# 2 Chronicles · 22

> https://missale.online/biblia/en/2par/22

## Verses

[↗](https://missale.online/biblia/en/2par/22#text-738a397ca42f89be3041)

**Latin**

Constituerunt autem habitatores Jerusalem Ochoziam filium ejus minimum regem pro eo : omnes enim majores natu, qui ante eum fuerant, interfecerant latrones Arabum qui irruerant in castra : regnavitque Ochozias filius Joram regis Juda.

**English**

This passage has not yet been translated.

[↗](https://missale.online/biblia/en/2par/22#text-a431dc21500084281aad)

**Latin**

Quadraginta duorum annorum erat Ochozias cum regnare cœpisset, et uno anno regnavit in Jerusalem : et nomen matris ejus Athalia filia Amri.

**English**

This passage has not yet been translated.

[↗](https://missale.online/biblia/en/2par/22#text-51d615e65f2b8ce7b8f8)

**Latin**

Sed et ipse ingressus est per vias domus Achab : mater enim ejus impulit eum ut impie ageret.

**English**

This passage has not yet been translated.

[↗](https://missale.online/biblia/en/2par/22#text-5d4da59ebdbb384b8c9f)

**Latin**

Fecit igitur malum in conspectu Domini, sicut domus Achab : ipsi enim fuerunt ei consiliarii post mortem patris sui, in interitum ejus :

**English**

This passage has not yet been translated.

[↗](https://missale.online/biblia/en/2par/22#text-c9a99567837d7d8a5257)

**Latin**

ambulavitque in consiliis eorum. Et perrexit cum Joram filio Achab rege Israël in bellum contra Hazaël regem Syriæ in Ramoth Galaad : vulneraveruntque Syri Joram.

**English**

This passage has not yet been translated.

[↗](https://missale.online/biblia/en/2par/22#text-db8941e9bfe92ba71d70)

**Latin**

Qui reversus est ut curaretur in Jezrahel : multas enim plagas acceperat in supradicto certamine. Igitur Ochozias filius Joram rex Juda descendit ut inviseret Joram filium Achab in Jezrahel ægrotantem.

**English**

This passage has not yet been translated.

[↗](https://missale.online/biblia/en/2par/22#text-d18c4bffa042bddf03b6)

**Latin**

Voluntatis quippe fuit Dei adversus Ochoziam, ut veniret ad Joram : et cum venisset, et egrederetur cum eo adversum Jehu filium Namsi, quem unxit Dominus ut deleret domum Achab.

**English**

This passage has not yet been translated.

[↗](https://missale.online/biblia/en/2par/22#text-280b739fac2695c16a42)

**Latin**

Cum ergo everteret Jehu domum Achab, invenit principes Juda, et filios fratrum Ochoziæ, qui ministrabant ei, et interfecit illos.

**English**

This passage has not yet been translated.

[↗](https://missale.online/biblia/en/2par/22#text-3dd53cfa29a281509a99)

**Latin**

Ipsum quoque perquirens Ochoziam, comprehendit latitantem in Samaria : adductumque ad se, occidit : et sepelierunt eum, eo quod esset filius Josaphat, qui quæsierat Dominum in toto corde suo.

 Nec erat ultra spes aliqua ut de stirpe quis regnaret Ochoziæ :

**English**

This passage has not yet been translated.

[↗](https://missale.online/biblia/en/2par/22#text-c297fce5deb3b72375f2)

**Latin**

siquidem Athalia mater ejus, videns quod mortuus esset filius suus, surrexit, et interfecit omnem stirpem regiam domus Joram.

**English**

This passage has not yet been translated.

[↗](https://missale.online/biblia/en/2par/22#text-44b28169590526f68717)

**Latin**

Porro Josabeth filia regis tulit Joas filium Ochoziæ, et furata est eum de medio filiorum regis, cum interficerentur : absconditque eum cum nutrice sua in cubiculo lectulorum : Josabeth autem, quæ absconderat eum, erat filia regis Joram, uxor Jojadæ pontificis, soror Ochoziæ : et idcirco Athalia non interfecit eum.

**English**

This passage has not yet been translated.

[↗](https://missale.online/biblia/en/2par/22#text-40022955d80a097e447c)

**Latin**

Fuit ergo cum eis in domo Dei absconditus sex annis, quibus regnavit Athalia super terram.

**English**

This passage has not yet been translated.