# 2 Samuel · 20 > https://missale.online/biblia/en/2rg/20 ## Verses [↗](https://missale.online/biblia/en/2rg/20#text-738a397ca42f89be3041) **Latin** Accidit quoque ut ibi esset vir Belial, nomine Seba, filius Bochri, vir Jemineus : et cecinit buccina, et ait : Non est nobis pars in David, neque hæreditas in filio Isai : revertere in tabernacula tua, Israël. **English** This passage has not yet been translated. [↗](https://missale.online/biblia/en/2rg/20#text-a431dc21500084281aad) **Latin** Et separatus est omnis Israël a David, secutusque est Seba filium Bochri : viri autem Juda adhæserunt regi suo a Jordane usque Jerusalem. **English** This passage has not yet been translated. [↗](https://missale.online/biblia/en/2rg/20#text-51d615e65f2b8ce7b8f8) **Latin** Cumque venisset rex in domum suam in Jerusalem, tulit decem mulieres concubinas quas dereliquerat ad custodiendam domum, et tradidit eas in custodiam, alimenta eis præbens : et non est ingressus ad eas, sed erant clausæ usque in diem mortis suæ in viduitate viventes. **English** This passage has not yet been translated. [↗](https://missale.online/biblia/en/2rg/20#text-5d4da59ebdbb384b8c9f) **Latin** Dixit autem rex Amasæ : Convoca mihi omnes viros Juda in diem tertium, et tu adesto præsens. **English** This passage has not yet been translated. [↗](https://missale.online/biblia/en/2rg/20#text-c9a99567837d7d8a5257) **Latin** Abiit ergo Amasa ut convocaret Judam, et moratus est extra placitum quod ei constituerat rex. **English** This passage has not yet been translated. [↗](https://missale.online/biblia/en/2rg/20#text-db8941e9bfe92ba71d70) **Latin** Ait autem David ad Abisai : Nunc magis afflicturus est nos Seba filius Bochri quam Absalom : tolle igitur servos domini tui, et persequere eum, ne forte inveniat civitates munitas, et effugiat nos. **English** This passage has not yet been translated. [↗](https://missale.online/biblia/en/2rg/20#text-d18c4bffa042bddf03b6) **Latin** Egressi sunt ergo cum eo viri Joab, Cerethi quoque et Phelethi : et omnes robusti exierunt de Jerusalem ad persequendum Seba filium Bochri. **English** This passage has not yet been translated. [↗](https://missale.online/biblia/en/2rg/20#text-280b739fac2695c16a42) **Latin** Cumque illi essent juxta lapidem grandem qui est in Gabaon, Amasa veniens occurrit eis. Porro Joab vestitus erat tunica stricta ad mensuram habitus sui, et desuper accinctus gladio dependente usque ad ilia, in vagina, qui fabricatus levi motu egredi poterat, et percutere. **English** This passage has not yet been translated. [↗](https://missale.online/biblia/en/2rg/20#text-3dd53cfa29a281509a99) **Latin** Dixit itaque Joab ad Amasam : Salve mi frater. Et tenuit manu dextera mentum Amasæ, quasi osculans eum. **English** This passage has not yet been translated. [↗](https://missale.online/biblia/en/2rg/20#text-c297fce5deb3b72375f2) **Latin** Porro Amasa non observavit gladium quem habebat Joab : qui percussit eum in latere, et effudit intestina ejus in terram, nec secundum vulnus apposuit : et mortuus est. Joab autem, et Abisai frater ejus, persecuti sunt Seba filium Bochri. **English** This passage has not yet been translated. [↗](https://missale.online/biblia/en/2rg/20#text-44b28169590526f68717) **Latin** Interea quidam viri, cum stetissent juxta cadaver Amasæ, de sociis Joab, dixerunt : Ecce qui esse voluit pro Joab comes David. **English** This passage has not yet been translated. [↗](https://missale.online/biblia/en/2rg/20#text-40022955d80a097e447c) **Latin** Amasa autem conspersus sanguine jacebat in media via. Vidit hoc quidam vir, quod subsisteret omnis populus ad videndum eum, et amovit Amasam de via in agrum, operuitque eum vestimento, ne subsisterent transeuntes propter eum. **English** This passage has not yet been translated. [↗](https://missale.online/biblia/en/2rg/20#text-9cddad593f73adeac016) **Latin** Amoto ergo illo de via, transibat omnis vir sequens Joab ad persequendum Seba filium Bochri. **English** This passage has not yet been translated. [↗](https://missale.online/biblia/en/2rg/20#text-77f0bcf628a6b2c6b32a) **Latin** Porro ille transierat per omnes tribus Israël in Abelam et Bethmaacha : omnesque viri electi congregati fuerant ad eum. **English** This passage has not yet been translated. [↗](https://missale.online/biblia/en/2rg/20#text-e93f4ea4f81375c9a221) **Latin** Venerunt itaque, et oppugnabant eum in Abela et in Bethmaacha, et circumdederunt munitionibus civitatem, et obsessa est urbs : omnis autem turba quæ erat cum Joab, moliebatur destruere muros. **English** This passage has not yet been translated. [↗](https://missale.online/biblia/en/2rg/20#text-ad0dbb7caa8136e57bff) **Latin** Et exclamavit mulier sapiens de civitate : Audite, audite : dicite Joab : Appropinqua huc, et loquar tecum. **English** This passage has not yet been translated. [↗](https://missale.online/biblia/en/2rg/20#text-a344e3eeceed7e93233c) **Latin** Qui cum accessisset ad eam, ait illi : Tu es Joab ? Et ille respondit : Ego. Ad quem sic locuta est : Audi sermones ancillæ tuæ. Qui respondit : Audio. **English** This passage has not yet been translated. [↗](https://missale.online/biblia/en/2rg/20#text-292f98d53276b7e92ddb) **Latin** Rursumque illa : Sermo, inquit, dicebatur in veteri proverbio : Qui interrogant, interrogent in Abela : et sic perficiebant. **English** This passage has not yet been translated. [↗](https://missale.online/biblia/en/2rg/20#text-ea8c03b9efa00fc49552) **Latin** Nonne ego sum quæ respondeo veritatem in Israël, et tu quæris subvertere civitatem et evertere matrem in Israël ? quare præcipitas hæreditatem Domini ? **English** This passage has not yet been translated. [↗](https://missale.online/biblia/en/2rg/20#text-0b9188f9827bc9369014) **Latin** Respondensque Joab, ait : Absit, absit hoc a me : non præcipito, neque demolior. **English** This passage has not yet been translated. [↗](https://missale.online/biblia/en/2rg/20#text-4a377fb8b3ab2ddc2997) **Latin** Non sic se habet res, sed homo de monte Ephraim, Seba filius Bochri cognomine, levavit manum suam contra regem David : tradite illum solum, et recedemus a civitate. Et ait mulier ad Joab : Ecce caput ejus mittetur ad te per murum. **English** This passage has not yet been translated. [↗](https://missale.online/biblia/en/2rg/20#text-558828010cd7e67a3b8c) **Latin** Ingressa est ergo ad omnem populum, et locuta est eis sapienter : qui abscissum caput Seba filii Bochri projecerunt ad Joab. Et ille cecinit tuba, et recesserunt ab urbe, unusquisque in tabernacula sua : Joab autem reversus est Jerusalem ad regem. **English** This passage has not yet been translated. [↗](https://missale.online/biblia/en/2rg/20#text-ec73ab42682871a72627) **Latin** Fuit ergo Joab super omnem exercitum Israël : Banaias autem filius Jojadæ super Cerethæos et Phelethæos : **English** This passage has not yet been translated. [↗](https://missale.online/biblia/en/2rg/20#text-67cd7490abc0fa3b8079) **Latin** Aduram vero super tributa : porro Josaphat filius Ahilud, a commentariis : **English** This passage has not yet been translated. [↗](https://missale.online/biblia/en/2rg/20#text-3ac038d6962289bd3c26) **Latin** Siva autem, scriba : Sadoc vero et Abiathar, sacerdotes. **English** This passage has not yet been translated. [↗](https://missale.online/biblia/en/2rg/20#text-2b08b45b7a9fd92ff7f8) **Latin** Ira autem Jairites erat sacerdos David. **English** This passage has not yet been translated.