# 2 Chronicles · 1

> https://missale.online/biblia/en/2par/1

## Verses

[↗](https://missale.online/biblia/en/2par/1#text-738a397ca42f89be3041)

**Latin**

Confortatus est ergo Salomon filius David in regno suo, et Dominus Deus ejus erat cum eo, et magnificavit eum in excelsum.

**English**

This passage has not yet been translated.

[↗](https://missale.online/biblia/en/2par/1#text-a431dc21500084281aad)

**Latin**

Præcepitque Salomon universo Israëli, tribunis, et centurionibus, et ducibus, et judicibus omnis Israël, et principibus familiarum :

**English**

This passage has not yet been translated.

[↗](https://missale.online/biblia/en/2par/1#text-51d615e65f2b8ce7b8f8)

**Latin**

et abiit cum universa multitudine in excelsum Gabaon, ubi erat tabernaculum fœderis Dei, quod fecit Moyses famulus Dei in solitudine.

**English**

This passage has not yet been translated.

[↗](https://missale.online/biblia/en/2par/1#text-5d4da59ebdbb384b8c9f)

**Latin**

Arcam autem Dei adduxerat David de Cariathiarim in locum quem præparaverat ei, et ubi fixerat illi tabernaculum, hoc est, in Jerusalem.

**English**

This passage has not yet been translated.

[↗](https://missale.online/biblia/en/2par/1#text-c9a99567837d7d8a5257)

**Latin**

Altare quoque æneum quod fabricatus fuerat Beseleel filius Uri filii Hur, ibi erat coram tabernaculo Domini : quod et requisivit Salomon, et omnis ecclesia.

**English**

This passage has not yet been translated.

[↗](https://missale.online/biblia/en/2par/1#text-db8941e9bfe92ba71d70)

**Latin**

Ascenditque Salomon ad altare æneum, coram tabernaculo fœderis Domini, et obtulit in eo mille hostias.

**English**

This passage has not yet been translated.

[↗](https://missale.online/biblia/en/2par/1#text-d18c4bffa042bddf03b6)

**Latin**

Ecce autem in ipsa nocte apparuit ei Deus, dicens : Postula quod vis, ut dem tibi.

**English**

This passage has not yet been translated.

[↗](https://missale.online/biblia/en/2par/1#text-280b739fac2695c16a42)

**Latin**

Dixitque Salomon Deo : Tu fecisti cum David patre meo misericordiam magnam, et constituisti me regem pro eo.

**English**

This passage has not yet been translated.

[↗](https://missale.online/biblia/en/2par/1#text-3dd53cfa29a281509a99)

**Latin**

Nunc ergo Domine Deus, impleatur sermo tuus quem pollicitus es David patri meo : tu enim me fecisti regem super populum tuum multum, qui tam innumerabilis est quam pulvis terræ.

**English**

This passage has not yet been translated.

[↗](https://missale.online/biblia/en/2par/1#text-c297fce5deb3b72375f2)

**Latin**

Da mihi sapientiam et intelligentiam, ut ingrediar et egrediar coram populo tuo : quis enim potest hunc populum tuum digne, qui tam grandis est, judicare ?

**English**

This passage has not yet been translated.

[↗](https://missale.online/biblia/en/2par/1#text-44b28169590526f68717)

**Latin**

Dixit autem Deus ad Salomonem : Quia hoc magis placuit cordi tuo, et non postulasti divitias, et substantiam, et gloriam, neque animas eorum qui te oderant, sed nec dies vitæ plurimos : petisti autem sapientiam et scientiam, ut judicare possis populum meum super quem constitui te regem :

**English**

This passage has not yet been translated.

[↗](https://missale.online/biblia/en/2par/1#text-40022955d80a097e447c)

**Latin**

sapientia et scientia data sunt tibi : divitias autem et substantiam et gloriam dabo tibi, ita ut nullus in regibus nec ante te nec post te fuerit similis tui.

**English**

This passage has not yet been translated.

[↗](https://missale.online/biblia/en/2par/1#text-9cddad593f73adeac016)

**Latin**

Venit ergo Salomon ab excelso Gabaon in Jerusalem coram tabernaculo fœderis, et regnavit super Israël.

**English**

This passage has not yet been translated.

[↗](https://missale.online/biblia/en/2par/1#text-77f0bcf628a6b2c6b32a)

**Latin**

Congregavitque sibi currus et equites, et facti sunt ei mille quadringenti currus, et duodecim millia equitum : et fecit eos esse in urbibus quadrigarum, et cum rege in Jerusalem.

**English**

This passage has not yet been translated.

[↗](https://missale.online/biblia/en/2par/1#text-e93f4ea4f81375c9a221)

**Latin**

Præbuitque rex argentum et aurum in Jerusalem quasi lapides, et cedros quasi sycomoros quæ nascuntur in campestribus multitudine magna.

**English**

This passage has not yet been translated.

[↗](https://missale.online/biblia/en/2par/1#text-ad0dbb7caa8136e57bff)

**Latin**

Adducebantur autem ei equi de Ægypto et de Coa a negotiatoribus regis, qui ibant et emebant pretio,

**English**

This passage has not yet been translated.

[↗](https://missale.online/biblia/en/2par/1#text-a344e3eeceed7e93233c)

**Latin**

quadrigam equorum sexcentis argenteis, et equum centum quinquaginta : similiter de universis regnis Hethæorum, et a regibus Syriæ emptio celebrabatur.

**English**

This passage has not yet been translated.