas, et muros ferreos parati penetrare.

**English**

This passage has not yet been translated.

[↗](https://missale.online/biblia/en/2mcc/11#text-c297fce5deb3b72375f2)

**Latin**

Ibant igitur prompti, de cælo habentes adjutorem et miserantem super eos Dominum.

**English**

This passage has not yet been translated.

[↗](https://missale.online/biblia/en/2mcc/11#text-44b28169590526f68717)

**Latin**

Leonum autem more impetu irruentes in hostes, prostraverunt ex eis undecim millia peditum, et equitum mille sexcentos :

**English**

This passage has not yet been translated.

[↗](https://missale.online/biblia/en/2mcc/11#text-40022955d80a097e447c)

**Latin**

universos autem in fugam verterunt, plures autem ex eis vulnerati nudi evaserunt. Sed et ipse Lysias turpiter fugiens evasit.

**English**

This passage has not yet been translated.

[↗](https://missale.online/biblia/en/2mcc/11#text-9cddad593f73adeac016)

**Latin**

Et quia non insensatus erat, secum ipse reputans factam erga se diminutionem, et intelligens invictos esse Hebræos, omnipotentis Dei auxilio innitentes, misit ad eos :

**English**

This passage has not yet been translated.

[↗](https://missale.online/biblia/en/2mcc/11#text-77f0bcf628a6b2c6b32a)

**Latin**

promisitque se consensurum omnibus quæ justa sunt, et regem compulsurum amicum fieri.

**English**

This passage has not yet been translated.

[↗](https://missale.online/biblia/en/2mcc/11#text-e93f4ea4f81375c9a221)

**Latin**

Annuit autem Machabæus precibus Lysiæ, in omnibus utilitati consulens : et quæcumque Machabæus scripsit Lysiæ de Judæis, ea rex concessit.

**English**

This passage has not yet been translated.

[↗](https://missale.online/biblia/en/2mcc/11#text-ad0dbb7caa8136e57bff)

**Latin**

Nam erant scriptæ Judæis epistolæ a Lysia quidem hunc modum continentes : Lysias populo Judæorum salutem.

**English**

This passage has not yet been translated.

[↗](https://missale.online/biblia/en/2mcc/11#text-a344e3eeceed7e93233c)

**Latin**

Joannes et Abesalom, qui missi fuerant a vobis, tradentes scripta, postulabant ut ea quæ per illos significabantur, implerem.

**English**

This passage has not yet been translated.

[↗](https://missale.online/biblia/en/2mcc/11#text-292f98d53276b7e92ddb)

**Latin**

Quæcumque igitur regi potuerunt perferri, exposui : et quæ res permittebat, concessit.

**English**

This passage has not yet been translated.

[↗](https://missale.online/biblia/en/2mcc/11#text-ea8c03b9efa00fc49552)

**Latin**

Si igitur in negotiis fidem conservaveritis, et deinceps bonorum vobis causa esset, tentabo.

**English**

This passage has not yet been translated.

[↗](https://missale.online/biblia/en/2mcc/11#text-0b9188f9827bc9369014)

**Latin**

De ceteris autem per singula verbo mandavi et istis, et his, qui a me missi sunt, colloqui vobiscum.

**English**

This passage has not yet been translated.

[↗](https://missale.online/biblia/en/2mcc/11#text-4a377fb8b3ab2ddc2997)

**Latin**

Bene valete. Anno centesimo, quadragesimo octavo mensis Dioscori, die vigesima et quarta.

**English**

This passage has not yet been translated.

[↗](https://missale.online/biblia/en/2mcc/11#text-558828010cd7e67a3b8c)

**Latin**

Regis autem epistola ista continebat : Rex Antiochus Lysiæ fratri salutem.

**English**

This passage has not yet been translated.

[↗](https://missale.online/biblia/en/2mcc/11#text-ec73ab42682871a72627)

**Latin**

Patre nostro inter deos translato, nos volentes eos qui sunt in regno nostro sine tumultu agere, et rebus suis adhibere diligentiam,

**English**

This passage has not yet been translated.

[↗](https://missale.online/biblia/en/2mcc/11#text-67cd7490abc0fa3b8079)

**Latin**

audivimus Judæos non consensisse patri meo ut transferrentur ad ritum Græcorum, sed tenere velle suum institutum, ac propterea postulare a nobis concedi sibi legitima sua.

**English**

This passage has not yet been translated.

[↗](https://missale.online/biblia/en/2mcc/11#text-3ac038d6962289bd3c26)

**Latin**

Volentes igitur hanc quoque gentem quietam esse, statuentes judicavimus templum restitui illis, ut agerent secundum suorum majorum consuetudinem.

**English**

This passage has not yet been translated.

[↗](https://missale.online/biblia/en/2mcc/11#text-2b08b45b7a9fd92ff7f8)

**Latin**

Bene igitur feceris, si miseris ad eos et dexteram dederis : ut cognita nostra voluntate, bono animo sint, et utilitatibus propriis deserviant.

**English**

This passage has not yet been translated.

[↗](https://missale.online/biblia/en/2mcc/11#text-1b9b77d3fcc49350a3f4)

**Latin**

Ad Judæos vero regis epistola talis erat : Rex Antiochus senatui Judæorum, et ceteris Judæis salutem.

**English**

This passage has not yet been translated.

[↗](https://missale.online/biblia/en/2mcc/11#text-21478efda9e3bd77c058)

**Latin**

Si valetis, sic estis ut volumus : sed et ipsi bene valemus.

**English**

This passage has not yet been translated.

[↗](https://missale.online/biblia/en/2mcc/11#text-66af0bf07849f0763ec9)

**Latin**

Adiit nos Menelaus, dicens velle vos descendere ad vestros, qui sunt apud nos.

**English**

This passage has not yet been translated.

[↗](https://missale.online/biblia/en/2mcc/11#text-8ce0bbceaab8ff918d3a)

**Latin**

His igitur qui commeant usque ad diem trigesimum mensis Xanthici, damus dextras securitatis,

**English**

This passage has not yet been translated.

[↗](https://missale.online/biblia/en/2mcc/11#text-ccc106774904a733b00e)

**Latin**

ut Judæi utantur cibis et legibus suis, sicut et prius : et nemo eorum ullo modo molestiam patiatur de his quæ per ignorantiam gesta sunt.

**English**

This passage has not yet been translated.

[↗](https://missale.online/biblia/en/2mcc/11#text-3885b8fb3f9b0c24fd89)

**Latin**

Misimus autem et Menelaum, qui vos alloquatur.

**English**

This passage has not yet been translated.

[↗](https://missale.online/biblia/en/2mcc/11#text-578310eff006266469cc)

**Latin**

Valete. Anno centesimo quadragesimo octavo, Xanthici mensis quintadecima die.

**English**

This passage has not yet been translated.

[↗](https://missale.online/biblia/en/2mcc/11#text-fe2917b9f5e3cb90d74f)

**Latin**

Miserunt autem etiam Romani epistolam, ita se habentem : Quintus Memmius et Titus Manilius legati Romanorum, populo Judæorum salutem.

**English**

This passage has not yet been translated.

[↗](https://missale.online/biblia/en/2mcc/11#text-79e5363277408edadf4d)

**Latin**

De his quæ Lysias cognatus regis concessit vobis, et nos concessimus.

**English**

This passage has not yet been translated.

[↗](https://missale.online/biblia/en/2mcc/11#text-5f3b65a9d805032a9ee2)

**Latin**

De quibus autem ad regem judicavit referendum, confestim aliquem mittere, diligentius inter vos conferentes, ut decernamus, sicut congruit vobis : nos enim Antiochiam accedimus.

**English**

This passage has not yet been translated.

[↗](https://missale.online/biblia/en/2mcc/11#text-762d295fd73e6f7c5976)

**Latin**

Ideoque festinate rescribere, ut nos quoque sciamus cujus estis voluntatis.

**English**

This passage has not yet been translated.

[↗](https://missale.online/biblia/en/2mcc/11#text-cda9e96bec793da3010d)

**Latin**

Bene valete. Anno centesimo quadragesimo octavo, quintadecima die mensis Xanthici.

**English**

This passage has not yet been translated.