# 2 Chronicles · 11

> https://missale.online/biblia/en/2par/11

## Verses

[↗](https://missale.online/biblia/en/2par/11#text-738a397ca42f89be3041)

**Latin**

Venit autem Roboam in Jerusalem, et convocavit universam domum Juda et Benjamin, centum octoginta millia electorum atque bellantium, ut dimicaret contra Israël, et converteret ad se regnum suum.

**English**

This passage has not yet been translated.

[↗](https://missale.online/biblia/en/2par/11#text-a431dc21500084281aad)

**Latin**

Factusque est sermo Domini ad Semeiam hominem Dei, dicens :

**English**

This passage has not yet been translated.

[↗](https://missale.online/biblia/en/2par/11#text-51d615e65f2b8ce7b8f8)

**Latin**

Loquere ad Roboam filium Salomonis regem Juda, et ad universum Israël, qui est in Juda et Benjamin :

**English**

This passage has not yet been translated.

[↗](https://missale.online/biblia/en/2par/11#text-5d4da59ebdbb384b8c9f)

**Latin**

Hæc dicit Dominus : Non ascendetis, neque pugnabitis contra fratres vestros : revertatur unusquisque in domum suam, quia mea hoc gestum est voluntate. Qui cum audissent sermonem Domini, reversi sunt, nec perrexerunt contra Jeroboam.

**English**

This passage has not yet been translated.

[↗](https://missale.online/biblia/en/2par/11#text-c9a99567837d7d8a5257)

**Latin**

Habitavit autem Roboam in Jerusalem, et ædificavit civitates muratas in Juda.

**English**

This passage has not yet been translated.

[↗](https://missale.online/biblia/en/2par/11#text-db8941e9bfe92ba71d70)

**Latin**

Exstruxitque Bethlehem, et Etam, et Thecue,

**English**

This passage has not yet been translated.

[↗](https://missale.online/biblia/en/2par/11#text-d18c4bffa042bddf03b6)

**Latin**

Bethsur quoque, et Socho, et Odollam,

**English**

This passage has not yet been translated.

[↗](https://missale.online/biblia/en/2par/11#text-280b739fac2695c16a42)

**Latin**

necnon et Geth, et Maresa, et Ziph,

**English**

This passage has not yet been translated.

[↗](https://missale.online/biblia/en/2par/11#text-3dd53cfa29a281509a99)

**Latin**

sed et Aduram, et Lachis, et Azeca,

**English**

This passage has not yet been translated.

[↗](https://missale.online/biblia/en/2par/11#text-c297fce5deb3b72375f2)

**Latin**

Saraa quoque, et Ajalon, et Hebron, quæ erant in Juda et Benjamin, civitates munitissimas.

**English**

This passage has not yet been translated.

[↗](https://missale.online/biblia/en/2par/11#text-44b28169590526f68717)

**Latin**

Cumque clausisset eas muris, posuit in eis principes, ciborumque horrea, hoc est, olei, et vini.

**English**

This passage has not yet been translated.

[↗](https://missale.online/biblia/en/2par/11#text-40022955d80a097e447c)

**Latin**

Sed et in singulis urbibus fecit armamentarium scutorum et hastarum, firmavitque eas summa diligentia, et imperavit super Judam et Benjamin.

**English**

This passage has not yet been translated.

[↗](https://missale.online/biblia/en/2par/11#text-9cddad593f73adeac016)

**Latin**

Sacerdotes autem et Levitæ qui erant in universo Israël, venerunt ad eum de cunctis sedibus suis,

**English**

This passage has not yet been translated.

[↗](https://missale.online/biblia/en/2par/11#text-77f0bcf628a6b2c6b32a)

**Latin**

relinquentes suburbana et possessiones suas, et transeuntes ad Judam et Jerusalem : eo quod abjecisset eos Jeroboam et posteri ejus, ne sacerdotio Domini fungerentur.

**English**

This passage has not yet been translated.

[↗](https://missale.online/biblia/en/2par/11#text-e93f4ea4f81375c9a221)

**Latin**

Qui constituit sibi sacerdotes excelsorum, et dæmoniorum, vitulorumque quos fecerat.

**English**

This passage has not yet been translated.

[↗](https://missale.online/biblia/en/2par/11#text-ad0dbb7caa8136e57bff)

**Latin**

Sed et de cunctis tribubus Israël, quicumque dederant cor suum ut quærerent Dominum Deum Israël, venerunt in Jerusalem ad immolandum victimas suas coram Domino Deo patrum suorum.

**English**

This passage has not yet been translated.

[↗](https://missale.online/biblia/en/2par/11#text-a344e3eeceed7e93233c)

**Latin**

Et roboraverunt regnum Juda, et confirmaverunt Roboam filium Salomonis per tres annos : ambulaverunt enim in viis David et Salomonis, annis tantum tribus.

**English**

This passage has not yet been translated.

[↗](https://missale.online/biblia/en/2par/11#text-292f98d53276b7e92ddb)

**Latin**

Duxit autem Roboam uxorem Mahalath filiam Jerimoth filii David : Abihail quoque filiam Eliab filii Isai,

**English**

This passage has not yet been translated.

[↗](https://missale.online/biblia/en/2par/11#text-ea8c03b9efa00fc49552)

**Latin**

quæ peperit ei filios Jehus, et Somoriam, et Zoom.

**English**

This passage has not yet been translated.

[↗](https://missale.online/biblia/en/2par/11#text-0b9188f9827bc9369014)

**Latin**

Post hanc quoque accepit Maacha filiam Absalom, quæ peperit ei Abia, et Ethai, et Ziza, et Salomith.

**English**

This passage has not yet been translated.

[↗](https://missale.online/biblia/en/2par/11#text-4a377fb8b3ab2ddc2997)

**Latin**

Amavit autem Roboam Maacha filiam Absalom super omnes uxores suas et concubinas : nam uxores decem et octo duxerat, concubinas autem sexaginta : et genuit viginti octo filios, et sexaginta filias.

**English**

This passage has not yet been translated.

[↗](https://missale.online/biblia/en/2par/11#text-558828010cd7e67a3b8c)

**Latin**

Constituit vero in capite Abiam filium Maacha ducem super omnes fratres suos : ipsum enim regem facere cogitabat,

**English**

This passage has not yet been translated.

[↗](https://missale.online/biblia/en/2par/11#text-ec73ab42682871a72627)

**Latin**

quia sapientior fuit, et potentior super omnes filios ejus, et in cunctis finibus Juda et Benjamin, et in universis civitatibus muratis : præbuitque eis escas plurimas, et multas petivit uxores.

**English**

This passage has not yet been translated.