# 2 Chronicles · 16

> https://missale.online/biblia/en/2par/16

## Verses

[↗](https://missale.online/biblia/en/2par/16#text-738a397ca42f89be3041)

**Latin**

Anno autem trigesimo sexto regni ejus, ascendit Baasa rex Israël in Judam, et muro circumdabat Rama, ut nullus tute posset egredi et ingredi de regno Asa.

**English**

This passage has not yet been translated.

[↗](https://missale.online/biblia/en/2par/16#text-a431dc21500084281aad)

**Latin**

Protulit ergo Asa argentum et aurum de thesauris domus Domini, et de thesauris regis, misitque ad Benadad regem Syriæ, qui habitabat in Damasco, dicens :

**English**

This passage has not yet been translated.

[↗](https://missale.online/biblia/en/2par/16#text-51d615e65f2b8ce7b8f8)

**Latin**

Fœdus inter me et te est ; pater quoque meus et pater tuus habuere concordiam : quam ob rem misi tibi argentum et aurum, ut rupto fœdere quod habes cum Baasa rege Israël, facias eum a me recedere.

**English**

This passage has not yet been translated.

[↗](https://missale.online/biblia/en/2par/16#text-5d4da59ebdbb384b8c9f)

**Latin**

Quo comperto, Benadad misit principes exercituum suorum ad urbes Israël : qui percusserunt Ahion, et Dan, et Abelmaim, et universas urbes Nephthali muratas.

**English**

This passage has not yet been translated.

[↗](https://missale.online/biblia/en/2par/16#text-c9a99567837d7d8a5257)

**Latin**

Quod cum audisset Baasa, desiit ædificare Rama, et intermisit opus suum.

**English**

This passage has not yet been translated.

[↗](https://missale.online/biblia/en/2par/16#text-db8941e9bfe92ba71d70)

**Latin**

Porro Asa rex assumpsit universum Judam, et tulerunt lapides de Rama, et ligna quæ ædificationi præparaverat Baasa, ædificavitque ex eis Gabaa et Maspha.

**English**

This passage has not yet been translated.

[↗](https://missale.online/biblia/en/2par/16#text-d18c4bffa042bddf03b6)

**Latin**

In tempore illo venit Hanani propheta ad Asa regem Juda, et dixit ei : Quia habuisti fiduciam in rege Syriæ, et non in Domino Deo tuo, idcirco evasit Syriæ regis exercitus de manu tua.

**English**

This passage has not yet been translated.

[↗](https://missale.online/biblia/en/2par/16#text-280b739fac2695c16a42)

**Latin**

Nonne Æthiopes et Libyes multo plures erant quadrigis, et equitibus, et multitudine nimia, quos cum Domino credidisses, tradidit in manu tua ?

**English**

This passage has not yet been translated.

[↗](https://missale.online/biblia/en/2par/16#text-3dd53cfa29a281509a99)

**Latin**

Oculi enim Domini contemplantur universam terram, et præbent fortitudinem his qui corde perfecto credunt in eum. Stulte igitur egisti, et propter hoc ex præsenti tempore adversum te bella consurgent.

**English**

This passage has not yet been translated.

[↗](https://missale.online/biblia/en/2par/16#text-c297fce5deb3b72375f2)

**Latin**

Iratusque Asa adversus videntem, jussit eum mitti in nervum : valde quippe super hoc fuerat indignatus : et interfecit de populo in tempore illo plurimos.

**English**

This passage has not yet been translated.

[↗](https://missale.online/biblia/en/2par/16#text-44b28169590526f68717)

**Latin**

Opera autem Asa prima et novissima scripta sunt in libro regum Juda et Israël.

**English**

This passage has not yet been translated.

[↗](https://missale.online/biblia/en/2par/16#text-40022955d80a097e447c)

**Latin**

Ægrotavit etiam Asa anno trigesimo nono regni sui, dolore pedum vehementissimo, et nec in infirmitate sua quæsivit Dominum, sed magis in medicorum arte confisus est.

**English**

This passage has not yet been translated.

[↗](https://missale.online/biblia/en/2par/16#text-9cddad593f73adeac016)

**Latin**

Dormivitque cum patribus suis, et mortuus est anno quadragesimo primo regni sui.

**English**

This passage has not yet been translated.

[↗](https://missale.online/biblia/en/2par/16#text-77f0bcf628a6b2c6b32a)

**Latin**

Et sepelierunt eum in sepulchro suo quod foderat sibi in civitate David : posueruntque eum super lectum suum plenum aromatibus et unguentibus meretriciis, quæ erant pigmentariorum arte confecta, et combusserunt super eum ambitione nimia.

**English**

This passage has not yet been translated.