# 2 Samuel · 24 > https://missale.online/biblia/en/2rg/24 ## Verses [↗](https://missale.online/biblia/en/2rg/24#text-738a397ca42f89be3041) **Latin** Et addidit furor Domini irasci contra Israël, commovitque David in eis dicentem : Vade, numera Israël et Judam. **English** This passage has not yet been translated. [↗](https://missale.online/biblia/en/2rg/24#text-a431dc21500084281aad) **Latin** Dixitque rex ad Joab principem exercitus sui : Perambula omnes tribus Israël a Dan usque Bersabee, et numerate populum, ut sciam numerum ejus. **English** This passage has not yet been translated. [↗](https://missale.online/biblia/en/2rg/24#text-51d615e65f2b8ce7b8f8) **Latin** Dixitque Joab regi : Adaugeat Dominus Deus tuus ad populum tuum, quantus nunc est, iterumque centuplicet in conspectu domini mei regis : sed quid sibi dominus meus rex vult in re hujuscemodi ? **English** This passage has not yet been translated. [↗](https://missale.online/biblia/en/2rg/24#text-5d4da59ebdbb384b8c9f) **Latin** Obtinuit autem sermo regis verba Joab et principum exercitus : egressusque est Joab et princeps militum a facie regis, ut numerarent populum Israël. **English** This passage has not yet been translated. [↗](https://missale.online/biblia/en/2rg/24#text-c9a99567837d7d8a5257) **Latin** Cumque pertransissent Jordanem, venerunt in Aroër ad dexteram urbis, quæ est in valle Gad : **English** This passage has not yet been translated. [↗](https://missale.online/biblia/en/2rg/24#text-db8941e9bfe92ba71d70) **Latin** et per Jazer transierunt in Galaad, et in terram inferiorem Hodsi, et venerunt in Dan silvestria. Circumeuntesque juxta Sidonem, **English** This passage has not yet been translated. [↗](https://missale.online/biblia/en/2rg/24#text-d18c4bffa042bddf03b6) **Latin** transierunt prope mœnia Tyri, et omnem terram Hevæi et Chananæi, veneruntque ad meridiem Juda in Bersabee : **English** This passage has not yet been translated. [↗](https://missale.online/biblia/en/2rg/24#text-280b739fac2695c16a42) **Latin** et lustrata universa terra, affuerunt post novem menses et viginti dies in Jerusalem. **English** This passage has not yet been translated. [↗](https://missale.online/biblia/en/2rg/24#text-3dd53cfa29a281509a99) **Latin** Dedit ergo Joab numerum descriptionis populi regi, et inventa sunt de Israël octingenta millia virorum fortium qui educerent gladium, et de Juda quingenta millia pugnatorum. **English** This passage has not yet been translated. [↗](https://missale.online/biblia/en/2rg/24#text-c297fce5deb3b72375f2) **Latin** Percussit autem cor David eum, postquam numeratus est populus : et dixit David ad Dominum : Peccavi valde in hoc facto : sed precor, Domine, ut transferas iniquitatem servi tui, quia stulte egi nimis. **English** This passage has not yet been translated. [↗](https://missale.online/biblia/en/2rg/24#text-44b28169590526f68717) **Latin** Surrexit itaque David mane, et sermo Domini factus est ad Gad prophetam et videntem David, dicens : **English** This passage has not yet been translated. [↗](https://missale.online/biblia/en/2rg/24#text-40022955d80a097e447c) **Latin** Vade, et loquere ad David : Hæc dicit Dominus : Trium tibi datur optio : elige unum quod volueris ex his, ut faciam tibi. **English** This passage has not yet been translated. [↗](https://missale.online/biblia/en/2rg/24#text-9cddad593f73adeac016) **Latin** Cumque venisset Gad ad David, nuntiavit ei, dicens : Aut septem annis veniet tibi fames in terra tua : aut tribus mensibus fugies adversarios tuos, et ille te persequentur : aut certe tribus diebus erit pestilentia in terra tua. Nunc ergo delibera, et vide quem respondeam ei qui me misit sermonem. **English** This passage has not yet been translated. [↗](https://missale.online/biblia/en/2rg/24#text-77f0bcf628a6b2c6b32a) **Latin** Dixit autem David ad Gad : Coarctor nimis : sed melius est ut incidam in manus Domini (multæ enim misericordiæ ejus sunt) quam in manus hominum. **English** This passage has not yet been translated. [↗](https://missale.online/biblia/en/2rg/24#text-e93f4ea4f81375c9a221) **Latin** Immisitque Dominus pestilentiam in Israël, de mane usque ad tempus constitutum, et mortui sunt ex populo a Dan usque ad Bersabee septuaginta millia virorum. **English** This passage has not yet been translated. [↗](https://missale.online/biblia/en/2rg/24#text-ad0dbb7caa8136e57bff) **Latin** Cumque extendisset manum suam angelus Domini super Jerusalem ut disperderet eam, misertus est Dominus super afflictione, et ait angelo percutienti populum : Sufficit : nunc contine manum tuam. Erat autem angelus Domini juxta aream Areuna Jebusæi. **English** This passage has not yet been translated. [↗](https://missale.online/biblia/en/2rg/24#text-a344e3eeceed7e93233c) **Latin** Dixitque David ad Dominum cum vidisset angelum cædentem populum : Ego sum qui peccavi, ego inique egi : isti qui oves sunt, quid fecerunt ? vertatur, obsecro, manus tua contra me, et contra domum patris mei. **English** This passage has not yet been translated. [↗](https://missale.online/biblia/en/2rg/24#text-292f98d53276b7e92ddb) **Latin** Venit autem Gad ad David in die illa, et dixit ei : Ascende, et constitue altare Domino in area Areuna Jebusæi. **English** This passage has not yet been translated. [↗](https://missale.online/biblia/en/2rg/24#text-ea8c03b9efa00fc49552) **Latin** Et ascendit David juxta sermonem Gad, quem præceperat ei Dominus. **English** This passage has not yet been translated. [↗](https://missale.online/biblia/en/2rg/24#text-0b9188f9827bc9369014) **Latin** Conspiciensque Areuna, animadvertit regem et servos ejus transire ad se : **English** This passage has not yet been translated. [↗](https://missale.online/biblia/en/2rg/24#text-4a377fb8b3ab2ddc2997) **Latin** et egressus adoravit regem prono vultu in terram, et ait : Quid causæ est ut veniat dominus meus rex ad servum suum ? Cui David ait : Ut emam a te aream, et ædificem altare Domino, et cesset interfectio quæ grassatur in populo. **English** This passage has not yet been translated. [↗](https://missale.online/biblia/en/2rg/24#text-558828010cd7e67a3b8c) **Latin** Et ait Areuna ad David : Accipiat, et offerat dominus meus rex sicut placet ei : habes boves in holocaustum, et plaustrum, et juga boum in usum lignorum. **English** This passage has not yet been translated. [↗](https://missale.online/biblia/en/2rg/24#text-ec73ab42682871a72627) **Latin** Omnia dedit Areuna rex regi : dixitque Areuna ad regem : Dominus Deus tuus suscipiat votum tuum. **English** This passage has not yet been translated. [↗](https://missale.online/biblia/en/2rg/24#text-67cd7490abc0fa3b8079) **Latin** Cui respondens rex, ait : Nequaquam ut vis, sed emam pretio a te, et non offeram Domino Deo meo holocausta gratuita. Emit ergo David aream, et boves, argenti siclis quinquaginta : **English** This passage has not yet been translated. [↗](https://missale.online/biblia/en/2rg/24#text-3ac038d6962289bd3c26) **Latin** et ædificavit ibi David altare Domino, et obtulit holocausta et pacifica : et propitiatus est Dominus terræ, et cohibita est plaga ab Israël. **English** This passage has not yet been translated.