# 2 Samuel · 6

> https://missale.online/biblia/en/2rg/6

## Verses

[↗](https://missale.online/biblia/en/2rg/6#text-738a397ca42f89be3041)

**Latin**

Congregavit autem rursum David omnes electos ex Israël, triginta millia.

**English**

This passage has not yet been translated.

[↗](https://missale.online/biblia/en/2rg/6#text-a431dc21500084281aad)

**Latin**

Surrexitque David, et abiit, et universus populus qui erat cum eo de viris Juda, ut adducerent arcam Dei, super quam invocatum est nomen Domini exercituum, sedentis in cherubim super eam.

**English**

This passage has not yet been translated.

[↗](https://missale.online/biblia/en/2rg/6#text-51d615e65f2b8ce7b8f8)

**Latin**

Et imposuerunt arcam Dei super plaustrum novum : tuleruntque eam de domo Abinadab, qui erat in Gabaa : Oza autem et Ahio, filii Abinadab, minabant plaustrum novum.

**English**

This passage has not yet been translated.

[↗](https://missale.online/biblia/en/2rg/6#text-5d4da59ebdbb384b8c9f)

**Latin**

Cumque tulissent eam de domo Abinadab, qui erat in Gabaa, custodiens arcam Dei Ahio præcedebat arcam.

**English**

This passage has not yet been translated.

[↗](https://missale.online/biblia/en/2rg/6#text-c9a99567837d7d8a5257)

**Latin**

David autem et omnis Israël ludebant coram Domino in omnibus lignis fabrefactis, et citharis et lyris et tympanis et sistris et cymbalis.

**English**

This passage has not yet been translated.

[↗](https://missale.online/biblia/en/2rg/6#text-db8941e9bfe92ba71d70)

**Latin**

Postquam autem venerunt ad aream Nachon, extendit Oza manum ad arcam Dei, et tenuit eam : quoniam calcitrabant boves, et declinaverunt eam.

**English**

This passage has not yet been translated.

[↗](https://missale.online/biblia/en/2rg/6#text-d18c4bffa042bddf03b6)

**Latin**

Iratusque est indignatione Dominus contra Ozam, et percussit eum super temeritate : qui mortuus est ibi juxta arcam Dei.

**English**

This passage has not yet been translated.

[↗](https://missale.online/biblia/en/2rg/6#text-280b739fac2695c16a42)

**Latin**

Contristatus est autem David, eo quod percussisset Dominus Ozam, et vocatum est nomen loci illius : Percussio Ozæ, usque in diem hanc.

**English**

This passage has not yet been translated.

[↗](https://missale.online/biblia/en/2rg/6#text-3dd53cfa29a281509a99)

**Latin**

Et extimuit David Dominum in die illa, dicens : Quomodo ingredietur ad me arca Domini ?

**English**

This passage has not yet been translated.

[↗](https://missale.online/biblia/en/2rg/6#text-c297fce5deb3b72375f2)

**Latin**

Et noluit divertere ad se arcam Domini in civitatem David : sed divertit eam in domum Obededom Gethæi.

**English**

This passage has not yet been translated.

[↗](https://missale.online/biblia/en/2rg/6#text-44b28169590526f68717)

**Latin**

Et habitavit arca Domini in domo Obededom Gethæi tribus mensibus : et benedixit Dominus Obededom, et omnem domum ejus.

**English**

This passage has not yet been translated.

[↗](https://missale.online/biblia/en/2rg/6#text-40022955d80a097e447c)

**Latin**

Nuntiatumque est regi David quod benedixisset Dominus Obededom, et omnia ejus, propter arcam Dei. Abiit ergo David, et adduxit arcam Dei de domo Obededom in civitatem David cum gaudio : et erant cum David septem chori, et victima vituli.

**English**

This passage has not yet been translated.

[↗](https://missale.online/biblia/en/2rg/6#text-9cddad593f73adeac016)

**Latin**

Cumque transcendissent qui portabant arcam Domini sex passus, immolabat bovem et arietem,

**English**

This passage has not yet been translated.

[↗](https://missale.online/biblia/en/2rg/6#text-77f0bcf628a6b2c6b32a)

**Latin**

et David saltabat totis viribus ante Dominum : porro David erat accinctus ephod lineo.

**English**

This passage has not yet been translated.

[↗](https://missale.online/biblia/en/2rg/6#text-e93f4ea4f81375c9a221)

**Latin**

Et David et omnis domus Israël ducebant arcam testamenti Domini in jubilo, et in clangore buccinæ.

**English**

This passage has not yet been translated.

[↗](https://missale.online/biblia/en/2rg/6#text-ad0dbb7caa8136e57bff)

**Latin**

Cumque intrasset arca Domini in civitatem David, Michol filia Saul, prospiciens per fenestram, vidit regem David subsilientem atque saltantem coram Domino : et despexit eum in corde suo.

**English**

This passage has not yet been translated.

[↗](https://missale.online/biblia/en/2rg/6#text-a344e3eeceed7e93233c)

**Latin**

Et introduxerunt arcam Domini, et imposuerunt eam in loco suo in medio tabernaculi, quod tetenderat ei David : et obtulit David holocausta et pacifica coram Domino.

**English**

This passage has not yet been translated.

[↗](https://missale.online/biblia/en/2rg/6#text-292f98d53276b7e92ddb)

**Latin**

Cumque complesset offerens holocausta et pacifica, benedixit populo in nomine Domini exercituum.

**English**

This passage has not yet been translated.

[↗](https://missale.online/biblia/en/2rg/6#text-ea8c03b9efa00fc49552)

**Latin**

Et partitus est universæ multitudini Israël tam viro quam mulieri singulis collyridam panis unam, et assaturam bubulæ carnis unam, et similam frixam oleo : et abiit omnis populus, unusquisque in domum suam.

**English**

This passage has not yet been translated.

[↗](https://missale.online/biblia/en/2rg/6#text-0b9188f9827bc9369014)

**Latin**

Reversusque est David ut benediceret domui suæ : et egressa Michol filia Saul in occursum David, ait : Quam gloriosus fuit hodie rex Israël discooperiens se ante ancillas servorum suorum, et nudatus est, quasi si nudetur unus de scurris.

**English**

This passage has not yet been translated.

[↗](https://missale.online/biblia/en/2rg/6#text-4a377fb8b3ab2ddc2997)

**Latin**

Dixitque David ad Michol : Ante Dominum, qui elegit me potius quam patrem tuum et quam omnem domum ejus, et præcepit mihi ut essem dux super populum Domini in Israël,

**English**

This passage has not yet been translated.

[↗](https://missale.online/biblia/en/2rg/6#text-558828010cd7e67a3b8c)

**Latin**

et ludam, et vilior fiam plus quam factus sum : et ero humilis in oculis meis, et cum ancillis de quibus locuta es, gloriosior apparebo.

**English**

This passage has not yet been translated.

[↗](https://missale.online/biblia/en/2rg/6#text-ec73ab42682871a72627)

**Latin**

Igitur Michol filiæ Saul non est natus filius usque in diem mortis suæ.

**English**

This passage has not yet been translated.