# 2 Chronicles · 28 > https://missale.online/biblia/en/2par/28 ## Verses [↗](https://missale.online/biblia/en/2par/28#text-738a397ca42f89be3041) **Latin** Viginti annorum erat Achaz cum regnare cœpisset, et sedecim annis regnavit in Jerusalem. Non fecit rectum in conspectu Domini sicut David pater ejus, **English** This passage has not yet been translated. [↗](https://missale.online/biblia/en/2par/28#text-a431dc21500084281aad) **Latin** sed ambulavit in viis regum Israël, insuper et statuas fudit Baalim. **English** This passage has not yet been translated. [↗](https://missale.online/biblia/en/2par/28#text-51d615e65f2b8ce7b8f8) **Latin** Ipse est qui adolevit incensum in valle Benennom, et lustravit filios suos in igne juxta ritum gentium quas interfecit Dominus in adventu filiorum Israël. **English** This passage has not yet been translated. [↗](https://missale.online/biblia/en/2par/28#text-5d4da59ebdbb384b8c9f) **Latin** Sacrificabat quoque, et thymiama succendebat in excelsis, et in collibus, et sub omni ligno frondoso. **English** This passage has not yet been translated. [↗](https://missale.online/biblia/en/2par/28#text-c9a99567837d7d8a5257) **Latin** Tradiditque eum Dominus Deus ejus in manu regis Syriæ, qui percussit eum, magnamque prædam cepit de ejus imperio, et adduxit in Damascum : manibus quoque regis Israël traditus est, et percussus plaga grandi. **English** This passage has not yet been translated. [↗](https://missale.online/biblia/en/2par/28#text-db8941e9bfe92ba71d70) **Latin** Occiditque Phacee filius Romeliæ, de Juda centum viginti millia in die uno, omnes viros bellatores : eo quod reliquissent Dominum Deum patrum suorum. **English** This passage has not yet been translated. [↗](https://missale.online/biblia/en/2par/28#text-d18c4bffa042bddf03b6) **Latin** Eodem tempore occidit Zechri, vir potens ex Ephraim, Maasiam filium regis, et Ezricam ducem domus ejus, Elcanam quoque secundum a rege. **English** This passage has not yet been translated. [↗](https://missale.online/biblia/en/2par/28#text-280b739fac2695c16a42) **Latin** Ceperuntque filii Israël de fratribus suis ducenta millia mulierum, puerorum, et puellarum, et infinitam prædam : pertuleruntque eam in Samariam. **English** This passage has not yet been translated. [↗](https://missale.online/biblia/en/2par/28#text-3dd53cfa29a281509a99) **Latin** Ea tempestate erat ibi propheta Domini, nomine Oded : qui egressus obviam exercitui venienti in Samariam, dixit eis : Ecce iratus Dominus Deus patrum vestrorum contra Juda, tradidit eos in manibus vestris, et occidistis eos atrociter, ita ut ad cælum pertingeret vestra crudelitas. **English** This passage has not yet been translated. [↗](https://missale.online/biblia/en/2par/28#text-c297fce5deb3b72375f2) **Latin** Insuper filios Juda et Jerusalem vultis vobis subjicere in servos et ancillas : quod nequaquam facto opus est : peccastis enim super hoc Domino Deo vestro. **English** This passage has not yet been translated. [↗](https://missale.online/biblia/en/2par/28#text-44b28169590526f68717) **Latin** Sed audite consilium meum, et reducite captivos quos adduxistis de fratribus vestris, quia magnus furor Domini imminet vobis. **English** This passage has not yet been translated. [↗](https://missale.online/biblia/en/2par/28#text-40022955d80a097e447c) **Latin** Steterunt itaque viri de principibus filiorum Ephraim, Azarias filius Johanan, Barachias filius Mosollamoth, Ezechias filius Sellum, et Amasa filius Adali, contra eos qui veniebant de prælio, **English** This passage has not yet been translated. [↗](https://missale.online/biblia/en/2par/28#text-9cddad593f73adeac016) **Latin** et dixerunt eis : Non introducetis huc captivos, ne peccemus Domino. Quare vultis adjicere super peccata nostra, et vetera cumulare delicta ? grande quippe peccatum est, et ira furoris Domini imminet super Israël. **English** This passage has not yet been translated. [↗](https://missale.online/biblia/en/2par/28#text-77f0bcf628a6b2c6b32a) **Latin** Dimiseruntque viri bellatores prædam, et universa quæ ceperant, coram principibus, et omni multitudine. **English** This passage has not yet been translated. [↗](https://missale.online/biblia/en/2par/28#text-e93f4ea4f81375c9a221) **Latin** Steteruntque viri quos supra memoravimus, et apprehendentes captivos, omnesque qui nudi erant, vestierunt de spoliis : cumque vestissent eos, et calceassent, et refecissent cibo ac potu, unxissentque propter laborem, et adhibuissent eis curam : quicumque ambulare non poterant, et erant imbecillo corpore, imposuerunt eos jumentis, et adduxerunt Jericho civitatem palmarum ad fratres eorum, ipsique reversi sunt in Samariam. **English** This passage has not yet been translated. [↗](https://missale.online/biblia/en/2par/28#text-ad0dbb7caa8136e57bff) **Latin** Tempore illo misit rex Achaz ad regem Assyriorum, postulans auxilium. **English** This passage has not yet been translated. [↗](https://missale.online/biblia/en/2par/28#text-a344e3eeceed7e93233c) **Latin** Veneruntque Idumæi, et percusserunt multos ex Juda, et ceperunt prædam magnam. **English** This passage has not yet been translated. [↗](https://missale.online/biblia/en/2par/28#text-292f98d53276b7e92ddb) **Latin** Philisthiim quoque diffusi sunt per urbes campestres, et ad meridiem Juda : ceperuntque Bethsames, et Ajalon, et Gaderoth, Socho quoque, et Thamnan, et Gamzo, cum viculis suis, et habitaverunt in eis. **English** This passage has not yet been translated. [↗](https://missale.online/biblia/en/2par/28#text-ea8c03b9efa00fc49552) **Latin** Humiliaverat enim Dominus Judam propter Achaz regem Juda, eo quod nudasset eum auxilio, et contemptui habuisset Dominum. **English** This passage has not yet been translated. [↗](https://missale.online/biblia/en/2par/28#text-0b9188f9827bc9369014) **Latin** Adduxitque contra eum Thelgathphalnasar regem Assyriorum, qui et afflixit eum, et nullo resistente vastavit. **English** This passage has not yet been translated. [↗](https://missale.online/biblia/en/2par/28#text-4a377fb8b3ab2ddc2997) **Latin** Igitur Achaz, spoliata domo Domini, et domo regum ac principum, dedit regi Assyriorum munera, et tamen nihil ei profuit. **English** This passage has not yet been translated. [↗](https://missale.online/biblia/en/2par/28#text-558828010cd7e67a3b8c) **Latin** Insuper et tempore angustiæ suæ auxit contemptum in Dominum, ipse per se rex Achaz, **English** This passage has not yet been translated. [↗](https://missale.online/biblia/en/2par/28#text-ec73ab42682871a72627) **Latin** immolavit diis Damasci victimas percussoribus suis, et dixit : Dii regum Syriæ auxiliantur eis, quos ego placabo hostiis, et aderunt mihi : cum e contrario ipsi fuerint ruinæ ei, et universo Israël. **English** This passage has not yet been translated. [↗](https://missale.online/biblia/en/2par/28#text-67cd7490abc0fa3b8079) **Latin** Direptis itaque Achaz omnibus vasis domus Dei, atque confractis, clausit januas templi Dei, et fecit sibi altaria in universis angulis Jerusalem. **English** This passage has not yet been translated. [↗](https://missale.online/biblia/en/2par/28#text-3ac038d6962289bd3c26) **Latin** In omnibus quoque urbibus Juda exstruxit aras ad cremandum thus, atque ad iracundiam provocavit Dominum Deum patrum suorum. **English** This passage has not yet been translated. [↗](https://missale.online/biblia/en/2par/28#text-2b08b45b7a9fd92ff7f8) **Latin** Reliqua autem sermonum ejus, et omnium operum suorum priorum et novissimorum, scripta sunt in libro regum Juda et Israël. **English** This passage has not yet been translated. [↗](https://missale.online/biblia/en/2par/28#text-1b9b77d3fcc49350a3f4) **Latin** Dormivitque Achaz cum patribus suis, et sepelierunt eum in civitate Jerusalem : neque enim receperunt eum in sepulchra regum Israël. Regnavitque Ezechias filius ejus pro eo. **English** This passage has not yet been translated.