# 1 Kings · 12

> https://missale.online/biblia/en/3rg/12

## Verses

[↗](https://missale.online/biblia/en/3rg/12#text-738a397ca42f89be3041)

**Latin**

Venit autem Roboam in Sichem : illuc enim congregatus erat omnis Israël ad constituendum eum regem.

**English**

This passage has not yet been translated.

[↗](https://missale.online/biblia/en/3rg/12#text-a431dc21500084281aad)

**Latin**

At vero Jeroboam filius Nabat, cum adhuc esset in Ægypto profugus a facie regis Salomonis, audita morte ejus, reversus est de Ægypto.

**English**

This passage has not yet been translated.

[↗](https://missale.online/biblia/en/3rg/12#text-51d615e65f2b8ce7b8f8)

**Latin**

Miseruntque et vocaverunt eum : venit ergo Jeroboam, et omnis multitudo Israël, et locuti sunt ad Roboam, dicentes :

**English**

This passage has not yet been translated.

[↗](https://missale.online/biblia/en/3rg/12#text-5d4da59ebdbb384b8c9f)

**Latin**

Pater tuus durissimum jugum imposuit nobis : tu itaque nunc imminue paululum de imperio patris tui durissimo, et de jugo gravissimo quod imposuit nobis, et serviemus tibi.

**English**

This passage has not yet been translated.

[↗](https://missale.online/biblia/en/3rg/12#text-c9a99567837d7d8a5257)

**Latin**

Qui ait eis : Ite usque ad tertium diem, et revertimini ad me. Cumque abiisset populus,

**English**

This passage has not yet been translated.

[↗](https://missale.online/biblia/en/3rg/12#text-db8941e9bfe92ba71d70)

**Latin**

iniit consilium rex Roboam cum senioribus qui assistebant coram Salomone patre ejus cum adhuc viveret, et ait : Quod datis mihi consilium, ut respondeam populo huic ?

**English**

This passage has not yet been translated.

[↗](https://missale.online/biblia/en/3rg/12#text-d18c4bffa042bddf03b6)

**Latin**

Qui dixerunt ei : Si hodie obedieris populo huic, et servieris, et petitioni eorum cesseris, locutusque fueris ad eos verba lenia, erunt tibi servi cunctis diebus.

**English**

This passage has not yet been translated.

[↗](https://missale.online/biblia/en/3rg/12#text-280b739fac2695c16a42)

**Latin**

Qui dereliquit consilium senum, quod dederant ei, et adhibuit adolescentes, qui nutriti fuerant cum eo, et assistebant illi,

**English**

This passage has not yet been translated.

[↗](https://missale.online/biblia/en/3rg/12#text-3dd53cfa29a281509a99)

**Latin**

dixitque ad eos : Quod mihi datis consilium, ut respondeam populo huic, qui dixerunt mihi : Levius fac jugum quod imposuit pater tuus super nos ?

**English**

This passage has not yet been translated.

[↗](https://missale.online/biblia/en/3rg/12#text-c297fce5deb3b72375f2)

**Latin**

Et dixerunt ei juvenes qui nutriti fuerant cum eo : Sic loqueris populo huic, qui locuti sunt ad te, dicentes : Pater tuus aggravavit jugum nostrum : tu releva nos. Sic loqueris ad eos : Minimus digitus meus grossior est dorso patris mei.

**English**

This passage has not yet been translated.

[↗](https://missale.online/biblia/en/3rg/12#text-44b28169590526f68717)

**Latin**

Et nunc pater meus posuit super vos jugum grave, ego autem addam super jugum vestrum : pater meus cecidit vos flagellis, ego autem cædam vos scorpionibus.

**English**

This passage has not yet been translated.

[↗](https://missale.online/biblia/en/3rg/12#text-40022955d80a097e447c)

**Latin**

Venit ergo Jeroboam et omnis populus ad Roboam die tertia, sicut locutus fuerat rex, dicens : Revertimini ad me die tertia.

**English**

This passage has not yet been translated.

[↗](https://missale.online/biblia/en/3rg/12#text-9cddad593f73adeac016)

**Latin**

Responditque rex populo dura, derelicto consilio seniorum quod ei dederant,

**English**

This passage has not yet been translated.

[↗](https://missale.online/biblia/en/3rg/12#text-77f0bcf628a6b2c6b32a)

**Latin**

et locutus est eis secundum consilium juvenum, dicens : Pater meus aggravavit jugum vestrum, ego autem addam jugo vestro : pater meus cecidit vos flagellis, ego autem cædam vos scorpionibus.

**English**

This passage has not yet been translated.

[↗](https://missale.online/biblia/en/3rg/12#text-e93f4ea4f81375c9a221)

**Latin**

Et non acquievit rex populo : quoniam aversatus fuerat eum Dominus, ut suscitaret verbum suum quod locutus fuerat in manu Ahiæ Silonitæ, ad Jeroboam filium Nabat.

**English**

This passage has not yet been translated.

[↗](https://missale.online/biblia/en/3rg/12#text-ad0dbb7caa8136e57bff)

**Latin**

Videns itaque populus quod noluisset eos audire rex, respondit ei dicens : Quæ nobis pars in David ? vel quæ hæreditas in filio Isai ? vade in tabernacula tua, Israël : nunc vide domum tuam, David. Et abiit Israël in tabernacula sua.

**English**

This passage has not yet been translated.

[↗](https://missale.online/biblia/en/3rg/12#text-a344e3eeceed7e93233c)

**Latin**

Super filios autem Israël, quicumque habitabant in civitatibus Juda, regnavit Roboam.

**English**

This passage has not yet been translated.

[↗](https://missale.online/biblia/en/3rg/12#text-292f98d53276b7e92ddb)

**Latin**

Misit ergo rex Roboam Aduram, qui erat super tributa : et lapidavit eum omnis Israël, et mortuus est. Porro rex Roboam festinus ascendit currum, et fugit in Jerusalem :

**English**

This passage has not yet been translated.

[↗](https://missale.online/biblia/en/3rg/12#text-ea8c03b9efa00fc49552)

**Latin**

recessitque Israël a domo David usque in præsentem diem.

**English**

This passage has not yet been translated.

[↗](https://missale.online/biblia/en/3rg/12#text-0b9188f9827bc9369014)

**Latin**

Factum est autem cum audisset omnis Israël quod reversus esset Jeroboam, miserunt, et vocaverunt eum congregato cœtu, et constituerunt eum regem super omnem Israël : nec secutus est quisquam domum David præter tribum Juda solam.

**English**

This passage has not yet been translated.

[↗](https://missale.online/biblia/en/3rg/12#text-4a377fb8b3ab2ddc2997)

**Latin**

Venit autem Roboam Jerusalem, et congregavit universam domum Juda, et tribum Benjamin, centum octoginta millia electorum virorum bellatorum, ut pugnarent contra domum Israël, et reducerent regnum Roboam filio Salomonis.

**English**

This passage has not yet been translated.

[↗](https://missale.online/biblia/en/3rg/12#text-558828010cd7e67a3b8c)

**Latin**

Factus est autem sermo Domini ad Semeiam virum Dei, dicens :

**English**

This passage has not yet been translated.

[↗](https://missale.online/biblia/en/3rg/12#text-ec73ab42682871a72627)

**Latin**

Loquere ad Roboam filium Salomonis regem Juda, et ad omnem domum Juda, et Benjamin, et reliquos de populo, dicens :

**English**

This passage has not yet been translated.

[↗](https://missale.online/biblia/en/3rg/12#text-67cd7490abc0fa3b8079)

**Latin**

Hæc dicit Dominus : Non ascendetis, neque bellabitis contra fratres vestros filios Israël : revertatur vir in domum suam : a me enim factum est verbum hoc. Audierunt sermonem Domini, et reversi sunt de itinere, sicut eis præceperat Dominus.

**English**

This passage has not yet been translated.

[↗](https://missale.online/biblia/en/3rg/12#text-3ac038d6962289bd3c26)

**Latin**

Ædificavit autem Jeroboam Sichem in monte Ephraim, et habitavit ibi : et egressus inde ædificavit Phanuel.

**English**

This passage has not yet been translated.

[↗](https://missale.online/biblia/en/3rg/12#text-2b08b45b7a9fd92ff7f8)

**Latin**

Dixitque Jeroboam in corde suo : Nunc revertetur regnum ad domum David,

**English**

This passage has not yet been translated.

[↗](https://missale.online/biblia/en/3rg/12#text-1b9b77d3fcc49350a3f4)

**Latin**

si ascenderit populus iste ut faciat sacrificia in domo Domini in Jerusalem : et convertetur cor populi hujus ad dominum suum Roboam regem Juda, interficientque me, et revertentur ad eum.

**English**

This passage has not yet been translated.

[↗](https://missale.online/biblia/en/3rg/12#text-21478efda9e3bd77c058)

**Latin**

Et excogitato consilio fecit duos vitulos aureos, et dixit eis : Nolite ultra ascendere in Jerusalem : ecce dii tui Israël, qui te eduxerunt de terra Ægypti.

**English**

This passage has not yet been translated.

[↗](https://missale.online/biblia/en/3rg/12#text-66af0bf07849f0763ec9)

**Latin**

Posuitque unum in Bethel, et alterum in Dan :

**English**

This passage has not yet been translated.

[↗](https://missale.online/biblia/en/3rg/12#text-8ce0bbceaab8ff918d3a)

**Latin**

et factum est verbum hoc in peccatum : ibat enim populus ad adorandum vitulum usque in Dan.

**English**

This passage has not yet been translated.

[↗](https://missale.online/biblia/en/3rg/12#text-ccc106774904a733b00e)

**Latin**

Et fecit fana in excelsis, et sacerdotes de extremis populi, qui non erant de filiis Levi.

**English**

This passage has not yet been translated.

[↗](https://missale.online/biblia/en/3rg/12#text-3885b8fb3f9b0c24fd89)

**Latin**

Constituitque diem solemnem in mense octavo, quintadecima die mensis, in similitudinem solemnitatis quæ celebrabatur in Juda. Et ascendens altare, similiter fecit in Bethel, ut immolaret vitulis quos fabricatus fuerat : constituitque in Bethel sacerdotes excelsorum quæ fecerat.

**English**

This passage has not yet been translated.

[↗](https://missale.online/biblia/en/3rg/12#text-578310eff006266469cc)

**Latin**

Et ascendit super altare quod exstruxerat in Bethel, quintadecima die mensis octavi, quem finxerat de corde suo : et fecit solemnitatem filiis Israël, et ascendit super altare, ut adoleret incensum.

**English**

This passage has not yet been translated.