# 2 Samuel · 12 > https://missale.online/biblia/en/2rg/12 ## Verses [↗](https://missale.online/biblia/en/2rg/12#text-738a397ca42f89be3041) **Latin** Misit ergo Dominus Nathan ad David : qui cum venisset ad eum, dixit ei : Duo viri erant in civitate una, unus dives, et alter pauper. **English** This passage has not yet been translated. [↗](https://missale.online/biblia/en/2rg/12#text-a431dc21500084281aad) **Latin** Dives habebat oves et boves plurimos valde. **English** This passage has not yet been translated. [↗](https://missale.online/biblia/en/2rg/12#text-51d615e65f2b8ce7b8f8) **Latin** Pauper autem nihil habebat omnino, præter ovem unam parvulam quam emerat et nutrierat, et quæ creverat apud eum cum filiis ejus simul, de pane illius comedens, et de calice ejus bibens, et in sinu illius dormiens : eratque illi sicut filia. **English** This passage has not yet been translated. [↗](https://missale.online/biblia/en/2rg/12#text-5d4da59ebdbb384b8c9f) **Latin** Cum autem peregrinus quidam venisset ad divitem, parcens ille sumere de ovibus et de bobus suis, ut exhiberet convivium peregrino illi qui venerat ad se, tulit ovem viri pauperis, et præparavit cibos homini qui venerat ad se. **English** This passage has not yet been translated. [↗](https://missale.online/biblia/en/2rg/12#text-c9a99567837d7d8a5257) **Latin** Iratus autem indignatione David adversus hominem illum nimis, dixit ad Nathan : Vivit Dominus, quoniam filius mortis est vir qui fecit hoc. **English** This passage has not yet been translated. [↗](https://missale.online/biblia/en/2rg/12#text-db8941e9bfe92ba71d70) **Latin** Ovem reddet in quadruplum, eo quod fecerit verbum istud, et non pepercerit. **English** This passage has not yet been translated. [↗](https://missale.online/biblia/en/2rg/12#text-d18c4bffa042bddf03b6) **Latin** Dixit autem Nathan ad David : Tu es ille vir. Hæc dicit Dominus Deus Israël : Ego unxi te in regem super Israël, et ego erui te de manu Saul, **English** This passage has not yet been translated. [↗](https://missale.online/biblia/en/2rg/12#text-280b739fac2695c16a42) **Latin** et dedi tibi domum domini tui, et uxores domini tui in sinu tuo, dedique tibi domum Israël et Juda : et si parva sunt ista, adjiciam tibi multo majora. **English** This passage has not yet been translated. [↗](https://missale.online/biblia/en/2rg/12#text-3dd53cfa29a281509a99) **Latin** Quare ergo contempsisti verbum Domini, ut faceres malum in conspectu meo ? Uriam Hethæum percussisti gladio, et uxorem illius accepisti in uxorem tibi, et interfecisti eum gladio filiorum Ammon. **English** This passage has not yet been translated. [↗](https://missale.online/biblia/en/2rg/12#text-c297fce5deb3b72375f2) **Latin** Quam ob rem non recedet gladius de domo tua usque in sempiternum, eo quod despexeris me, et tuleris uxorem Uriæ Hethæi ut esset uxor tua. **English** This passage has not yet been translated. [↗](https://missale.online/biblia/en/2rg/12#text-44b28169590526f68717) **Latin** Itaque hæc dicit Dominus : Ecce ego suscitabo super te malum de domo tua, et tollam uxores tuas in oculis tuis, et dabo proximo tuo : et dormiet cum uxoribus tuis in oculis solis hujus. **English** This passage has not yet been translated. [↗](https://missale.online/biblia/en/2rg/12#text-40022955d80a097e447c) **Latin** Tu enim fecisti abscondite : ego autem faciam verbum istud in conspectu omnis Israël, et in conspectu solis. **English** This passage has not yet been translated. [↗](https://missale.online/biblia/en/2rg/12#text-9cddad593f73adeac016) **Latin** Et dixit David ad Nathan : Peccavi Domino. Dixitque Nathan ad David : Dominus quoque transtulit peccatum tuum : non morieris. **English** This passage has not yet been translated. [↗](https://missale.online/biblia/en/2rg/12#text-77f0bcf628a6b2c6b32a) **Latin** Verumtamen quoniam blasphemare fecisti inimicos Domini, propter verbum hoc, filius qui natus est tibi, morte morietur. **English** This passage has not yet been translated. [↗](https://missale.online/biblia/en/2rg/12#text-e93f4ea4f81375c9a221) **Latin** Et reversus est Nathan in domum suam. Percussit quoque Dominus parvulum quem pepererat uxor Uriæ David, et desperatus est. **English** This passage has not yet been translated. [↗](https://missale.online/biblia/en/2rg/12#text-ad0dbb7caa8136e57bff) **Latin** Deprecatusque est David Dominum pro parvulo : et jejunavit David jejunio, et ingressus seorsum, jacuit super terram. **English** This passage has not yet been translated. [↗](https://missale.online/biblia/en/2rg/12#text-a344e3eeceed7e93233c) **Latin** Venerunt autem seniores domus ejus, cogentes eum ut surgeret de terra : qui noluit, nec comedit cum eis cibum. **English** This passage has not yet been translated. [↗](https://missale.online/biblia/en/2rg/12#text-292f98d53276b7e92ddb) **Latin** Accidit autem die septima ut moreretur infans : timueruntque servi David nuntiare ei quod mortuus esset parvulus : dixerunt enim : Ecce cum parvulus adhuc viveret, loquebamur ad eum, et non audiebat vocem nostram : quanto magis si dixerimus : Mortuus est puer, se affliget ? **English** This passage has not yet been translated. [↗](https://missale.online/biblia/en/2rg/12#text-ea8c03b9efa00fc49552) **Latin** Cum ergo David vidisset servos suos mussitantes, intellexit quod mortuus esset infantulus : dixitque ad servos suos : Num mortuus est puer ? Qui responderunt ei : Mortuus est. **English** This passage has not yet been translated. [↗](https://missale.online/biblia/en/2rg/12#text-0b9188f9827bc9369014) **Latin** Surrexit ergo David de terra, et lotus unctusque est : cumque mutasset vestem, ingressus est domum Domini : et adoravit, et venit in domum suam, petivitque ut ponerent ei panem, et comedit. **English** This passage has not yet been translated. [↗](https://missale.online/biblia/en/2rg/12#text-4a377fb8b3ab2ddc2997) **Latin** Dixerunt autem ei servi sui : Quis est sermo quem fecisti ? propter infantem, cum adhuc viveret, jejunasti et flebas : mortuo autem puero, surrexisti, et comedisti panem. **English** This passage has not yet been translated. [↗](https://missale.online/biblia/en/2rg/12#text-558828010cd7e67a3b8c) **Latin** Qui ait : Propter infantem, dum adhuc viveret, jejunavi et flevi : dicebam enim : Quis scit si forte donet eum mihi Dominus, et vivat infans ? **English** This passage has not yet been translated. [↗](https://missale.online/biblia/en/2rg/12#text-ec73ab42682871a72627) **Latin** Nunc autem quia mortuus est, quare jejunem ? numquid potero revocare eum amplius ? ego vadam magis ad eum : ille vero non revertetur ad me. **English** This passage has not yet been translated. [↗](https://missale.online/biblia/en/2rg/12#text-67cd7490abc0fa3b8079) **Latin** Et consolatus est David Bethsabee uxorem suam, ingressusque ad eam dormivit cum ea : quæ genuit filium, et vocavit nomen ejus Salomon : et Dominus dilexit eum. **English** This passage has not yet been translated. [↗](https://missale.online/biblia/en/2rg/12#text-3ac038d6962289bd3c26) **Latin** Misitque in manu Nathan prophetæ, et vocavit nomen ejus, Amabilis Domino, eo quod diligeret eum Dominus. **English** This passage has not yet been translated. [↗](https://missale.online/biblia/en/2rg/12#text-2b08b45b7a9fd92ff7f8) **Latin** Igitur pugnabat Joab contra Rabbath filiorum Ammon, et expugnabat urbem regiam. **English** This passage has not yet been translated. [↗](https://missale.online/biblia/en/2rg/12#text-1b9b77d3fcc49350a3f4) **Latin** Misitque Joab nuntios ad David, dicens : Dimicavi adversum Rabbath, et capienda est Urbs aquarum. **English** This passage has not yet been translated. [↗](https://missale.online/biblia/en/2rg/12#text-21478efda9e3bd77c058) **Latin** Nunc igitur congrega reliquam partem populi, et obside civitatem, et cape eam : ne cum a me vastata fuerit urbs, nomini meo ascribatur victoria. **English** This passage has not yet been translated. [↗](https://missale.online/biblia/en/2rg/12#text-66af0bf07849f0763ec9) **Latin** Congregavit itaque David omnem populum, et profectus est adversum Rabbath : cumque dimicasset, cepit eam. **English** This passage has not yet been translated. [↗](https://missale.online/biblia/en/2rg/12#text-8ce0bbceaab8ff918d3a) **Latin** Et tulit diadema regis eorum de capite ejus, pondo auri talentum, habens gemmas pretiosissimas : et impositum est super caput David. Sed et prædam civitatis asportavit multam valde : **English** This passage has not yet been translated. [↗](https://missale.online/biblia/en/2rg/12#text-ccc106774904a733b00e) **Latin** populum quoque ejus adducens serravit, et circumegit super eos ferrata carpenta : divisitque cultris, et traduxit in typo laterum : sic fecit universis civitatibus filiorum Ammon. Et reversus est David et omnis exercitus in Jerusalem. **English** This passage has not yet been translated.