# 2 Kings · 1

> https://missale.online/biblia/en/4rg/1

## Verses

[↗](https://missale.online/biblia/en/4rg/1#text-738a397ca42f89be3041)

**Latin**

Prævaricatus est autem Moab in Israël, postquam mortuus est Achab.

**English**

This passage has not yet been translated.

[↗](https://missale.online/biblia/en/4rg/1#text-a431dc21500084281aad)

**Latin**

Ceciditque Ochozias per cancellos cœnaculi sui, quod habebat in Samaria, et ægrotavit : misitque nuntios, dicens ad eos : Ite, consulite Beelzebub deum Accaron, utrum vivere queam de infirmitate mea hac.

**English**

This passage has not yet been translated.

[↗](https://missale.online/biblia/en/4rg/1#text-51d615e65f2b8ce7b8f8)

**Latin**

Angelus autem Domini locutus est ad Eliam Thesbiten, dicens : Surge, et ascende in occursum nuntiorum regis Samariæ, et dices ad eos : Numquid non est Deus in Israël, ut eatis ad consulendum Beelzebub deum Accaron ?

**English**

This passage has not yet been translated.

[↗](https://missale.online/biblia/en/4rg/1#text-5d4da59ebdbb384b8c9f)

**Latin**

Quam ob rem hæc dicit Dominus : De lectulo, super quem ascendisti, non descendes, sed morte morieris. Et abiit Elias.

**English**

This passage has not yet been translated.

[↗](https://missale.online/biblia/en/4rg/1#text-c9a99567837d7d8a5257)

**Latin**

Reversique sunt nuntii ad Ochoziam. Qui dixit eis : Quare reversi estis ?

**English**

This passage has not yet been translated.

[↗](https://missale.online/biblia/en/4rg/1#text-db8941e9bfe92ba71d70)

**Latin**

At illi responderunt ei : Vir occurrit nobis, et dixit ad nos : Ite, et revertimini ad regem qui misit vos, et dicetis ei : Hæc dicit Dominus : Numquid quia non erat Deus in Israël, mittis ut consulatur Beelzebub deus Accaron ? idcirco de lectulo, super quem ascendisti, non descendes, sed morte morieris.

**English**

This passage has not yet been translated.

[↗](https://missale.online/biblia/en/4rg/1#text-d18c4bffa042bddf03b6)

**Latin**

Qui dixit eis : Cujus figuræ et habitus est vir ille, qui occurrit vobis, et locutus est verba hæc ?

**English**

This passage has not yet been translated.

[↗](https://missale.online/biblia/en/4rg/1#text-280b739fac2695c16a42)

**Latin**

At illi dixerunt : Vir pilosus, et zona pellicea accinctus renibus. Qui ait : Elias Thesbites est.

**English**

This passage has not yet been translated.

[↗](https://missale.online/biblia/en/4rg/1#text-3dd53cfa29a281509a99)

**Latin**

Misitque ad eum quinquagenarium principem, et quinquaginta qui erant sub eo. Qui ascendit ad eum : sedentique in vertice montis, ait : Homo Dei, rex præcepit ut descendas.

**English**

This passage has not yet been translated.

[↗](https://missale.online/biblia/en/4rg/1#text-c297fce5deb3b72375f2)

**Latin**

Respondensque Elias, dixit quinquagenario : Si homo Dei sum, descendat ignis de cælo, et devoret te, et quinquaginta tuos. Descendit itaque ignis de cælo, et devoravit eum, et quinquaginta qui erant cum eo.

**English**

This passage has not yet been translated.

[↗](https://missale.online/biblia/en/4rg/1#text-44b28169590526f68717)

**Latin**

Rursumque misit ad eum principem quinquagenarium alterum, et quinquaginta cum eo. Qui locutus est illi : Homo Dei, hæc dicit rex : Festina, descende.

**English**

This passage has not yet been translated.

[↗](https://missale.online/biblia/en/4rg/1#text-40022955d80a097e447c)

**Latin**

Respondens Elias, ait : Si homo Dei ego sum, descendat ignis de cælo, et devoret te, et quinquaginta tuos. Descendit ergo ignis de cælo, et devoravit illum, et quinquaginta ejus.

**English**

This passage has not yet been translated.

[↗](https://missale.online/biblia/en/4rg/1#text-9cddad593f73adeac016)

**Latin**

Iterum misit principem quinquagenarium tertium, et quinquaginta qui erant cum eo. Qui cum venisset, curvavit genua contra Eliam, et precatus est eum, et ait : Homo Dei, noli despicere animam meam, et animas servorum tuorum qui mecum sunt.

**English**

This passage has not yet been translated.

[↗](https://missale.online/biblia/en/4rg/1#text-77f0bcf628a6b2c6b32a)

**Latin**

Ecce descendit ignis de cælo, et devoravit duos principes quinquagenarios primos, et quinquagenos qui cum eis erant : sed nunc obsecro ut miserearis animæ meæ.

**English**

This passage has not yet been translated.

[↗](https://missale.online/biblia/en/4rg/1#text-e93f4ea4f81375c9a221)

**Latin**

Locutus est autem angelus Domini ad Eliam, dicens : Descende cum eo : ne timeas. Surrexit igitur, et descendit cum eo ad regem,

**English**

This passage has not yet been translated.

[↗](https://missale.online/biblia/en/4rg/1#text-ad0dbb7caa8136e57bff)

**Latin**

et locutus est ei : Hæc dicit Dominus : Quia misisti nuntios ad consulendum Beelzebub deum Accaron, quasi non esset Deus in Israël a quo posses interrogare sermonem, ideo de lectulo super quem ascendisti, non descendes, sed morte morieris.

**English**

This passage has not yet been translated.

[↗](https://missale.online/biblia/en/4rg/1#text-a344e3eeceed7e93233c)

**Latin**

Mortuus est ergo juxta sermonem Domini quem locutus est Elias, et regnavit Joram frater ejus pro eo, anno secundo Joram filii Josaphat regis Judæ : non enim habebat filium.

**English**

This passage has not yet been translated.

[↗](https://missale.online/biblia/en/4rg/1#text-292f98d53276b7e92ddb)

**Latin**

Reliqua autem verborum Ochoziæ quæ operatus est, nonne hæc scripta sunt in libro sermonum dierum regum Israël ?

**English**

This passage has not yet been translated.