# 2 Chronicles · 12

> https://missale.online/biblia/en/2par/12

## Verses

[↗](https://missale.online/biblia/en/2par/12#text-738a397ca42f89be3041)

**Latin**

Cumque roboratum fuisset regnum Roboam et confortatum, dereliquit legem Domini, et omnis Israël cum eo.

**English**

This passage has not yet been translated.

[↗](https://missale.online/biblia/en/2par/12#text-a431dc21500084281aad)

**Latin**

Anno autem quinto regni Roboam, ascendit Sesac rex Ægypti in Jerusalem (quia peccaverant Domino)

**English**

This passage has not yet been translated.

[↗](https://missale.online/biblia/en/2par/12#text-51d615e65f2b8ce7b8f8)

**Latin**

cum mille ducentis curribus, et sexaginta millibus equitum : nec erat numerus vulgi quod venerat cum eo ex Ægypto, Libyes scilicet, et Troglodytæ, et Æthiopes.

**English**

This passage has not yet been translated.

[↗](https://missale.online/biblia/en/2par/12#text-5d4da59ebdbb384b8c9f)

**Latin**

Cepitque civitates munitissimas in Juda, et venit usque in Jerusalem.

**English**

This passage has not yet been translated.

[↗](https://missale.online/biblia/en/2par/12#text-c9a99567837d7d8a5257)

**Latin**

Semeias autem propheta ingressus est ad Roboam, et principes Juda qui congregati fuerant in Jerusalem, fugientes Sesac : dixitque ad eos : Hæc dicit Dominus : Vos reliquistis me, et ego reliqui vos in manu Sesac.

**English**

This passage has not yet been translated.

[↗](https://missale.online/biblia/en/2par/12#text-db8941e9bfe92ba71d70)

**Latin**

Consternatique principes Israël et rex, dixerunt : Justus est Dominus.

**English**

This passage has not yet been translated.

[↗](https://missale.online/biblia/en/2par/12#text-d18c4bffa042bddf03b6)

**Latin**

Cumque vidisset Dominus quod humiliati essent, factus est sermo Domini ad Semeiam, dicens : Quia humiliati sunt, non disperdam eos, daboque eis pauxillum auxilii, et non stillabit furor meus super Jerusalem per manum Sesac.

**English**

This passage has not yet been translated.

[↗](https://missale.online/biblia/en/2par/12#text-280b739fac2695c16a42)

**Latin**

Verumtamen servient ei, ut sciant distantiam servitutis meæ, et servitutis regni terrarum.

**English**

This passage has not yet been translated.

[↗](https://missale.online/biblia/en/2par/12#text-3dd53cfa29a281509a99)

**Latin**

Recessit itaque Sesac rex Ægypti ab Jerusalem, sublatis thesauris domus Domini et domus regis : omniaque secum tulit, et clypeos aureos quos fecerat Salomon :

**English**

This passage has not yet been translated.

[↗](https://missale.online/biblia/en/2par/12#text-c297fce5deb3b72375f2)

**Latin**

pro quibus fecit rex æneos, et tradidit illos principibus scutariorum, qui custodiebant vestibulum palatii.

**English**

This passage has not yet been translated.

[↗](https://missale.online/biblia/en/2par/12#text-44b28169590526f68717)

**Latin**

Cumque introiret rex domum Domini, veniebant scutarii et tollebant eos, iterumque referebant eos ad armamentarium suum.

**English**

This passage has not yet been translated.

[↗](https://missale.online/biblia/en/2par/12#text-40022955d80a097e447c)

**Latin**

Verumtamen quia humiliati sunt, aversa est ab eis ira Domini, nec deleti sunt penitus : siquidem et in Juda inventa sunt opera bona.

**English**

This passage has not yet been translated.

[↗](https://missale.online/biblia/en/2par/12#text-9cddad593f73adeac016)

**Latin**

Confortatus est ergo rex Roboam in Jerusalem, atque regnavit : quadraginta autem et unius anni erat cum regnare cœpisset, et decem et septem annis regnavit in Jerusalem, urbe quam elegit Dominus ut confirmaret nomen suum ibi, de cunctis tribubus Israël : nomen autem matris ejus Naama Ammanitis.

**English**

This passage has not yet been translated.

[↗](https://missale.online/biblia/en/2par/12#text-77f0bcf628a6b2c6b32a)

**Latin**

Fecit autem malum, et non præparavit cor suum ut quæreret Dominum.

**English**

This passage has not yet been translated.

[↗](https://missale.online/biblia/en/2par/12#text-e93f4ea4f81375c9a221)

**Latin**

Opera vero Roboam prima et novissima scripta sunt in libris Semeiæ prophetæ, et Addo videntis, et diligenter exposita : pugnaveruntque adversum se Roboam et Jeroboam cunctis diebus.

**English**

This passage has not yet been translated.

[↗](https://missale.online/biblia/en/2par/12#text-ad0dbb7caa8136e57bff)

**Latin**

Et dormivit Roboam cum patribus suis, sepultusque est in civitate David : et regnavit Abia filius ejus pro eo.

**English**

This passage has not yet been translated.