# 2 Maccabees · 5

> https://missale.online/biblia/en/2mcc/5

## Verses

[↗](https://missale.online/biblia/en/2mcc/5#text-738a397ca42f89be3041)

**Latin**

Eodem tempore, Antiochus secundam profectionem paravit in Ægyptum.

**English**

This passage has not yet been translated.

[↗](https://missale.online/biblia/en/2mcc/5#text-a431dc21500084281aad)

**Latin**

Contigit autem per universam Jerosolymorum civitatem videri diebus quadraginta per aëra equites discurrentes, auratas stolas habentes et hastis, quasi cohortes armatos :

**English**

This passage has not yet been translated.

[↗](https://missale.online/biblia/en/2mcc/5#text-51d615e65f2b8ce7b8f8)

**Latin**

et cursus equorum per ordines digestos, et congressiones fieri cominus, et scutorum motus, et galeatorum multitudinem gladiis districtis, et telorum jactus, et aureorum armorum splendorem, omnisque generis loricarum.

**English**

This passage has not yet been translated.

[↗](https://missale.online/biblia/en/2mcc/5#text-5d4da59ebdbb384b8c9f)

**Latin**

Quapropter omnes rogabant in bonum monstra converti.

**English**

This passage has not yet been translated.

[↗](https://missale.online/biblia/en/2mcc/5#text-c9a99567837d7d8a5257)

**Latin**

Sed cum falsus rumor exisset, tamquam vita excessisset Antiochus, assumptis Jason non minus mille viris, repente agressus est civitatem : et civibus ad murum convolantibus ad ultimum apprehensa civitate, Menelaus fugit in arcem :

**English**

This passage has not yet been translated.

[↗](https://missale.online/biblia/en/2mcc/5#text-db8941e9bfe92ba71d70)

**Latin**

Jason vero non parcebat in cæde civibus suis, nec cogitabat prosperitatem adversum cognatos malum esse maximum, arbitrans hostium et non civium se trophæa capturum.

**English**

This passage has not yet been translated.

[↗](https://missale.online/biblia/en/2mcc/5#text-d18c4bffa042bddf03b6)

**Latin**

Et principatum quidem non obtinuit, finem vero insidiarum suarum confusionem accepit, et profugus iterum abiit in Ammanitem.

**English**

This passage has not yet been translated.

[↗](https://missale.online/biblia/en/2mcc/5#text-280b739fac2695c16a42)

**Latin**

Ad ultimum, in exitium sui conclusus ab Areta Arabum tyranno fugiens de civitate in civitatem, omnibus odiosus, ut refuga legum et execrabilis, ut patriæ et civium hostis, in Ægyptum extrusus est :

**English**

This passage has not yet been translated.

[↗](https://missale.online/biblia/en/2mcc/5#text-3dd53cfa29a281509a99)

**Latin**

et qui multos de patria sua expulerat, peregre periit, Lacedæmonas profectus, quasi pro cognatione ibi refugium habiturus :

**English**

This passage has not yet been translated.

[↗](https://missale.online/biblia/en/2mcc/5#text-c297fce5deb3b72375f2)

**Latin**

et qui insepultos multos abjecerat, ipse et illamentatus et insepultus abjicitur, sepultura neque peregrina usus, neque patrio sepulchro participans.

**English**

This passage has not yet been translated.

[↗](https://missale.online/biblia/en/2mcc/5#text-44b28169590526f68717)

**Latin**

His itaque gestis, suspicatus est rex societatem deserturos Judæos : et ob hoc profectus ex Ægypto efferatis animis, civitatem quidem armis cepit.

**English**

This passage has not yet been translated.

[↗](https://missale.online/biblia/en/2mcc/5#text-40022955d80a097e447c)

**Latin**

Jussit autem militibus interficere, nec parcere occursantibus, et per domos ascendentes trucidare.

**English**

This passage has not yet been translated.

[↗](https://missale.online/biblia/en/2mcc/5#text-9cddad593f73adeac016)

**Latin**

Fiebant ergo cædes juvenum ac seniorum, et mulierum et natorum exterminia, virginumque et parvulorum neces.

**English**

This passage has not yet been translated.

[↗](https://missale.online/biblia/en/2mcc/5#text-77f0bcf628a6b2c6b32a)

**Latin**

Erant autem toto triduo octoginta millia interfecti, quadraginta millia vincti, non minus autem venundati.

**English**

This passage has not yet been translated.

[↗](https://missale.online/biblia/en/2mcc/5#text-e93f4ea4f81375c9a221)

**Latin**

Sed nec ista sufficiunt : ausus est etiam intrare templum universa terra sanctius, Menelao ductore, qui legum et patriæ fuit proditor :

**English**

This passage has not yet been translated.

[↗](https://missale.online/biblia/en/2mcc/5#text-ad0dbb7caa8136e57bff)

**Latin**

et scelestis manibus sumens sancta vasa, quæ ab aliis regibus et civitatibus erant posita ad ornatum loci, et gloriam, contrectabat indigne, et contaminabat.

**English**

This passage has not yet been translated.

[↗](https://missale.online/biblia/en/2mcc/5#text-a344e3eeceed7e93233c)

**Latin**

Ita alienatus mente Antiochus, non considerabat quod propter peccata habitantium civitatem, modicum Deus fuerat iratus : propter quod et accidit circa locum despectio :

**English**

This passage has not yet been translated.

[↗](https://missale.online/biblia/en/2mcc/5#text-292f98d53276b7e92ddb)

**Latin**

alioquin nisi contigisset eos multis peccatis esse involutos, sicut Heliodorus, qui missus est a Seleuco rege ad expoliandum ærarium, etiam hic statim adveniens flagellatus, et repulsus utique fuisset ab audacia.

**English**

This passage has not yet been translated.

[↗](https://missale.online/biblia/en/2mcc/5#text-ea8c03b9efa00fc49552)

**Latin**

Verum non propter locum, gentem : sed propter gentem, locum Deus elegit.

**English**

This passage has not yet been translated.

[↗](https://missale.online/biblia/en/2mcc/5#text-0b9188f9827bc9369014)

**Latin**

Ideoque et ipse locus particeps factus est populi malorum : postea autem fiet socius bonorum, et qui derelictus in ira Dei omnipotentis est, iterum in magni Domini reconciliatione cum summa gloria exaltabitur.

**English**

This passage has not yet been translated.

[↗](https://missale.online/biblia/en/2mcc/5#text-4a377fb8b3ab2ddc2997)

**Latin**

Igitur Antiochus mille et octingentis ablatis de templo talentis, velociter Antiochiam regressus est, existimans se præ superbia terram ad navigandum, pelagus vero ad iter agendum deducturum propter mentis elationem.

**English**

This passage has not yet been translated.

[↗](https://missale.online/biblia/en/2mcc/5#text-558828010cd7e67a3b8c)

**Latin**

Reliquit autem et præpositos ad affligendam gentem : Jerosolymis quidem Philippum genere Phrygem, moribus crudeliorem eo ipso a quo constitutus est :

**English**

This passage has not yet been translated.

[↗](https://missale.online/biblia/en/2mcc/5#text-ec73ab42682871a72627)

**Latin**

in Garizim autem Andronicum et Menelaum, qui gravius quam ceteri imminebant civibus.

**English**

This passage has not yet been translated.

[↗](https://missale.online/biblia/en/2mcc/5#text-67cd7490abc0fa3b8079)

**Latin**

Cumque appositus esset contra Judæos, misit odiosum principem Apollonium cum exercitu viginti et duobus millibus, præcipiens ei omnes perfectæ ætatis interficere, mulieres ac juvenes vendere.

**English**

This passage has not yet been translated.

[↗](https://missale.online/biblia/en/2mcc/5#text-3ac038d6962289bd3c26)

**Latin**

Qui cum venisset Jerosolymam, pacem simulans, quievit usque ad diem sanctum sabbati : et tunc feriatis Judæis arma capere suis præcepit.

**English**

This passage has not yet been translated.

[↗](https://missale.online/biblia/en/2mcc/5#text-2b08b45b7a9fd92ff7f8)

**Latin**

Omnesque qui ad spectaculum processerant, trucidavit : et civitatem cum armatis discurrens, ingentem multitudinem peremit.

**English**

This passage has not yet been translated.

[↗](https://missale.online/biblia/en/2mcc/5#text-1b9b77d3fcc49350a3f4)

**Latin**

Judas autem Machabæus, qui decimus fuerat, secesserat in desertum locum, ibique inter feras vitam in montibus cum suis agebat : et fœni cibo vescentes, demorabantur, ne participes essent coinquinationis.

**English**

This passage has not yet been translated.