# 1 Kings · 21

> https://missale.online/biblia/en/3rg/21

## Verses

[↗](https://missale.online/biblia/en/3rg/21#text-738a397ca42f89be3041)

**Latin**

Post verba autem hæc, tempore illo vinea erat Naboth Jezrahelitæ, quæ erat in Jezrahel, juxta palatium Achab regis Samariæ.

**English**

This passage has not yet been translated.

[↗](https://missale.online/biblia/en/3rg/21#text-a431dc21500084281aad)

**Latin**

Locutus est ergo Achab ad Naboth, dicens : Da mihi vineam tuam, ut faciam mihi hortum olerum, quia vicina est, et prope domum meam : daboque tibi pro ea vineam meliorem, aut si commodius tibi putas, argenti pretium, quanto digna est.

**English**

This passage has not yet been translated.

[↗](https://missale.online/biblia/en/3rg/21#text-51d615e65f2b8ce7b8f8)

**Latin**

Cui respondit Naboth : Propitius sit mihi Dominus, ne dem hæreditatem patrum meorum tibi.

**English**

This passage has not yet been translated.

[↗](https://missale.online/biblia/en/3rg/21#text-5d4da59ebdbb384b8c9f)

**Latin**

Venit ergo Achab in domum suam indignans, et frendens super verbo quod locutus fuerat ad eum Naboth Jezrahelites, dicens : Non dabo tibi hæreditatem patrum meorum. Et projiciens se in lectulum suum, avertit faciem suam ad parietem, et non comedit panem.

**English**

This passage has not yet been translated.

[↗](https://missale.online/biblia/en/3rg/21#text-c9a99567837d7d8a5257)

**Latin**

Ingressa est autem ad eum Jezabel uxor sua, dixitque ei : Quid est hoc, unde anima tua contristata est ? et quare non comedis panem ?

**English**

This passage has not yet been translated.

[↗](https://missale.online/biblia/en/3rg/21#text-db8941e9bfe92ba71d70)

**Latin**

Qui respondit ei : Locutus sum Naboth Jezrahelitæ, et dixi ei : Da mihi vineam tuam, accepta pecunia : aut, si tibi placet, dabo tibi vineam meliorem pro ea. Et ille ait : Non dabo tibi vineam meam.

**English**

This passage has not yet been translated.

[↗](https://missale.online/biblia/en/3rg/21#text-d18c4bffa042bddf03b6)

**Latin**

Dixit ergo ad eum Jezabel uxor ejus : Grandis auctoritatis es, et bene regis regnum Israël. Surge, et comede panem, et æquo animo esto : ego dabo tibi vineam Naboth Jezrahelitæ.

**English**

This passage has not yet been translated.

[↗](https://missale.online/biblia/en/3rg/21#text-280b739fac2695c16a42)

**Latin**

Scripsit itaque litteras ex nomine Achab, et signavit eas annulo ejus, et misit ad majores natu, et optimates, qui erant in civitate ejus, et habitabant cum Naboth.

**English**

This passage has not yet been translated.

[↗](https://missale.online/biblia/en/3rg/21#text-3dd53cfa29a281509a99)

**Latin**

Litterarum autem hæc erat sententia : Prædicate jejunium, et sedere facite Naboth inter primos populi :

**English**

This passage has not yet been translated.

[↗](https://missale.online/biblia/en/3rg/21#text-c297fce5deb3b72375f2)

**Latin**

et submittite duos viros filios Belial contra eum, et falsum testimonium dicant : Benedixit Deum et regem : et educite eum, et lapidate, sicque moriatur.

**English**

This passage has not yet been translated.

[↗](https://missale.online/biblia/en/3rg/21#text-44b28169590526f68717)

**Latin**

Fecerunt ergo cives ejus majores natu et optimates, qui habitabant cum eo in urbe, sicut præceperat eis Jezabel, et sicut scriptum erat in litteris quas miserat ad eos :

**English**

This passage has not yet been translated.

[↗](https://missale.online/biblia/en/3rg/21#text-40022955d80a097e447c)

**Latin**

prædicaverunt jejunium, et sedere fecerunt Naboth inter primos populi.

**English**

This passage has not yet been translated.

[↗](https://missale.online/biblia/en/3rg/21#text-9cddad593f73adeac016)

**Latin**

Et adductis duobus viris filiis diaboli, fecerunt eos sedere contra eum : at illi, scilicet ut viri diabolici, dixerunt contra eum testimonium coram multitudine : Benedixit Naboth Deum et regem : quam ob rem eduxerunt eum extra civitatem, et lapidibus interfecerunt.

**English**

This passage has not yet been translated.

[↗](https://missale.online/biblia/en/3rg/21#text-77f0bcf628a6b2c6b32a)

**Latin**

Miseruntque ad Jezabel, dicentes : Lapidatus est Naboth, et mortuus est.

**English**

This passage has not yet been translated.

[↗](https://missale.online/biblia/en/3rg/21#text-e93f4ea4f81375c9a221)

**Latin**

Factum est autem, cum audisset Jezabel lapidatum Naboth et mortuum, locuta est ad Achab : Surge, et posside vineam Naboth Jezrahelitæ, qui noluit tibi acquiescere, et dare eam accepta pecunia : non enim vivit Naboth, sed mortuus est.

**English**

This passage has not yet been translated.

[↗](https://missale.online/biblia/en/3rg/21#text-ad0dbb7caa8136e57bff)

**Latin**

Quod cum audisset Achab, mortuum videlicet Naboth, surrexit, et descendebat in vineam Naboth Jezrahelitæ, ut possideret eam.

**English**

This passage has not yet been translated.

[↗](https://missale.online/biblia/en/3rg/21#text-a344e3eeceed7e93233c)

**Latin**

Factus est igitur sermo Domini ad Eliam Thesbiten, dicens :

**English**

This passage has not yet been translated.

[↗](https://missale.online/biblia/en/3rg/21#text-292f98d53276b7e92ddb)

**Latin**

Surge, et descende in occursum Achab regis Israël, qui est in Samaria : ecce ad vineam Naboth descendit, ut possideat eam.

**English**

This passage has not yet been translated.

[↗](https://missale.online/biblia/en/3rg/21#text-ea8c03b9efa00fc49552)

**Latin**

Et loqueris ad eum, dicens : Hæc dicit Dominus : Occidisti, insuper et possedisti. Et post hæc addes : Hæc dicit Dominus : In loco hoc, in quo linxerunt canes sanguinem Naboth, lambent quoque sanguinem tuum.

**English**

This passage has not yet been translated.

[↗](https://missale.online/biblia/en/3rg/21#text-0b9188f9827bc9369014)

**Latin**

Et ait Achab ad Eliam : Num invenisti me inimicum tibi ? Qui dixit : Inveni, eo quod venundatus sis, ut faceres malum in conspectu Domini.

**English**

This passage has not yet been translated.

[↗](https://missale.online/biblia/en/3rg/21#text-4a377fb8b3ab2ddc2997)

**Latin**

Ecce ego inducam super te malum, et demetam posteriora tua, et interficiam de Achab mingentem ad parietem, et clausum et ultimum in Israël.

**English**

This passage has not yet been translated.

[↗](https://missale.online/biblia/en/3rg/21#text-558828010cd7e67a3b8c)

**Latin**

Et dabo domum tuam sicut domum Jeroboam filii Nabat, et sicut domum Baasa filii Ahia : quia egisti ut me ad iracundiam provocares, et peccare fecisti Israël.

**English**

This passage has not yet been translated.

[↗](https://missale.online/biblia/en/3rg/21#text-ec73ab42682871a72627)

**Latin**

Sed et de Jezabel locutus est Dominus, dicens : Canes comedent Jezabel in agro Jezrahel.

**English**

This passage has not yet been translated.

[↗](https://missale.online/biblia/en/3rg/21#text-67cd7490abc0fa3b8079)

**Latin**

Si mortuus fuerit Achab in civitate, comedent eum canes : si autem mortuus fuerit in agro, comedent eum volucres cæli.

**English**

This passage has not yet been translated.

[↗](https://missale.online/biblia/en/3rg/21#text-3ac038d6962289bd3c26)

**Latin**

Igitur non fuit alter talis sicut Achab, qui venundatus est ut faceret malum in conspectu Domini : concitavit enim eum Jezabel uxor sua,

**English**

This passage has not yet been translated.

[↗](https://missale.online/biblia/en/3rg/21#text-2b08b45b7a9fd92ff7f8)

**Latin**

et abominabilis factus est, in tantum ut sequeretur idola quæ fecerant Amorrhæi, quos consumpsit Dominus a facie filiorum Israël.

**English**

This passage has not yet been translated.

[↗](https://missale.online/biblia/en/3rg/21#text-1b9b77d3fcc49350a3f4)

**Latin**

Itaque cum audisset Achab sermones istos, scidit vestimenta sua, et operuit cilicio carnem suam, jejunavitque et dormivit in sacco, et ambulavit demisso capite.

**English**

This passage has not yet been translated.

[↗](https://missale.online/biblia/en/3rg/21#text-21478efda9e3bd77c058)

**Latin**

Et factus est sermo Domini ad Eliam Thesbiten, dicens :

**English**

This passage has not yet been translated.

[↗](https://missale.online/biblia/en/3rg/21#text-66af0bf07849f0763ec9)

**Latin**

Nonne vidisti humiliatum Achab coram me ? quia igitur humiliatus est mei causa, non inducam malum in diebus ejus, sed in diebus filii sui inferam malum domui ejus.

**English**

This passage has not yet been translated.