# 2 Chronicles · 3

> https://missale.online/biblia/en/2par/3

## Verses

[↗](https://missale.online/biblia/en/2par/3#text-738a397ca42f89be3041)

**Latin**

Et cœpit Salomon ædificare domum Domini in Jerusalem in monte Moria, qui demonstratus fuerat David patri ejus, in loco quem paraverat David in area Ornan Jebusæi.

**English**

This passage has not yet been translated.

[↗](https://missale.online/biblia/en/2par/3#text-a431dc21500084281aad)

**Latin**

Cœpit autem ædificare mense secundo, anno quarto regni sui.

**English**

This passage has not yet been translated.

[↗](https://missale.online/biblia/en/2par/3#text-51d615e65f2b8ce7b8f8)

**Latin**

Et hæc sunt fundamenta quæ jecit Salomon, ut ædificaret domum Dei : longitudinis cubitos in mensura prima sexaginta, latitudinis cubitos viginti.

**English**

This passage has not yet been translated.

[↗](https://missale.online/biblia/en/2par/3#text-5d4da59ebdbb384b8c9f)

**Latin**

Porticum vero ante frontem, quæ tendebatur in longum juxta mensuram latitudinis domus, cubitorum viginti : porro altitudo centum viginti cubitorum erat : et deauravit eam intrinsecus auro mundissimo.

**English**

This passage has not yet been translated.

[↗](https://missale.online/biblia/en/2par/3#text-c9a99567837d7d8a5257)

**Latin**

Domum quoque majorem texit tabulis ligneis abiegnis, et laminas auri obrizi affixit per totum : sculpsitque in ea palmas, et quasi catenulas se invicem complectentes.

**English**

This passage has not yet been translated.

[↗](https://missale.online/biblia/en/2par/3#text-db8941e9bfe92ba71d70)

**Latin**

Stravit quoque pavimentum templi pretiosissimo marmore, decore multo.

**English**

This passage has not yet been translated.

[↗](https://missale.online/biblia/en/2par/3#text-d18c4bffa042bddf03b6)

**Latin**

Porro aurum erat probatissimum, de cujus laminis texit domum, et trabes ejus, et postes, et parietes, et ostia : et cælavit cherubim in parietibus.

**English**

This passage has not yet been translated.

[↗](https://missale.online/biblia/en/2par/3#text-280b739fac2695c16a42)

**Latin**

Fecit quoque domum Sancti sanctorum : longitudinem juxta latitudinem domus cubitorum viginti : et latitudinem similiter viginti cubitorum : et laminis aureis texit eam, quasi talentis sexcentis.

**English**

This passage has not yet been translated.

[↗](https://missale.online/biblia/en/2par/3#text-3dd53cfa29a281509a99)

**Latin**

Sed et clavos fecit aureos, ita ut singuli clavi siclos quinquagenos appenderent : cœnacula quoque texit auro.

**English**

This passage has not yet been translated.

[↗](https://missale.online/biblia/en/2par/3#text-c297fce5deb3b72375f2)

**Latin**

Fecit etiam in domo Sancti sanctorum cherubim duos, opere statuario : et texit eos auro.

**English**

This passage has not yet been translated.

[↗](https://missale.online/biblia/en/2par/3#text-44b28169590526f68717)

**Latin**

Alæ cherubim viginti cubitis extendebantur, ita ut una ala haberet cubitos quinque et tangeret parietem domus : et altera quinque cubitos habens, alam tangeret alterius cherub.

**English**

This passage has not yet been translated.

[↗](https://missale.online/biblia/en/2par/3#text-40022955d80a097e447c)

**Latin**

Similiter cherub alterius ala, quinque habebat cubitos, et tangebat parietem : et ala ejus altera quinque cubitorum, alam cherub alterius contingebat.

**English**

This passage has not yet been translated.

[↗](https://missale.online/biblia/en/2par/3#text-9cddad593f73adeac016)

**Latin**

Igitur alæ utriusque cherubim expansæ erant et extendebantur per cubitos viginti : ipsi autem stabant erectis pedibus, et facies eorum erant versæ ad exteriorem domum.

**English**

This passage has not yet been translated.

[↗](https://missale.online/biblia/en/2par/3#text-77f0bcf628a6b2c6b32a)

**Latin**

Fecit quoque velum ex hyacintho, purpura, cocco, et bysso : et intexuit ei cherubim.

**English**

This passage has not yet been translated.

[↗](https://missale.online/biblia/en/2par/3#text-e93f4ea4f81375c9a221)

**Latin**

Ante fores etiam templi duas columnas, quæ triginta et quinque cubitos habebant altitudinis : porro capita earum, quinque cubitorum.

**English**

This passage has not yet been translated.

[↗](https://missale.online/biblia/en/2par/3#text-ad0dbb7caa8136e57bff)

**Latin**

Necnon et quasi catenulas in oraculo, et superposuit eas capitibus columnarum : malogranata etiam centum, quæ catenulis interposuit.

**English**

This passage has not yet been translated.

[↗](https://missale.online/biblia/en/2par/3#text-a344e3eeceed7e93233c)

**Latin**

Ipsas quoque columnas posuit in vestibulo templi, unam a dextris, et alteram a sinistris : eam quæ a dextris erat, vocavit Jachin : et quæ ad lævam, Booz.

**English**

This passage has not yet been translated.