# 2 Chronicles · 14

> https://missale.online/biblia/en/2par/14

## Verses

[↗](https://missale.online/biblia/en/2par/14#text-738a397ca42f89be3041)

**Latin**

Dormivit autem Abia cum patribus suis, et sepelierunt eum in civitate David : regnavitque Asa filius ejus pro eo, in cujus diebus quievit terra annis decem.

**English**

This passage has not yet been translated.

[↗](https://missale.online/biblia/en/2par/14#text-a431dc21500084281aad)

**Latin**

Fecit autem Asa quod bonum et placitum erat in conspectu Dei sui, et subvertit altaria peregrini cultus, et excelsa.

**English**

This passage has not yet been translated.

[↗](https://missale.online/biblia/en/2par/14#text-51d615e65f2b8ce7b8f8)

**Latin**

Et confregit statuas, lucosque succidit :

**English**

This passage has not yet been translated.

[↗](https://missale.online/biblia/en/2par/14#text-5d4da59ebdbb384b8c9f)

**Latin**

et præcepit Judæ ut quæreret Dominum Deum patrum suorum, et faceret legem, et universa mandata :

**English**

This passage has not yet been translated.

[↗](https://missale.online/biblia/en/2par/14#text-c9a99567837d7d8a5257)

**Latin**

et abstulit de cunctis urbibus Juda aras et fana, et regnavit in pace.

**English**

This passage has not yet been translated.

[↗](https://missale.online/biblia/en/2par/14#text-db8941e9bfe92ba71d70)

**Latin**

Ædificavit quoque urbes munitas in Juda, quia quietus erat, et nulla temporibus ejus bella surrexerant, pacem Domino largiente.

**English**

This passage has not yet been translated.

[↗](https://missale.online/biblia/en/2par/14#text-d18c4bffa042bddf03b6)

**Latin**

Dixit autem Judæ : Ædificemus civitates istas, et vallemus muris, et roboremus turribus, et portis, et seris, donec a bellis quieta sunt omnia, eo quod quæsierimus Dominum Deum patrum nostrorum, et dederit nobis pacem per gyrum. Ædificaverunt igitur, et nullum in exstruendo impedimentum fuit.

**English**

This passage has not yet been translated.

[↗](https://missale.online/biblia/en/2par/14#text-280b739fac2695c16a42)

**Latin**

Habuit autem Asa in exercitu suo portantium scuta et hastas de Juda trecenta millia, de Benjamin vero scutariorum et sagittariorum ducenta octoginta millia : omnes isti viri fortissimi.

**English**

This passage has not yet been translated.

[↗](https://missale.online/biblia/en/2par/14#text-3dd53cfa29a281509a99)

**Latin**

Egressus est autem contra eos Zara Æthiops cum exercitu suo, decies centena millia, et curribus trecentis : et venit usque Maresa.

**English**

This passage has not yet been translated.

[↗](https://missale.online/biblia/en/2par/14#text-c297fce5deb3b72375f2)

**Latin**

Porro Asa perrexit obviam ei, et instruxit aciem ad bellum in valle Sephata, quæ est juxta Maresa :

**English**

This passage has not yet been translated.

[↗](https://missale.online/biblia/en/2par/14#text-44b28169590526f68717)

**Latin**

et invocavit Dominum Deum, et ait : Domine, non est apud te ulla distantia, utrum in paucis auxilieris, an in pluribus. Adjuva nos, Domine Deus noster : in te enim, et in tuo nomine habentes fiduciam, venimus contra hanc multitudinem. Domine, Deus noster tu es : non prævaleat contra te homo.

**English**

This passage has not yet been translated.

[↗](https://missale.online/biblia/en/2par/14#text-40022955d80a097e447c)

**Latin**

Exterruit itaque Dominus Æthiopes coram Asa et Juda : fugeruntque Æthiopes.

**English**

This passage has not yet been translated.

[↗](https://missale.online/biblia/en/2par/14#text-9cddad593f73adeac016)

**Latin**

Et persecutus est eos Asa, et populus qui cum eo erat, usque Gerara : et ruerunt Æthiopes usque ad internecionem, quia Domino cædente contriti sunt, et exercitu illius præliante. Tulerunt ergo spolia multa,

**English**

This passage has not yet been translated.

[↗](https://missale.online/biblia/en/2par/14#text-77f0bcf628a6b2c6b32a)

**Latin**

et percusserunt civitates omnes per circuitum Geraræ : grandis quippe cunctos terror invaserat : et diripuerunt urbes, et multam prædam asportaverunt.

**English**

This passage has not yet been translated.

[↗](https://missale.online/biblia/en/2par/14#text-e93f4ea4f81375c9a221)

**Latin**

Sed et caulas ovium destruentes, tulerunt pecorum infinitam multitudinem, et camelorum : reversique sunt in Jerusalem.

**English**

This passage has not yet been translated.