# 1 Kings · 2

> https://missale.online/biblia/en/3rg/2

## Verses

[↗](https://missale.online/biblia/en/3rg/2#text-738a397ca42f89be3041)

**Latin**

Appropinquaverunt autem dies David ut moreretur : præcepitque Salomoni filio suo, dicens :

**English**

This passage has not yet been translated.

[↗](https://missale.online/biblia/en/3rg/2#text-a431dc21500084281aad)

**Latin**

Ego ingredior viam universæ terræ : confortare, et esto vir.

**English**

This passage has not yet been translated.

[↗](https://missale.online/biblia/en/3rg/2#text-51d615e65f2b8ce7b8f8)

**Latin**

Et observa custodias Domini Dei tui, ut ambules in viis ejus : ut custodias cæremonias ejus, et præcepta ejus, et judicia, et testimonia, sicut scriptum est in lege Moysi : ut intelligas universa quæ facis, et quocumque te verteris :

**English**

This passage has not yet been translated.

[↗](https://missale.online/biblia/en/3rg/2#text-5d4da59ebdbb384b8c9f)

**Latin**

ut confirmet Dominus sermones suos quos locutus est de me, dicens : Si custodierint filii tui vias suas, et ambulaverint coram me in veritate, in omni corde suo et in omni anima sua, non auferetur tibi vir de solio Israël.

**English**

This passage has not yet been translated.

[↗](https://missale.online/biblia/en/3rg/2#text-c9a99567837d7d8a5257)

**Latin**

Tu quoque nosti quæ fecerit mihi Joab filius Sarviæ, quæ fecerit duobus principibus exercitus Israël, Abner filio Ner, et Amasæ filio Jether : quos occidit, et effudit sanguinem belli in pace, et posuit cruorem prælii in balteo suo qui erat circa lumbos ejus, et in calceamento suo quod erat in pedibus ejus.

**English**

This passage has not yet been translated.

[↗](https://missale.online/biblia/en/3rg/2#text-db8941e9bfe92ba71d70)

**Latin**

Facies ergo juxta sapientiam tuam, et non deduces canitiem ejus pacifice ad inferos.

**English**

This passage has not yet been translated.

[↗](https://missale.online/biblia/en/3rg/2#text-d18c4bffa042bddf03b6)

**Latin**

Sed et filiis Berzellai Galaaditis reddes gratiam, eruntque comedentes in mensa tua : occurrerunt enim mihi quando fugiebam a facie Absalom fratris tui.

**English**

This passage has not yet been translated.

[↗](https://missale.online/biblia/en/3rg/2#text-280b739fac2695c16a42)

**Latin**

Habes quoque apud te Semei filium Gera filii Jemini de Bahurim, qui maledixit mihi maledictione pessima quando ibam ad castra : sed quia descendit mihi in occursum cum transirem Jordanem, et juravi ei per Dominum, dicens : Non te interficiam gladio :

**English**

This passage has not yet been translated.

[↗](https://missale.online/biblia/en/3rg/2#text-3dd53cfa29a281509a99)

**Latin**

tu noli pati eum esse innoxium. Vir autem sapiens es, ut scias quæ facies ei : deducesque canos ejus cum sanguine ad inferos.

**English**

This passage has not yet been translated.

[↗](https://missale.online/biblia/en/3rg/2#text-c297fce5deb3b72375f2)

**Latin**

Dormivit igitur David cum patribus suis, et sepultus est in civitate David.

**English**

This passage has not yet been translated.

[↗](https://missale.online/biblia/en/3rg/2#text-44b28169590526f68717)

**Latin**

Dies autem quibus regnavit David super Israël, quadraginta anni sunt : in Hebron regnavit septem annis ; in Jerusalem, triginta tribus.

**English**

This passage has not yet been translated.

[↗](https://missale.online/biblia/en/3rg/2#text-40022955d80a097e447c)

**Latin**

Salomon autem sedit super thronum David patris sui, et firmatum est regnum ejus nimis.

**English**

This passage has not yet been translated.

[↗](https://missale.online/biblia/en/3rg/2#text-9cddad593f73adeac016)

**Latin**

Et ingressus est Adonias filius Haggith ad Bethsabee matrem Salomonis. Quæ dixit ei : Pacificusne est ingressus tuus ? Qui respondit : Pacificus.

**English**

This passage has not yet been translated.

[↗](https://missale.online/biblia/en/3rg/2#text-77f0bcf628a6b2c6b32a)

**Latin**

Addiditque : Sermo mihi est ad te. Cui ait : Loquere. Et ille :

**English**

This passage has not yet been translated.

[↗](https://missale.online/biblia/en/3rg/2#text-e93f4ea4f81375c9a221)

**Latin**

Tu, inquit, nosti, quia meum erat regnum, et me præposuerat omnis Israël sibi in regem : sed translatum est regnum, et factum est fratris mei : a Domino enim constitutum est ei.

**English**

This passage has not yet been translated.

[↗](https://missale.online/biblia/en/3rg/2#text-ad0dbb7caa8136e57bff)

**Latin**

Nunc ergo petitionem unam precor a te : ne confundas faciem meam. Quæ dixit ad eum : Loquere.

**English**

This passage has not yet been translated.

[↗](https://missale.online/biblia/en/3rg/2#text-a344e3eeceed7e93233c)

**Latin**

Et ille ait : Precor ut dicas Salomoni regi (neque enim negare tibi quidquam potest) ut det mihi Abisag Sunamitidem uxorem.

**English**

This passage has not yet been translated.

[↗](https://missale.online/biblia/en/3rg/2#text-292f98d53276b7e92ddb)

**Latin**

Et ait Bethsabee : Bene : ego loquar pro te regi.

**English**

This passage has not yet been translated.

[↗](https://missale.online/biblia/en/3rg/2#text-ea8c03b9efa00fc49552)

**Latin**

Venit ergo Bethsabee ad regem Salomonem ut loqueretur ei pro Adonia : et surrexit rex in occursum ejus, adoravitque eam, et sedit super thronum suum : positusque est thronus matri regis, quæ sedit ad dexteram ejus.

**English**

This passage has not yet been translated.

[↗](https://missale.online/biblia/en/3rg/2#text-0b9188f9827bc9369014)

**Latin**

Dixitque ei : Petitionem unam parvulam ego deprecor a te : ne confundas faciem meam. Et dixit ei rex : Pete, mater mea : neque enim fas est ut avertam faciem tuam.

**English**

This passage has not yet been translated.

[↗](https://missale.online/biblia/en/3rg/2#text-4a377fb8b3ab2ddc2997)

**Latin**

Quæ ait : Detur Abisag Sunamitis Adoniæ fratri tuo uxor.

**English**

This passage has not yet been translated.

[↗](https://missale.online/biblia/en/3rg/2#text-558828010cd7e67a3b8c)

**Latin**

Responditque rex Salomon, et dixit matri suæ : Quare postulas Abisag Sunamitidem Adoniæ ? postula ei et regnum : ipse est enim frater meus major me, et habet Abiathar sacerdotem, et Joab filium Sarviæ.

**English**

This passage has not yet been translated.

[↗](https://missale.online/biblia/en/3rg/2#text-ec73ab42682871a72627)

**Latin**

Juravit itaque rex Salomon per Dominum, dicens : Hæc faciat mihi Deus, et hæc addat, quia contra animam suam locutus est Adonias verbum hoc.

**English**

This passage has not yet been translated.

[↗](https://missale.online/biblia/en/3rg/2#text-67cd7490abc0fa3b8079)

**Latin**

Et nunc vivit Dominus, qui firmavit me, et collocavit me super solium David patris mei, et qui fecit mihi domum, sicut locutus est, quia hodie occidetur Adonias.

**English**

This passage has not yet been translated.

[↗](https://missale.online/biblia/en/3rg/2#text-3ac038d6962289bd3c26)

**Latin**

Misitque rex Salomon per manum Banaiæ filii Jojadæ, qui interfecit eum, et mortuus est.

**English**

This passage has not yet been translated.

[↗](https://missale.online/biblia/en/3rg/2#text-2b08b45b7a9fd92ff7f8)

**Latin**

Abiathar quoque sacerdoti dixit rex : Vade in Anathoth ad agrum tuum : equidem vir mortis es : sed hodie te non interficiam, quia portasti arcam Domini Dei coram David patre meo, et sustinuisti laborem in omnibus in quibus laboravit pater meus.

**English**

This passage has not yet been translated.

[↗](https://missale.online/biblia/en/3rg/2#text-1b9b77d3fcc49350a3f4)

**Latin**

Ejecit ergo Salomon Abiathar ut non esset sacerdos Domini, ut impleretur sermo Domini quem locutus est super domum Heli in Silo.

**English**

This passage has not yet been translated.

[↗](https://missale.online/biblia/en/3rg/2#text-21478efda9e3bd77c058)

**Latin**

Venit autem nuntius ad Joab, quod Joab declinasset post Adoniam, et post Salomonem non declinasset : fugit ergo Joab in tabernaculum Domini, et apprehendit cornu altaris.

**English**

This passage has not yet been translated.

[↗](https://missale.online/biblia/en/3rg/2#text-66af0bf07849f0763ec9)

**Latin**

Nuntiatumque est regi Salomoni quod fugisset Joab in tabernaculum Domini, et esset juxta altare : misitque Salomon Banaiam filium Jojadæ, dicens : Vade, interfice eum.

**English**

This passage has not yet been translated.

[↗](https://missale.online/biblia/en/3rg/2#text-8ce0bbceaab8ff918d3a)

**Latin**

Et venit Banaias ad tabernaculum Domini, et dixit ei : Hæc dicit rex : Egredere. Qui ait : Non egrediar, sed hic moriar. Renuntiavit Banaias regi sermonem, dicens : Hæc locutus est Joab, et hæc respondit mihi.

**English**

This passage has not yet been translated.

[↗](https://missale.online/biblia/en/3rg/2#text-ccc106774904a733b00e)

**Latin**

Dixitque ei rex : Fac sicut locutus est, et interfice eum, et sepeli : et amovebis sanguinem innocentem qui effusus est a Joab, a me, et a domo patris mei.

**English**

This passage has not yet been translated.

[↗](https://missale.online/biblia/en/3rg/2#text-3885b8fb3f9b0c24fd89)

**Latin**

Et reddet Dominus sanguinem ejus super caput ejus, quia interfecit duos viros justos, melioresque se : et occidit eos gladio, patre meo David ignorante, Abner filium Ner principem militiæ Israël, et Amasam filium Jether principem exercitus Juda :

**English**

This passage has not yet been translated.

[↗](https://missale.online/biblia/en/3rg/2#text-578310eff006266469cc)

**Latin**

et revertetur sanguis illorum in caput Joab, et in caput seminis ejus in sempiternum. David autem et semini ejus, et domui, et throno illius, sit pax usque in æternum a Domino.

**English**

This passage has not yet been translated.

[↗](https://missale.online/biblia/en/3rg/2#text-fe2917b9f5e3cb90d74f)

**Latin**

Ascendit itaque Banaias filius Jojadæ, et aggressus eum interfecit : sepultusque est in domo sua in deserto.

**English**

This passage has not yet been translated.

[↗](https://missale.online/biblia/en/3rg/2#text-79e5363277408edadf4d)

**Latin**

Et constituit rex Banaiam filium Jojadæ pro eo super exercitum, et Sadoc sacerdotem posuit pro Abiathar.

**English**

This passage has not yet been translated.

[↗](https://missale.online/biblia/en/3rg/2#text-5f3b65a9d805032a9ee2)

**Latin**

Misit quoque rex, et vocavit Semei : dixitque ei : Ædifica tibi domum in Jerusalem, et habita ibi : et non egredieris inde huc atque illuc.

**English**

This passage has not yet been translated.

[↗](https://missale.online/biblia/en/3rg/2#text-762d295fd73e6f7c5976)

**Latin**

Quacumque autem die egressus fueris, et transieris torrentem Cedron, scito te interficiendum : sanguis tuus erit super caput tuum.

**English**

This passage has not yet been translated.

[↗](https://missale.online/biblia/en/3rg/2#text-cda9e96bec793da3010d)

**Latin**

Dixitque Semei regi : Bonus sermo : sicut locutus est dominus meus rex, sic faciet servus tuus. Habitavit itaque Semei in Jerusalem diebus multis.

**English**

This passage has not yet been translated.

[↗](https://missale.online/biblia/en/3rg/2#text-c9ba0458566bc71ea2f2)

**Latin**

Factum est autem post annos tres ut fugerent servi Semei ad Achis filium Maacha regem Geth : nuntiatumque est Semei quod servi ejus issent in Geth.

**English**

This passage has not yet been translated.

[↗](https://missale.online/biblia/en/3rg/2#text-0a338341cf79beb16c8c)

**Latin**

Et surrexit Semei, et stravit asinum suum, ivitque ad Achis in Geth ad requirendum servos suos, et adduxit eos de Geth.

**English**

This passage has not yet been translated.

[↗](https://missale.online/biblia/en/3rg/2#text-4f0f2d4b48873fb3fb7d)

**Latin**

Nuntiatum est autem Salomoni quod isset Semei in Geth de Jerusalem, et rediisset.

**English**

This passage has not yet been translated.

[↗](https://missale.online/biblia/en/3rg/2#text-fc584dea5d0f34768064)

**Latin**

Et mittens vocavit eum, dixitque illi : Nonne testificatus sum tibi per Dominum, et prædixi tibi : Quacumque die egressus ieris huc et illuc, scito te esse moriturum : et respondisti mihi : Bonus sermo, quem audivi ?

**English**

This passage has not yet been translated.

[↗](https://missale.online/biblia/en/3rg/2#text-1d4c9d6a2b609d4d8862)

**Latin**

quare ergo non custodisti jusjurandum Domini, et præceptum quod præceperam tibi ?

**English**

This passage has not yet been translated.

[↗](https://missale.online/biblia/en/3rg/2#text-19e6b234a9c4be7552a1)

**Latin**

Dixitque rex ad Semei : Tu nosti omne malum cujus tibi conscium est cor tuum, quod fecisti David patri meo : reddidit Dominus malitiam tuam in caput tuum :

**English**

This passage has not yet been translated.

[↗](https://missale.online/biblia/en/3rg/2#text-bd57201e01a06d00b9fb)

**Latin**

et rex Salomon benedictus, et thronus David erit stabilis coram Domino usque in sempiternum.

**English**

This passage has not yet been translated.

[↗](https://missale.online/biblia/en/3rg/2#text-73f4c9ab3d7f51b5198b)

**Latin**

Jussit itaque rex Banaiæ filio Jojadæ, qui egressus, percussit eum, et mortuus est.

**English**

This passage has not yet been translated.