# 2 Chronicles · 7 > https://missale.online/biblia/en/2par/7 ## Verses [↗](https://missale.online/biblia/en/2par/7#text-738a397ca42f89be3041) **Latin** Cumque complesset Salomon fundens preces, ignis descendit de cælo, et devoravit holocausta et victimas : et majestas Domini implevit domum. **English** This passage has not yet been translated. [↗](https://missale.online/biblia/en/2par/7#text-a431dc21500084281aad) **Latin** Nec poterant sacerdotes ingredi templum Domini, eo quod implesset majestas Domini templum Domini. **English** This passage has not yet been translated. [↗](https://missale.online/biblia/en/2par/7#text-51d615e65f2b8ce7b8f8) **Latin** Sed et omnes filii Israël videbant descendentem ignem, et gloriam Domini super domum : et corruentes proni in terram super pavimentum stratum lapide, adoraverunt, et laudaverunt Dominum, quoniam bonus, quoniam in sæculum misericordia ejus. **English** This passage has not yet been translated. [↗](https://missale.online/biblia/en/2par/7#text-5d4da59ebdbb384b8c9f) **Latin** Rex autem et omnis populus immolabant victimas coram Domino. **English** This passage has not yet been translated. [↗](https://missale.online/biblia/en/2par/7#text-c9a99567837d7d8a5257) **Latin** Mactavit igitur rex Salomon hostias, boum viginti duo millia, arietum centum viginti millia : et dedicavit domum Dei rex, et universus populus. **English** This passage has not yet been translated. [↗](https://missale.online/biblia/en/2par/7#text-db8941e9bfe92ba71d70) **Latin** Sacerdotes autem stabant in officiis suis, et Levitæ in organis carminum Domini, quæ fecit David rex ad laudandum Dominum : Quoniam in æternum misericordia ejus, hymnos David canentes per manus suas : porro sacerdotes canebant tubis ante eos, cunctusque Israël stabat. **English** This passage has not yet been translated. [↗](https://missale.online/biblia/en/2par/7#text-d18c4bffa042bddf03b6) **Latin** Sanctificavit quoque Salomon medium atrii ante templum Domini : obtulerat enim ibi holocausta et adipes pacificorum : quia altare æneum quod fecerat, non poterat sustinere holocausta et sacrificia et adipes. **English** This passage has not yet been translated. [↗](https://missale.online/biblia/en/2par/7#text-280b739fac2695c16a42) **Latin** Fecit ergo Salomon solemnitatem in tempore illo septem diebus, et omnis Israël cum eo, ecclesia magna valde, ab introitu Emath usque ad torrentem Ægypti. **English** This passage has not yet been translated. [↗](https://missale.online/biblia/en/2par/7#text-3dd53cfa29a281509a99) **Latin** Fecitque die octavo collectam, eo quod dedicasset altare septem diebus, et solemnitatem celebrasset diebus septem. **English** This passage has not yet been translated. [↗](https://missale.online/biblia/en/2par/7#text-c297fce5deb3b72375f2) **Latin** Igitur in die vigesimo tertio mensis septimi, dimisit populos ad tabernacula sua, lætantes atque gaudentes super bono quod fecerat Dominus Davidi, et Salomoni, et Israëli populo suo. **English** This passage has not yet been translated. [↗](https://missale.online/biblia/en/2par/7#text-44b28169590526f68717) **Latin** Complevitque Salomon domum Domini, et domum regis, et omnia quæ disposuerat in corde suo ut faceret in domo Domini, et in domo sua, et prosperatus est. **English** This passage has not yet been translated. [↗](https://missale.online/biblia/en/2par/7#text-40022955d80a097e447c) **Latin** Apparuit autem ei Dominus nocte, et ait : Audivi orationem tuam, et elegi locum istum mihi in domum sacrificii. **English** This passage has not yet been translated. [↗](https://missale.online/biblia/en/2par/7#text-9cddad593f73adeac016) **Latin** Si clausero cælum, et pluvia non fluxerit, et mandavero et præcepero locustæ ut devoret terram, et misero pestilentiam in populum meum : **English** This passage has not yet been translated. [↗](https://missale.online/biblia/en/2par/7#text-77f0bcf628a6b2c6b32a) **Latin** conversus autem populus meus, super quos invocatum est nomen meum, deprecatus me fuerit, et exquisierit faciem meam, et egerit pœnitentiam a viis suis pessimis : et ego exaudiam de cælo, et propitius ero peccatis eorum, et sanabo terram eorum. **English** This passage has not yet been translated. [↗](https://missale.online/biblia/en/2par/7#text-e93f4ea4f81375c9a221) **Latin** Oculi quoque mei erunt aperti, et aures meæ erectæ ad orationem ejus, qui in loco isto oraverit. **English** This passage has not yet been translated. [↗](https://missale.online/biblia/en/2par/7#text-ad0dbb7caa8136e57bff) **Latin** Elegi enim, et sanctificavi locum istum, ut sit nomen meum ibi in sempiternum, et permaneant oculi mei et cor meum ibi cunctis diebus. **English** This passage has not yet been translated. [↗](https://missale.online/biblia/en/2par/7#text-a344e3eeceed7e93233c) **Latin** Tu quoque si ambulaveris coram me, sicut ambulaverit David pater tuus, et feceris juxta omnia quæ præcepi tibi, et justitias meas judiciaque servaveris : **English** This passage has not yet been translated. [↗](https://missale.online/biblia/en/2par/7#text-292f98d53276b7e92ddb) **Latin** suscitabo thronum regni tui, sicut pollicitus sum David patri tuo, dicens : Non auferetur de stirpe tua vir qui sit princeps in Israël. **English** This passage has not yet been translated. [↗](https://missale.online/biblia/en/2par/7#text-ea8c03b9efa00fc49552) **Latin** Si autem aversi fueritis, et dereliqueritis justitias meas, et præcepta mea quæ proposui vobis, et abeuntes servieritis diis alienis, et adoraveritis eos, **English** This passage has not yet been translated. [↗](https://missale.online/biblia/en/2par/7#text-0b9188f9827bc9369014) **Latin** evellam vos de terra mea quam dedi vobis : et domum hanc, quam sanctificavi nomini meo, projiciam a facie mea, et tradam eam in parabolam, et in exemplum cunctis populis. **English** This passage has not yet been translated. [↗](https://missale.online/biblia/en/2par/7#text-4a377fb8b3ab2ddc2997) **Latin** Et domus ista erit in proverbium universis transeuntibus, et dicent stupentes : Quare fecit Dominus sic terræ huic, et domui huic ? **English** This passage has not yet been translated. [↗](https://missale.online/biblia/en/2par/7#text-558828010cd7e67a3b8c) **Latin** Respondebuntque : Quia dereliquerunt Dominum Deum patrum suorum, qui eduxit eos de terra Ægypti, et apprehenderunt deos alienos, et adoraverunt eos, et coluerunt : idcirco venerunt super eos universa hæc mala. **English** This passage has not yet been translated.