# 2 Maccabees · 13

> https://missale.online/biblia/en/2mcc/13

## Verses

[↗](https://missale.online/biblia/en/2mcc/13#text-738a397ca42f89be3041)

**Latin**

Anno centesimo quadragesimo nono, cognovit Judas Antiochum Eupatorem venire cum multitudine adversus Judæam,

**English**

This passage has not yet been translated.

[↗](https://missale.online/biblia/en/2mcc/13#text-a431dc21500084281aad)

**Latin**

et cum eo Lysiam procuratorem et præpositum negotiorum, secum habentem peditum centum decem millia, et equitum quinque millia, et elephantos viginti duos, currus cum falcibus trecentos.

**English**

This passage has not yet been translated.

[↗](https://missale.online/biblia/en/2mcc/13#text-51d615e65f2b8ce7b8f8)

**Latin**

Commiscuit autem se illis et Menelaus : et cum multa fallacia deprecabatur Antiochum, non pro patriæ salute, sed sperans se constitui in principatum.

**English**

This passage has not yet been translated.

[↗](https://missale.online/biblia/en/2mcc/13#text-5d4da59ebdbb384b8c9f)

**Latin**

Sed Rex regum suscitavit animos Antiochi in peccatorem : et suggerente Lysia hunc esse causam omnium malorum, jussit (ut eis est consuetudo) apprehensum in eodem loco necari.

**English**

This passage has not yet been translated.

[↗](https://missale.online/biblia/en/2mcc/13#text-c9a99567837d7d8a5257)

**Latin**

Erat autem in eodem loco turris quinquaginta cubitorum, aggestum undique habens cineris : hæc prospectum habebat in præceps.

**English**

This passage has not yet been translated.

[↗](https://missale.online/biblia/en/2mcc/13#text-db8941e9bfe92ba71d70)

**Latin**

Inde in cinerem dejici jussit sacrilegum, omnibus eum propellentibus ad interitum.

**English**

This passage has not yet been translated.

[↗](https://missale.online/biblia/en/2mcc/13#text-d18c4bffa042bddf03b6)

**Latin**

Et tali lege prævaricatorem legis contigit mori, nec terræ dari Menelaum.

**English**

This passage has not yet been translated.

[↗](https://missale.online/biblia/en/2mcc/13#text-280b739fac2695c16a42)

**Latin**

Et quidem satis juste : nam quia multa erga aram Dei delicta commisit, cujus ignis et cinis erat sanctus : ipse in cineris morte damnatus est.

**English**

This passage has not yet been translated.

[↗](https://missale.online/biblia/en/2mcc/13#text-3dd53cfa29a281509a99)

**Latin**

Sed rex mente effrenatus veniebat, nequiorem se patre suo Judæis ostensurus.

**English**

This passage has not yet been translated.

[↗](https://missale.online/biblia/en/2mcc/13#text-c297fce5deb3b72375f2)

**Latin**

Quibus Judas cognitis, præcepit populo ut die ac nocte Dominum invocarent, quo, sicut semper, et nunc adjuvaret eos,

**English**

This passage has not yet been translated.

[↗](https://missale.online/biblia/en/2mcc/13#text-44b28169590526f68717)

**Latin**

quippe qui lege, et patria, sanctoque templo privari vererentur : ac populum, qui nuper paululum respirasset, ne sineret blasphemis rursus nationibus subdi.

**English**

This passage has not yet been translated.

[↗](https://missale.online/biblia/en/2mcc/13#text-40022955d80a097e447c)

**Latin**

Omnibus itaque simul id facientibus, et petentibus a Domino misericordiam cum fletu et jejuniis, per triduum continuum prostratis, hortatus est eos Judas ut se præpararent.

**English**

This passage has not yet been translated.

[↗](https://missale.online/biblia/en/2mcc/13#text-9cddad593f73adeac016)

**Latin**

Ipse vero cum senioribus cogitavit priusquam rex admoveret exercitum ad Judæam et obtineret civitatem, exire, et Domini judicio committere exitum rei.

**English**

This passage has not yet been translated.

[↗](https://missale.online/biblia/en/2mcc/13#text-77f0bcf628a6b2c6b32a)

**Latin**

Dans itaque potestatem omnium Deo mundi creatori, et exhortatus suos ut fortiter dimicarent, et usque ad mortem pro legibus, templo, civitate, patria, et civibus starent, circa Modin exercitum constituit.

**English**

This passage has not yet been translated.

[↗](https://missale.online/biblia/en/2mcc/13#text-e93f4ea4f81375c9a221)

**Latin**

Et dato signo suis Dei victoriæ, juvenibus fortissimis electis nocte aggressus aulam regiam, in castris interfecit viros quatuor millia, et maximum elephantorum cum his qui superpositi fuerant :

**English**

This passage has not yet been translated.

[↗](https://missale.online/biblia/en/2mcc/13#text-ad0dbb7caa8136e57bff)

**Latin**

summoque metu ac perturbatione hostium castra replentes, rebus prospere gestis, abierunt.

**English**

This passage has not yet been translated.

[↗](https://missale.online/biblia/en/2mcc/13#text-a344e3eeceed7e93233c)

**Latin**

Hoc autem factum est die illucescente, adjuvante eum Domini protectione.

**English**

This passage has not yet been translated.

[↗](https://missale.online/biblia/en/2mcc/13#text-292f98d53276b7e92ddb)

**Latin**

Sed rex, accepto gustu audaciæ Judæorum, arte difficultatem locorum tentabat :

**English**

This passage has not yet been translated.

[↗](https://missale.online/biblia/en/2mcc/13#text-ea8c03b9efa00fc49552)

**Latin**

et Bethsuræ, quæ erat Judæorum præsidium munitum, castra admovebat : sed fugabatur, impingebat, minorabatur.

**English**

This passage has not yet been translated.

[↗](https://missale.online/biblia/en/2mcc/13#text-0b9188f9827bc9369014)

**Latin**

His autem qui intus erant, Judas necessaria mittebat.

**English**

This passage has not yet been translated.

[↗](https://missale.online/biblia/en/2mcc/13#text-4a377fb8b3ab2ddc2997)

**Latin**

Enuntiavit autem mysteria hostibus Rhodocus quidam de judaico exercitu, qui requisitus comprehensus est, et conclusus.

**English**

This passage has not yet been translated.

[↗](https://missale.online/biblia/en/2mcc/13#text-558828010cd7e67a3b8c)

**Latin**

Iterum rex sermonem habuit ad eos qui erant in Bethsuris : dextram dedit, accepit, abiit :

**English**

This passage has not yet been translated.

[↗](https://missale.online/biblia/en/2mcc/13#text-ec73ab42682871a72627)

**Latin**

commisit cum Juda, superatus est.

 Ut autem cognovit rebellasse Philippum Antiochiæ, qui relictus erat super negotia, mente consternatus, Judæos deprecans, subditusque eis, jurat de omnibus quibus justum visum est : et reconciliatus obtulit sacrificium, honoravit templum, et munera posuit.

**English**

This passage has not yet been translated.

[↗](https://missale.online/biblia/en/2mcc/13#text-67cd7490abc0fa3b8079)

**Latin**

Machabæum amplexatus est, et fecit eum a Ptolemaide usque ad Gerrenos ducem et principem.

**English**

This passage has not yet been translated.

[↗](https://missale.online/biblia/en/2mcc/13#text-3ac038d6962289bd3c26)

**Latin**

Ut autem venit Ptolemaidam, graviter ferebant Ptolemenses amicitiæ conventionem, indignantes ne forte fœdus irrumperent.

**English**

This passage has not yet been translated.

[↗](https://missale.online/biblia/en/2mcc/13#text-2b08b45b7a9fd92ff7f8)

**Latin**

Tunc ascendit Lysias tribunal, et exposuit rationem, et populum sedavit, regressusque est Antiochiam : et hoc modo regis profectio et reditus processit.

**English**

This passage has not yet been translated.