# 2 Samuel · 14

> https://missale.online/biblia/en/2rg/14

## Verses

[↗](https://missale.online/biblia/en/2rg/14#text-738a397ca42f89be3041)

**Latin**

Intelligens autem Joab filius Sarviæ quod cor regis versum esset ad Absalom,

**English**

This passage has not yet been translated.

[↗](https://missale.online/biblia/en/2rg/14#text-a431dc21500084281aad)

**Latin**

misit Thecuam, et tulit inde mulierem sapientem : dixitque ad eam : Lugere te simula, et induere veste lugubri, et ne ungaris oleo, ut sis quasi mulier jam plurimo tempore lugens mortuum :

**English**

This passage has not yet been translated.

[↗](https://missale.online/biblia/en/2rg/14#text-51d615e65f2b8ce7b8f8)

**Latin**

et ingredieris ad regem, et loqueris ad eum sermones hujuscemodi. Posuit autem Joab verba in ore ejus.

**English**

This passage has not yet been translated.

[↗](https://missale.online/biblia/en/2rg/14#text-5d4da59ebdbb384b8c9f)

**Latin**

Itaque cum ingressa fuisset mulier Thecuitis ad regem, cecidit coram eo super terram, et adoravit, et dixit : Serva me, rex.

**English**

This passage has not yet been translated.

[↗](https://missale.online/biblia/en/2rg/14#text-c9a99567837d7d8a5257)

**Latin**

Et ait ad eam rex : Quid causæ habes ? Quæ respondit : Heu, mulier vidua ego sum : mortuus est enim vir meus.

**English**

This passage has not yet been translated.

[↗](https://missale.online/biblia/en/2rg/14#text-db8941e9bfe92ba71d70)

**Latin**

Et ancillæ tuæ erant duo filii : qui rixati sunt adversum se in agro, nullusque erat qui eos prohibere posset : et percussit alter alterum, et interfecit eum.

**English**

This passage has not yet been translated.

[↗](https://missale.online/biblia/en/2rg/14#text-d18c4bffa042bddf03b6)

**Latin**

Et ecce consurgens universa cognatio adversum ancillam tuam, dicit : Trade eum qui percussit fratrem suum, ut occidamus eum pro anima fratris sui quem interfecit, et deleamus hæredem : et quærunt extinguere scintillam meam quæ relicta est, ut non supersit viro meo nomen, et reliquiæ super terram.

**English**

This passage has not yet been translated.

[↗](https://missale.online/biblia/en/2rg/14#text-280b739fac2695c16a42)

**Latin**

Et ait rex ad mulierem : Vade in domum tuam, et ego jubebo pro te.

**English**

This passage has not yet been translated.

[↗](https://missale.online/biblia/en/2rg/14#text-3dd53cfa29a281509a99)

**Latin**

Dixitque mulier Thecuitis ad regem : In me, domine mi rex, sit iniquitas, et in domum patris mei : rex autem et thronus ejus sit innocens.

**English**

This passage has not yet been translated.

[↗](https://missale.online/biblia/en/2rg/14#text-c297fce5deb3b72375f2)

**Latin**

Et ait rex : Qui contradixerit tibi, adduc eum ad me, et ultra non addet ut tangat te.

**English**

This passage has not yet been translated.

[↗](https://missale.online/biblia/en/2rg/14#text-44b28169590526f68717)

**Latin**

Quæ ait : Recordetur rex Domini Dei sui, ut non multiplicentur proximi sanguinis ad ulciscendum, et nequaquam interficiant filium meum. Qui ait : Vivit Dominus, quia non cadet de capillis filii tui super terram.

**English**

This passage has not yet been translated.

[↗](https://missale.online/biblia/en/2rg/14#text-40022955d80a097e447c)

**Latin**

Dixit ergo mulier : Loquatur ancilla tua ad dominum meum regem verbum. Et ait : Loquere.

**English**

This passage has not yet been translated.

[↗](https://missale.online/biblia/en/2rg/14#text-9cddad593f73adeac016)

**Latin**

Dixitque mulier : Quare cogitasti hujuscemodi rem contra populum Dei, et locutus est rex verbum istud, ut peccet, et non reducat ejectum suum ?

**English**

This passage has not yet been translated.

[↗](https://missale.online/biblia/en/2rg/14#text-77f0bcf628a6b2c6b32a)

**Latin**

Omnes morimur, et quasi aquæ dilabimur in terram, quæ non revertuntur : nec vult Deus perire animam, sed retractat cogitans ne penitus pereat qui abjectus est.

**English**

This passage has not yet been translated.

[↗](https://missale.online/biblia/en/2rg/14#text-e93f4ea4f81375c9a221)

**Latin**

Nunc igitur veni, ut loquar ad dominum meum regem verbum hoc, præsente populo. Et dixit ancilla tua : Loquar ad regem, si quomodo faciat rex verbum ancillæ suæ.

**English**

This passage has not yet been translated.

[↗](https://missale.online/biblia/en/2rg/14#text-ad0dbb7caa8136e57bff)

**Latin**

Et audivit rex, ut liberaret ancillam suam de manu omnium qui volebant de hæreditate Dei delere me, et filium meum simul.

**English**

This passage has not yet been translated.

[↗](https://missale.online/biblia/en/2rg/14#text-a344e3eeceed7e93233c)

**Latin**

Dicat ergo ancilla tua, ut fiat verbum domini mei regis sicut sacrificium. Sicut enim angelus Dei, sic est dominus meus rex, ut nec benedictione, nec maledictione moveatur : unde et Dominus Deus tuus est tecum.

**English**

This passage has not yet been translated.

[↗](https://missale.online/biblia/en/2rg/14#text-292f98d53276b7e92ddb)

**Latin**

Et respondens rex, dixit ad mulierem : Ne abscondas a me verbum quod te interrogo. Dixitque ei mulier : Loquere, domine mi rex.

**English**

This passage has not yet been translated.

[↗](https://missale.online/biblia/en/2rg/14#text-ea8c03b9efa00fc49552)

**Latin**

Et ait rex : Numquid manus Joab tecum est in omnibus istis ? Respondit mulier, et ait : Per salutem animæ tuæ, domine mi rex, nec ad sinistram, nec ad dexteram est ex omnibus his quæ locutus est dominus meus rex : servus enim tuus Joab, ipse præcepit mihi, et ipse posuit in os ancillæ tuæ omnia verba hæc.

**English**

This passage has not yet been translated.

[↗](https://missale.online/biblia/en/2rg/14#text-0b9188f9827bc9369014)

**Latin**

Ut verterem figuram sermonis hujus, servus tuus Joab præcepit istud : tu autem, domine mi rex, sapiens es, sicut habet sapientiam angelus Dei, ut intelligas omnia super terram.

**English**

This passage has not yet been translated.

[↗](https://missale.online/biblia/en/2rg/14#text-4a377fb8b3ab2ddc2997)

**Latin**

Et ait rex ad Joab : Ecce placatus feci verbum tuum : vade ergo, et revoca puerum Absalom.

**English**

This passage has not yet been translated.

[↗](https://missale.online/biblia/en/2rg/14#text-558828010cd7e67a3b8c)

**Latin**

Cadensque Joab super faciem suam in terram, adoravit, et benedixit regi : et dixit Joab : Hodie intellexit servus tuus quia inveni gratiam in oculis tuis, domine mi rex : fecisti enim sermonem servi tui.

**English**

This passage has not yet been translated.

[↗](https://missale.online/biblia/en/2rg/14#text-ec73ab42682871a72627)

**Latin**

Surrexit ergo Joab et abiit in Gessur, et adduxit Absalom in Jerusalem.

**English**

This passage has not yet been translated.

[↗](https://missale.online/biblia/en/2rg/14#text-67cd7490abc0fa3b8079)

**Latin**

Dixit autem rex : Revertatur in domum suam, et faciem meam non videat. Reversus est itaque Absalom in domum suam, et faciem regis non vidit.

**English**

This passage has not yet been translated.

[↗](https://missale.online/biblia/en/2rg/14#text-3ac038d6962289bd3c26)

**Latin**

Porro sicut Absalom, vir non erat pulcher in omni Israël, et decorus nimis : a vestigio pedis usque ad verticem non erat in eo ulla macula.

**English**

This passage has not yet been translated.

[↗](https://missale.online/biblia/en/2rg/14#text-2b08b45b7a9fd92ff7f8)

**Latin**

Et quando tondebat capillum (semel autem in anno tondebatur, quia gravabat eum cæsaries), ponderabat capillos capitis sui ducentis siclis, pondere publico.

**English**

This passage has not yet been translated.

[↗](https://missale.online/biblia/en/2rg/14#text-1b9b77d3fcc49350a3f4)

**Latin**

Nati sunt autem Absalom filii tres, et filia una nomine Thamar, elegantis formæ.

**English**

This passage has not yet been translated.

[↗](https://missale.online/biblia/en/2rg/14#text-21478efda9e3bd77c058)

**Latin**

Mansitque Absalom in Jerusalem duobus annis, et faciem regis non vidit.

**English**

This passage has not yet been translated.

[↗](https://missale.online/biblia/en/2rg/14#text-66af0bf07849f0763ec9)

**Latin**

Misit itaque ad Joab, ut mitteret eum ad regem : qui noluit venire ad eum. Cumque secundo misisset, et ille noluisset venire ad eum,

**English**

This passage has not yet been translated.

[↗](https://missale.online/biblia/en/2rg/14#text-8ce0bbceaab8ff918d3a)

**Latin**

dixit servis suis : Scitis agrum Joab juxta agrum meum, habentem messem hordei : ite igitur, et succendite eum igni. Succenderunt ergo servi Absalom segetem igni. Et venientes servi Joab, scissis vestibus suis, dixerunt : Succenderunt servi Absalom partem agri igni.

**English**

This passage has not yet been translated.

[↗](https://missale.online/biblia/en/2rg/14#text-ccc106774904a733b00e)

**Latin**

Surrexitque Joab, et venit ad Absalom in domum ejus, et dixit : Quare succenderunt servi tui segetem meam igni ?

**English**

This passage has not yet been translated.

[↗](https://missale.online/biblia/en/2rg/14#text-3885b8fb3f9b0c24fd89)

**Latin**

Et respondit Absalom ad Joab : Misi ad te obsecrans ut venires ad me, et mitterem te ad regem, et diceres ei : Quare veni de Gessur ? melius mihi erat ibi esse : obsecro ergo ut videam faciem regis : quod si memor est iniquitatis meæ, interficiat me.

**English**

This passage has not yet been translated.

[↗](https://missale.online/biblia/en/2rg/14#text-578310eff006266469cc)

**Latin**

Ingressus itaque Joab ad regem, nuntiavit ei omnia : vocatusque est Absalom, et intravit ad regem, et adoravit super faciem terræ coram eo : osculatusque est rex Absalom.

**English**

This passage has not yet been translated.