# 2 Samuel · 4

> https://missale.online/biblia/en/2rg/4

## Verses

[↗](https://missale.online/biblia/en/2rg/4#text-738a397ca42f89be3041)

**Latin**

Audivit autem Isboseth filius Saul quod cecidisset Abner in Hebron : et dissolutæ sunt manus ejus, omnisque Israël perturbatus est.

**English**

This passage has not yet been translated.

[↗](https://missale.online/biblia/en/2rg/4#text-a431dc21500084281aad)

**Latin**

Duo autem viri principes latronum erant filio Saul, nomen uni Baana, et nomen alteri Rechab, filii Remmon Berothitæ de filiis Benjamin : siquidem et Beroth reputata est in Benjamin.

**English**

This passage has not yet been translated.

[↗](https://missale.online/biblia/en/2rg/4#text-51d615e65f2b8ce7b8f8)

**Latin**

Et fugerunt Berothitæ in Gethaim, fueruntque ibi advenæ usque ad tempus illud.

**English**

This passage has not yet been translated.

[↗](https://missale.online/biblia/en/2rg/4#text-5d4da59ebdbb384b8c9f)

**Latin**

Erat autem Jonathæ filio Saul filius debilis pedibus : quinquennis enim fuit, quando venit nuntius de Saul et Jonatha ex Jezrahel. Tollens itaque eum nutrix sua, fugit : cumque festinaret ut fugeret, cecidit, et claudus effectus est : habuitque vocabulum Miphiboseth.

**English**

This passage has not yet been translated.

[↗](https://missale.online/biblia/en/2rg/4#text-c9a99567837d7d8a5257)

**Latin**

Venientes igitur filii Remmon Berothitæ, Rechab et Baana, ingressi sunt fervente die domum Isboseth : qui dormiebat super stratum suum meridie. Et ostiaria domus purgans triticum, obdormivit.

**English**

This passage has not yet been translated.

[↗](https://missale.online/biblia/en/2rg/4#text-db8941e9bfe92ba71d70)

**Latin**

Ingressi sunt autem domum latenter assumentes spicas tritici, et percusserunt eum in inguine Rechab, et Baana frater ejus, et fugerunt.

**English**

This passage has not yet been translated.

[↗](https://missale.online/biblia/en/2rg/4#text-d18c4bffa042bddf03b6)

**Latin**

Cum autem ingressi fuissent domum, ille dormiebat super lectum suum in conclavi, et percutientes interfecerunt eum : sublatoque capite ejus, abierunt per viam deserti tota nocte,

**English**

This passage has not yet been translated.

[↗](https://missale.online/biblia/en/2rg/4#text-280b739fac2695c16a42)

**Latin**

et attulerunt caput Isboseth ad David in Hebron : dixeruntque ad regem : Ecce caput Isboseth filii Saul inimici tui, qui quærebat animam tuam : et dedit Dominus domino meo regi ultionem hodie de Saul, et de semine ejus.

**English**

This passage has not yet been translated.

[↗](https://missale.online/biblia/en/2rg/4#text-3dd53cfa29a281509a99)

**Latin**

Respondens autem David Rechab, et Baana fratri ejus, filiis Remmon Berothitæ, dixit ad eos : Vivit Dominus, qui eruit animam meam de omni angustia,

**English**

This passage has not yet been translated.

[↗](https://missale.online/biblia/en/2rg/4#text-c297fce5deb3b72375f2)

**Latin**

quoniam eum qui annuntiaverat mihi, et dixerat : Mortuus est Saul : qui putabat se prospera nuntiare, tenui, et occidi eum in Siceleg, cui oportebat mercedem dare pro nuntio.

**English**

This passage has not yet been translated.

[↗](https://missale.online/biblia/en/2rg/4#text-44b28169590526f68717)

**Latin**

Quanto magis nunc cum homines impii interfecerunt virum innoxium in domo sua, super lectum suum, non quæram sanguinem ejus de manu vestra, et auferam vos de terra ?

**English**

This passage has not yet been translated.

[↗](https://missale.online/biblia/en/2rg/4#text-40022955d80a097e447c)

**Latin**

Præcepit itaque David pueris suis, et interfecerunt eos : præcidentesque manus et pedes eorum, suspenderunt eos super piscinam in Hebron : caput autem Isboseth tulerunt, et sepelierunt in sepulchro Abner in Hebron.

**English**

This passage has not yet been translated.