# 2 Maccabees · 3

> https://missale.online/biblia/en/2mcc/3

## Verses

[↗](https://missale.online/biblia/en/2mcc/3#text-738a397ca42f89be3041)

**Latin**

Igitur cum sancta civitas habitaretur in omni pace, leges etiam adhuc optime custodirentur, propter Oniæ pontificis pietatem, et animos odio habentes mala,

**English**

This passage has not yet been translated.

[↗](https://missale.online/biblia/en/2mcc/3#text-a431dc21500084281aad)

**Latin**

fiebat ut et ipsi reges et principes locum summo honore dignum ducerent, et templum maximis muneribus illustrarent :

**English**

This passage has not yet been translated.

[↗](https://missale.online/biblia/en/2mcc/3#text-51d615e65f2b8ce7b8f8)

**Latin**

ita ut Seleucus Asiæ rex de redditibus suis præstaret omnes sumptus ad ministerium sacrificiorum pertinentes.

**English**

This passage has not yet been translated.

[↗](https://missale.online/biblia/en/2mcc/3#text-5d4da59ebdbb384b8c9f)

**Latin**

Simon autem de tribu Benjamin, præpositus templi constitutus, contendebat, obsistente sibi principe sacerdotum, iniquum aliquid in civitate moliri.

**English**

This passage has not yet been translated.

[↗](https://missale.online/biblia/en/2mcc/3#text-c9a99567837d7d8a5257)

**Latin**

Sed cum vincere Oniam non posset, venit ad Apollonium Tharsææ filium, qui eo tempore erat dux Cœlesyriæ et Phœnicis :

**English**

This passage has not yet been translated.

[↗](https://missale.online/biblia/en/2mcc/3#text-db8941e9bfe92ba71d70)

**Latin**

et nuntiavit ei pecuniis innumerabilibus plenum esse ærarium Jerosolymis, et communes copias immensas esse, quæ non pertinent ad rationem sacrificiorum : esse autem possibile sub potestate regis cadere universa.

**English**

This passage has not yet been translated.

[↗](https://missale.online/biblia/en/2mcc/3#text-d18c4bffa042bddf03b6)

**Latin**

Cumque retulisset ad regem Apollonius de pecuniis quæ delatæ erant, illæ accitum Heliodorum, qui erat super negotia ejus, misit, cum mandatis ut prædictam pecuniam transportaret.

**English**

This passage has not yet been translated.

[↗](https://missale.online/biblia/en/2mcc/3#text-280b739fac2695c16a42)

**Latin**

Statimque Heliodorus iter est agressus, specie quidem quasi per Cœlesyriam et Phœnicen civitates esset peragraturus, re vera autem regis propositum perfecturus.

**English**

This passage has not yet been translated.

[↗](https://missale.online/biblia/en/2mcc/3#text-3dd53cfa29a281509a99)

**Latin**

Sed cum venisset Jerosolymam, et benigne a summo sacerdote in civitate esset exceptus, narravit de dato indicio pecuniarum, et cujus rei gratia adesset, aperuit : interrogabat autem si vere hæc ita essent.

**English**

This passage has not yet been translated.

[↗](https://missale.online/biblia/en/2mcc/3#text-c297fce5deb3b72375f2)

**Latin**

Tunc summus sacerdos ostendit deposita esse hæc, et victualia viduarum et pupillorum :

**English**

This passage has not yet been translated.

[↗](https://missale.online/biblia/en/2mcc/3#text-44b28169590526f68717)

**Latin**

quædam vero esse Hircani Tobiæ viri valde eminentis, in his quæ detulerat impius Simon : universa autem argenti talenta esse quadringenta, et auri ducenta :

**English**

This passage has not yet been translated.

[↗](https://missale.online/biblia/en/2mcc/3#text-40022955d80a097e447c)

**Latin**

decipi vero eos qui credidissent loco et templo quod per universum mundum honoratur pro sui veneratione et sanctitate, omnino impossibile esse.

**English**

This passage has not yet been translated.

[↗](https://missale.online/biblia/en/2mcc/3#text-9cddad593f73adeac016)

**Latin**

At ille pro his quæ habebat in mandatis a rege, dicebat omni genere regi ea esse deferenda.

**English**

This passage has not yet been translated.

[↗](https://missale.online/biblia/en/2mcc/3#text-77f0bcf628a6b2c6b32a)

**Latin**

Constituta autem die, intrabat de his Heliodorus ordinaturus. Non modica vero per universam civitatem erat trepidatio.

**English**

This passage has not yet been translated.

[↗](https://missale.online/biblia/en/2mcc/3#text-e93f4ea4f81375c9a221)

**Latin**

Sacerdotes autem ante altare cum stolis sacerdotalibus jactaverunt se, et invocabant de cælo eum qui de depositis legem posuit, ut his qui deposuerant ea salva custodiret.

**English**

This passage has not yet been translated.

[↗](https://missale.online/biblia/en/2mcc/3#text-ad0dbb7caa8136e57bff)

**Latin**

Jam vero qui videbat summi sacerdotis vultum, mente vulnerabatur : facies enim et color immutatus declarabat internum animi dolorem :

**English**

This passage has not yet been translated.

[↗](https://missale.online/biblia/en/2mcc/3#text-a344e3eeceed7e93233c)

**Latin**

circumfusa enim erat mœstitia quædam viro, et horror corporis, per quem manifestus aspicientibus dolor cordis ejus efficiebatur.

**English**

This passage has not yet been translated.

[↗](https://missale.online/biblia/en/2mcc/3#text-292f98d53276b7e92ddb)

**Latin**

Alii etiam gregatim de domibus confluebant, publica supplicatione obsecrantes, pro eo quod in contemptum locus esset venturus.

**English**

This passage has not yet been translated.

[↗](https://missale.online/biblia/en/2mcc/3#text-ea8c03b9efa00fc49552)

**Latin**

Accinctæque mulieres ciliciis pectus, per plateas confluebant : sed et virgines quæ conclusæ erant, procurrebant ad Oniam, aliæ autem ad muros, quædam vero per fenestras aspiciebant :

**English**

This passage has not yet been translated.

[↗](https://missale.online/biblia/en/2mcc/3#text-0b9188f9827bc9369014)

**Latin**

universæ autem protendentes manus in cælum, deprecabantur :

**English**

This passage has not yet been translated.

[↗](https://missale.online/biblia/en/2mcc/3#text-4a377fb8b3ab2ddc2997)

**Latin**

erat enim misera commistæ multitudinis, et magni sacerdotis in agone constituti exspectatio.

**English**

This passage has not yet been translated.

[↗](https://missale.online/biblia/en/2mcc/3#text-558828010cd7e67a3b8c)

**Latin**

Et hi quidem invocabant omnipotentem Deum, ut credita sibi his qui crediderant, cum omni integritate conservarentur.

**English**

This passage has not yet been translated.

[↗](https://missale.online/biblia/en/2mcc/3#text-ec73ab42682871a72627)

**Latin**

Heliodorus autem, quod decreverat, perficiebat eodem loco ipse cum satellitibus circa ærarium præsens.

**English**

This passage has not yet been translated.

[↗](https://missale.online/biblia/en/2mcc/3#text-67cd7490abc0fa3b8079)

**Latin**

Sed spiritus omnipotentis Dei magnam fecit suæ ostensionis evidentiam, ita ut omnes qui ausi fuerant parere ei, ruentes Dei virtute, in dissolutionem et formidinem converterentur.

**English**

This passage has not yet been translated.

[↗](https://missale.online/biblia/en/2mcc/3#text-3ac038d6962289bd3c26)

**Latin**

Apparuit enim illis quidam equus terribilem habens sessorem, optimis operimentis adornatus : isque cum impetu Heliodoro priores calces elisit : qui autem ei sedebat, videbatur arma habere aurea.

**English**

This passage has not yet been translated.

[↗](https://missale.online/biblia/en/2mcc/3#text-2b08b45b7a9fd92ff7f8)

**Latin**

Alii etiam apparuerunt duo juvenes virtute decori, optimi gloria, speciosique amictu : qui circumsteterunt eum, et ex utraque parte flagellabant, sine intermissione multis plagis verberantes.

**English**

This passage has not yet been translated.

[↗](https://missale.online/biblia/en/2mcc/3#text-1b9b77d3fcc49350a3f4)

**Latin**

Subito autem Heliodorus concidit in terram, eumque multa caligine circumfusum rapuerunt, atque in sella gestatoria positum ejecerunt.

**English**

This passage has not yet been translated.

[↗](https://missale.online/biblia/en/2mcc/3#text-21478efda9e3bd77c058)

**Latin**

Et is, qui cum multis cursoribus et satellitibus prædictum ingressus est ærarium, portabatur nullo sibi auxilium ferente, manifesta Dei cognita virtute :

**English**

This passage has not yet been translated.

[↗](https://missale.online/biblia/en/2mcc/3#text-66af0bf07849f0763ec9)

**Latin**

et ille quidem per divinam virtutem jacebat mutus, atque omni spe et salute privatus.

**English**

This passage has not yet been translated.

[↗](https://missale.online/biblia/en/2mcc/3#text-8ce0bbceaab8ff918d3a)

**Latin**

Hi autem Dominum benedicebant, quia magnificabat locum suum : et templum, quod paulo ante timore ac tumultu erat plenum, apparente omnipotente Domino, gaudio et lætitia impletum est.

**English**

This passage has not yet been translated.

[↗](https://missale.online/biblia/en/2mcc/3#text-ccc106774904a733b00e)

**Latin**

Tunc vero ex amicis Heliodori quidam rogabant confestim Oniam, ut invocaret Altissimum ut vitam donaret ei qui in supremo spiritu erat constitutus.

**English**

This passage has not yet been translated.

[↗](https://missale.online/biblia/en/2mcc/3#text-3885b8fb3f9b0c24fd89)

**Latin**

Considerans autem summus sacerdos ne forte rex suspicaretur malitiam aliquam ex Judæis circa Heliodorum consummatum, obtulit pro salute viri hostiam salutarem.

**English**

This passage has not yet been translated.

[↗](https://missale.online/biblia/en/2mcc/3#text-578310eff006266469cc)

**Latin**

Cumque summus sacerdos exoraret, iidem juvenes eisdem vestibus amicti astantes Heliodoro, dixerunt : Oniæ sacerdoti gratias age : nam propter eum Dominus tibi vitam donavit.

**English**

This passage has not yet been translated.

[↗](https://missale.online/biblia/en/2mcc/3#text-fe2917b9f5e3cb90d74f)

**Latin**

Tu autem a Deo flagellatus, nuntia omnibus magnalia Dei, et potestatem. Et his dictis, non comparuerunt.

**English**

This passage has not yet been translated.

[↗](https://missale.online/biblia/en/2mcc/3#text-79e5363277408edadf4d)

**Latin**

Heliodorus autem, hostia Deo oblata, et votis magnis promissis ei qui vivere illi concessit, et Oniæ gratias agens, recepto exercitu, repedabat ad regem.

**English**

This passage has not yet been translated.

[↗](https://missale.online/biblia/en/2mcc/3#text-5f3b65a9d805032a9ee2)

**Latin**

Testabatur autem omnibus ea quæ sub oculis suis viderat opera magni Dei.

**English**

This passage has not yet been translated.

[↗](https://missale.online/biblia/en/2mcc/3#text-762d295fd73e6f7c5976)

**Latin**

Cum autem rex interrogasset Heliodorum, quis esset aptus adhuc semel Jerosolymam mitti, ait :

**English**

This passage has not yet been translated.

[↗](https://missale.online/biblia/en/2mcc/3#text-cda9e96bec793da3010d)

**Latin**

Si quem habes hostem, aut regni tui insidiatorem, mitte illuc, et flagellatum eum recipies, si tamen evaserit : eo quod in loco sit vere Dei quædam virtus.

**English**

This passage has not yet been translated.

[↗](https://missale.online/biblia/en/2mcc/3#text-c9ba0458566bc71ea2f2)

**Latin**

Nam ipse, qui habet in cælis habitationem, visitator et adjutor est loci illius, et venientes ad malefaciendum percutit ac perdit.

**English**

This passage has not yet been translated.

[↗](https://missale.online/biblia/en/2mcc/3#text-0a338341cf79beb16c8c)

**Latin**

Igitur de Heliodoro et ærarii custodia ita res se habet.

**English**

This passage has not yet been translated.