# 2 Samuel · 9

> https://missale.online/biblia/en/2rg/9

## Verses

[↗](https://missale.online/biblia/en/2rg/9#text-738a397ca42f89be3041)

**Latin**

Et dixit David : Putasne est aliquis qui remanserit de domo Saul, ut faciam cum eo misericordiam propter Jonathan ?

**English**

This passage has not yet been translated.

[↗](https://missale.online/biblia/en/2rg/9#text-a431dc21500084281aad)

**Latin**

Erat autem de domo Saul servus nomine Siba : quem cum vocasset rex ad se, dixit ei : Tune es Siba ? Et ille respondit : Ego sum servus tuus.

**English**

This passage has not yet been translated.

[↗](https://missale.online/biblia/en/2rg/9#text-51d615e65f2b8ce7b8f8)

**Latin**

Et ait rex : Numquid superest aliquis de domo Saul, ut faciam cum eo misericordiam Dei ? Dixitque Siba regi : Superest filius Jonathæ, debilis pedibus.

**English**

This passage has not yet been translated.

[↗](https://missale.online/biblia/en/2rg/9#text-5d4da59ebdbb384b8c9f)

**Latin**

Ubi, inquit, est ? Et Siba ad regem : Ecce, ait, in domo est Machir filii Ammiel, in Lodabar.

**English**

This passage has not yet been translated.

[↗](https://missale.online/biblia/en/2rg/9#text-c9a99567837d7d8a5257)

**Latin**

Misit ergo rex David, et tulit eum de domo Machir filii Ammiel, de Lodabar.

**English**

This passage has not yet been translated.

[↗](https://missale.online/biblia/en/2rg/9#text-db8941e9bfe92ba71d70)

**Latin**

Cum autem venisset Miphiboseth filius Jonathæ filii Saul ad David, corruit in faciem suam, et adoravit. Dixitque David : Miphiboseth ? Qui respondit : Adsum servus tuus.

**English**

This passage has not yet been translated.

[↗](https://missale.online/biblia/en/2rg/9#text-d18c4bffa042bddf03b6)

**Latin**

Et ait ei David : Ne timeas, quia faciens faciam in te misericordiam propter Jonathan patrem tuum, et restituam tibi omnes agros Saul patris tui : et tu comedes panem in mensa mea semper.

**English**

This passage has not yet been translated.

[↗](https://missale.online/biblia/en/2rg/9#text-280b739fac2695c16a42)

**Latin**

Qui adorans eum, dixit : Quis ego sum servus tuus, quoniam respexisti super canem mortuum similem mei ?

**English**

This passage has not yet been translated.

[↗](https://missale.online/biblia/en/2rg/9#text-3dd53cfa29a281509a99)

**Latin**

Vocavit itaque rex Sibam puerum Saul, et dixit ei : Omnia quæcumque fuerunt Saul, et universam domum ejus, dedi filio domini tui.

**English**

This passage has not yet been translated.

[↗](https://missale.online/biblia/en/2rg/9#text-c297fce5deb3b72375f2)

**Latin**

Operare igitur ei terram tu, et filii tui, et servi tui, et inferes filio domini tui cibos ut alatur : Miphiboseth autem filius domini tui comedet semper panem super mensam meam. Erant autem Sibæ quindecim filii, et viginti servi.

**English**

This passage has not yet been translated.

[↗](https://missale.online/biblia/en/2rg/9#text-44b28169590526f68717)

**Latin**

Dixitque Siba ad regem : Sicut jussisti, domine mi rex, servo tuo, sic faciet servus tuus : et Miphiboseth comedet super mensam meam, quasi unus de filiis regis.

**English**

This passage has not yet been translated.

[↗](https://missale.online/biblia/en/2rg/9#text-40022955d80a097e447c)

**Latin**

Habebat autem Miphiboseth filium parvulum nomine Micha : omnis vero cognatio domus Sibæ serviebat Miphiboseth.

**English**

This passage has not yet been translated.

[↗](https://missale.online/biblia/en/2rg/9#text-9cddad593f73adeac016)

**Latin**

Porro Miphiboseth habitabat in Jerusalem, quia de mensa regis jugiter vescebatur : et erat claudus utroque pede.

**English**

This passage has not yet been translated.