# 2 Samuel · 1

> https://missale.online/biblia/en/2rg/1

## Verses

[↗](https://missale.online/biblia/en/2rg/1#text-738a397ca42f89be3041)

**Latin**

Factum est autem, postquam mortuus est Saul, ut David reverteretur a cæde Amalec, et maneret in Siceleg duos dies.

**English**

This passage has not yet been translated.

[↗](https://missale.online/biblia/en/2rg/1#text-a431dc21500084281aad)

**Latin**

In die autem tertia apparuit homo veniens de castris Saul veste conscissa, et pulvere conspersus caput : et ut venit ad David, cecidit super faciem suam, et adoravit.

**English**

This passage has not yet been translated.

[↗](https://missale.online/biblia/en/2rg/1#text-51d615e65f2b8ce7b8f8)

**Latin**

Dixitque ad eum David : Unde venis ? Qui ait ad eum : De castris Israël fugi.

**English**

This passage has not yet been translated.

[↗](https://missale.online/biblia/en/2rg/1#text-5d4da59ebdbb384b8c9f)

**Latin**

Et dixit ad eum David : Quod est verbum quod factum est ? indica mihi. Qui ait : Fugit populus ex prælio, et multi corruentes e populo mortui sunt : sed et Saul et Jonathas filius ejus interierunt.

**English**

This passage has not yet been translated.

[↗](https://missale.online/biblia/en/2rg/1#text-c9a99567837d7d8a5257)

**Latin**

Dixitque David ad adolescentem qui nuntiabat ei : Unde scis quia mortuus est Saul, et Jonathas filius ejus ?

**English**

This passage has not yet been translated.

[↗](https://missale.online/biblia/en/2rg/1#text-db8941e9bfe92ba71d70)

**Latin**

Et ait adolescens qui nuntiabat ei : Casu veni in montem Gelboë, et Saul incumbebat super hastam suam : porro currus et equites appropinquabant ei,

**English**

This passage has not yet been translated.

[↗](https://missale.online/biblia/en/2rg/1#text-d18c4bffa042bddf03b6)

**Latin**

et conversus post tergum suum, vidensque me, vocavit. Cui cum respondissem : Adsum :

**English**

This passage has not yet been translated.

[↗](https://missale.online/biblia/en/2rg/1#text-280b739fac2695c16a42)

**Latin**

dixit mihi : Quisnam es tu ? Et aio ad eum : Amalecites ego sum.

**English**

This passage has not yet been translated.

[↗](https://missale.online/biblia/en/2rg/1#text-3dd53cfa29a281509a99)

**Latin**

Et locutus est mihi : Sta super me, et interfice me : quoniam tenent me angustiæ, et adhuc tota anima mea in me est.

**English**

This passage has not yet been translated.

[↗](https://missale.online/biblia/en/2rg/1#text-c297fce5deb3b72375f2)

**Latin**

Stansque super eum, occidi illum : sciebam enim quod vivere non poterat post ruinam : et tuli diadema quod erat in capite ejus, et armillam de brachio illius, et attuli ad te dominum meum huc.

**English**

This passage has not yet been translated.

[↗](https://missale.online/biblia/en/2rg/1#text-44b28169590526f68717)

**Latin**

Apprehendens autem David, vestimenta sua scidit, omnesque viri qui erant cum eo,

**English**

This passage has not yet been translated.

[↗](https://missale.online/biblia/en/2rg/1#text-40022955d80a097e447c)

**Latin**

et planxerunt, et fleverunt, et jejunaverunt usque ad vesperam super Saul, et super Jonathan filium ejus, et super populum Domini, et super domum Israël, eo quod corruissent gladio.

**English**

This passage has not yet been translated.

[↗](https://missale.online/biblia/en/2rg/1#text-9cddad593f73adeac016)

**Latin**

Dixitque David ad juvenem qui nuntiaverat ei : Unde es tu ? Qui respondit : Filius hominis advenæ Amalecitæ ego sum.

**English**

This passage has not yet been translated.

[↗](https://missale.online/biblia/en/2rg/1#text-77f0bcf628a6b2c6b32a)

**Latin**

Et ait ad eum David : Quare non timuisti mittere manum tuam ut occideres christum Domini ?

**English**

This passage has not yet been translated.

[↗](https://missale.online/biblia/en/2rg/1#text-e93f4ea4f81375c9a221)

**Latin**

Vocansque David unum de pueris suis, ait : Accedens irrue in eum. Qui percussit illum, et mortuus est.

**English**

This passage has not yet been translated.

[↗](https://missale.online/biblia/en/2rg/1#text-ad0dbb7caa8136e57bff)

**Latin**

Et ait ad eum David : Sanguis tuus super caput tuum : os enim tuum locutum est adversum te, dicens : Ego interfeci christum Domini.

**English**

This passage has not yet been translated.

[↗](https://missale.online/biblia/en/2rg/1#text-a344e3eeceed7e93233c)

**Latin**

Planxit autem David planctum hujuscemodi super Saul, et super Jonathan filium ejus

**English**

This passage has not yet been translated.

[↗](https://missale.online/biblia/en/2rg/1#text-292f98d53276b7e92ddb)

**Latin**

(et præcepit ut docerent filios Juda arcum, sicut scriptum est in libro justorum), et ait : Considera, Israël, pro his qui mortui sunt,
super excelsa tua vulnerati.

**English**

This passage has not yet been translated.

[↗](https://missale.online/biblia/en/2rg/1#text-ea8c03b9efa00fc49552)

**Latin**

Inclyti Israël super montes tuos interfecti sunt :
quomodo ceciderunt fortes ?

**English**

This passage has not yet been translated.

[↗](https://missale.online/biblia/en/2rg/1#text-0b9188f9827bc9369014)

**Latin**

Nolite annuntiare in Geth,
neque annuntietis in compitis Ascalonis :
ne forte lætentur filiæ Philisthiim ;
ne exultent filiæ incircumcisorum.

**English**

This passage has not yet been translated.

[↗](https://missale.online/biblia/en/2rg/1#text-4a377fb8b3ab2ddc2997)

**Latin**

Montes Gelboë, nec ros, nec pluvia veniant super vos,
neque sint agri primitiarum :
quia ibi abjectus est clypeus fortium :
clypeus Saul, quasi non esset unctus oleo.

**English**

This passage has not yet been translated.

[↗](https://missale.online/biblia/en/2rg/1#text-558828010cd7e67a3b8c)

**Latin**

A sanguine interfectorum, ab adipe fortium,
sagitta Jonathæ numquam rediit retrorsum,
et gladius Saul non est reversus inanis.

**English**

This passage has not yet been translated.

[↗](https://missale.online/biblia/en/2rg/1#text-ec73ab42682871a72627)

**Latin**

Saul et Jonathas amabiles, et decori in vita sua,
in morte quoque non sunt divisi :
aquilis velociores, leonibus fortiores.

**English**

This passage has not yet been translated.

[↗](https://missale.online/biblia/en/2rg/1#text-67cd7490abc0fa3b8079)

**Latin**

Filiæ Israël, super Saul flete,
qui vestiebat vos coccino in deliciis,
qui præbebat ornamenta aurea cultui vestro.

**English**

This passage has not yet been translated.

[↗](https://missale.online/biblia/en/2rg/1#text-3ac038d6962289bd3c26)

**Latin**

Quomodo ceciderunt fortes in prælio ?
Jonathas in excelsis tuis occisus est ?

**English**

This passage has not yet been translated.

[↗](https://missale.online/biblia/en/2rg/1#text-2b08b45b7a9fd92ff7f8)

**Latin**

Doleo super te, frater mi Jonatha,
decore nimis, et amabilis super amorem mulierum.
Sicut mater unicum amat filium suum,
ita ego te diligebam.

**English**

This passage has not yet been translated.

[↗](https://missale.online/biblia/en/2rg/1#text-1b9b77d3fcc49350a3f4)

**Latin**

Quomodo ceciderunt robusti,
et perierunt arma bellica ?

**English**

This passage has not yet been translated.