# 1 Kings · 3

> https://missale.online/biblia/en/3rg/3

## Verses

[↗](https://missale.online/biblia/en/3rg/3#text-738a397ca42f89be3041)

**Latin**

Confirmatum est igitur regnum in manu Salomonis, et affinitate conjunctus est Pharaoni regi Ægypti : accepit namque filiam ejus, et adduxit in civitatem David, donec compleret ædificans domum suam, et domum Domini, et murum Jerusalem per circuitum.

**English**

This passage has not yet been translated.

[↗](https://missale.online/biblia/en/3rg/3#text-a431dc21500084281aad)

**Latin**

Attamen populus immolabat in excelsis : non enim ædificatum erat templum nomini Domini usque in diem illum.

**English**

This passage has not yet been translated.

[↗](https://missale.online/biblia/en/3rg/3#text-51d615e65f2b8ce7b8f8)

**Latin**

Dilexit autem Salomon Dominum, ambulans in præceptis David patris sui, excepto quod in excelsis immolabat, et accendebat thymiama.

**English**

This passage has not yet been translated.

[↗](https://missale.online/biblia/en/3rg/3#text-5d4da59ebdbb384b8c9f)

**Latin**

Abiit itaque in Gabaon, ut immolaret ibi : illud quippe erat excelsum maximum : mille hostias in holocaustum obtulit Salomon super altare illud in Gabaon.

**English**

This passage has not yet been translated.

[↗](https://missale.online/biblia/en/3rg/3#text-c9a99567837d7d8a5257)

**Latin**

Apparuit autem Dominus Salomoni per somnium nocte, dicens : Postula quod vis ut dem tibi.

**English**

This passage has not yet been translated.

[↗](https://missale.online/biblia/en/3rg/3#text-db8941e9bfe92ba71d70)

**Latin**

Et ait Salomon : Tu fecisti cum servo tuo David patre meo misericordiam magnam, sicut ambulavit in conspectu tuo in veritate et justitia, et recto corde tecum : custodisti ei misericordiam tuam grandem, et dedisti ei filium sedentem super thronum ejus, sicut est hodie.

**English**

This passage has not yet been translated.

[↗](https://missale.online/biblia/en/3rg/3#text-d18c4bffa042bddf03b6)

**Latin**

Et nunc Domine Deus, tu regnare fecisti servum tuum pro David patre meo : ego autem sum puer parvulus, et ignorans egressum et introitum meum.

**English**

This passage has not yet been translated.

[↗](https://missale.online/biblia/en/3rg/3#text-280b739fac2695c16a42)

**Latin**

Et servus tuus in medio est populi quem elegisti, populi infiniti, qui numerari et supputari non potest præ multitudine.

**English**

This passage has not yet been translated.

[↗](https://missale.online/biblia/en/3rg/3#text-3dd53cfa29a281509a99)

**Latin**

Dabis ergo servo tuo cor docile, ut populum tuum judicare possit, et discernere inter bonum et malum. Quis enim poterit judicare populum istum, populum tuum hunc multum ?

**English**

This passage has not yet been translated.

[↗](https://missale.online/biblia/en/3rg/3#text-c297fce5deb3b72375f2)

**Latin**

Placuit ergo sermo coram Domino, quod Salomon postulasset hujuscemodi rem.

**English**

This passage has not yet been translated.

[↗](https://missale.online/biblia/en/3rg/3#text-44b28169590526f68717)

**Latin**

Et dixit Dominus Salomoni : Quia postulasti verbum hoc, et non petisti tibi dies multos, nec divitias, aut animas inimicorum tuorum, sed postulasti tibi sapientiam ad discernendum judicium :

**English**

This passage has not yet been translated.

[↗](https://missale.online/biblia/en/3rg/3#text-40022955d80a097e447c)

**Latin**

ecce feci tibi secundum sermones tuos, et dedi tibi cor sapiens et intelligens, in tantum ut nullus ante te similis tui fuerit, nec post te surrecturus sit.

**English**

This passage has not yet been translated.

[↗](https://missale.online/biblia/en/3rg/3#text-9cddad593f73adeac016)

**Latin**

Sed et hæc quæ non postulasti, dedi tibi : divitias scilicet, et gloriam, ut nemo fuerit similis tui in regibus cunctis retro diebus.

**English**

This passage has not yet been translated.

[↗](https://missale.online/biblia/en/3rg/3#text-77f0bcf628a6b2c6b32a)

**Latin**

Si autem ambulaveris in viis meis, et custodieris præcepta mea et mandata mea, sicut ambulavit pater tuus, longos faciam dies tuos.

**English**

This passage has not yet been translated.

[↗](https://missale.online/biblia/en/3rg/3#text-e93f4ea4f81375c9a221)

**Latin**

Igitur evigilavit Salomon, et intellexit quod esset somnium : cumque venisset Jerusalem, stetit coram arca fœderis Domini, et obtulit holocausta, et fecit victimas pacificas, et grande convivium universis famulis suis.

**English**

This passage has not yet been translated.

[↗](https://missale.online/biblia/en/3rg/3#text-ad0dbb7caa8136e57bff)

**Latin**

Tunc venerunt duæ mulieres meretrices ad regem, steteruntque coram eo :

**English**

This passage has not yet been translated.

[↗](https://missale.online/biblia/en/3rg/3#text-a344e3eeceed7e93233c)

**Latin**

quarum una ait : Obsecro, mi domine : ego et mulier hæc habitabamus in domo una, et peperi apud eam in cubiculo.

**English**

This passage has not yet been translated.

[↗](https://missale.online/biblia/en/3rg/3#text-292f98d53276b7e92ddb)

**Latin**

Tertia autem die postquam ego peperi, peperit et hæc : et eramus simul, nullusque alius nobiscum in domo, exceptis nobis duabus.

**English**

This passage has not yet been translated.

[↗](https://missale.online/biblia/en/3rg/3#text-ea8c03b9efa00fc49552)

**Latin**

Mortuus est autem filius mulieris hujus nocte : dormiens quippe oppressit eum.

**English**

This passage has not yet been translated.

[↗](https://missale.online/biblia/en/3rg/3#text-0b9188f9827bc9369014)

**Latin**

Et consurgens intempestæ noctis silentio, tulit filium meum de latere meo, ancillæ tuæ dormientis, et collocavit in sinu suo : suum autem filium, qui erat mortuus, posuit in sinu meo.

**English**

This passage has not yet been translated.

[↗](https://missale.online/biblia/en/3rg/3#text-4a377fb8b3ab2ddc2997)

**Latin**

Cumque surrexissem mane ut darem lac filio meo, apparuit mortuus : quem diligentius intuens clara luce, deprehendi non esse meum quem genueram.

**English**

This passage has not yet been translated.

[↗](https://missale.online/biblia/en/3rg/3#text-558828010cd7e67a3b8c)

**Latin**

Responditque altera mulier : Non est ita ut dicis, sed filius tuus mortuus est, meus autem vivit. E contrario illa dicebat : Mentiris : filius quippe meus vivit, et filius tuus mortuus est. Atque in hunc modum contendebant coram rege.

**English**

This passage has not yet been translated.

[↗](https://missale.online/biblia/en/3rg/3#text-ec73ab42682871a72627)

**Latin**

Tunc rex ait : Hæc dicit : Filius meus vivit, et filius tuus mortuus est : et ista respondit : Non, sed filius tuus mortuus est, meus autem vivit.

**English**

This passage has not yet been translated.

[↗](https://missale.online/biblia/en/3rg/3#text-67cd7490abc0fa3b8079)

**Latin**

Dixit ergo rex : Afferte mihi gladium. Cumque attulissent gladium coram rege,

**English**

This passage has not yet been translated.

[↗](https://missale.online/biblia/en/3rg/3#text-3ac038d6962289bd3c26)

**Latin**

Dividite, inquit, infantem vivum in duas partes, et date dimidiam partem uni, et dimidiam partem alteri.

**English**

This passage has not yet been translated.

[↗](https://missale.online/biblia/en/3rg/3#text-2b08b45b7a9fd92ff7f8)

**Latin**

Dixit autem mulier, cujus filius erat vivus, ad regem (commota sunt quippe viscera ejus super filio suo) : Obsecro, domine, date illi infantem vivum, et nolite interficere eum. E contrario illa dicebat : Nec mihi nec tibi sit, sed dividatur.

**English**

This passage has not yet been translated.

[↗](https://missale.online/biblia/en/3rg/3#text-1b9b77d3fcc49350a3f4)

**Latin**

Respondit rex, et ait : Date huic infantem vivum, et non occidatur : hæc est enim mater ejus.

**English**

This passage has not yet been translated.

[↗](https://missale.online/biblia/en/3rg/3#text-21478efda9e3bd77c058)

**Latin**

Audivit itaque omnis Israël judicium quod judicasset rex, et timuerunt regem, videntes sapientiam Dei esse in eo ad faciendum judicium.

**English**

This passage has not yet been translated.