# 2 Kings · 12 > https://missale.online/biblia/en/4rg/12 ## Verses [↗](https://missale.online/biblia/en/4rg/12#text-738a397ca42f89be3041) **Latin** Anno septimo Jehu, regnavit Joas : et quadraginta annis regnavit in Jerusalem. Nomen matris ejus Sebia de Bersabee. **English** This passage has not yet been translated. [↗](https://missale.online/biblia/en/4rg/12#text-a431dc21500084281aad) **Latin** Fecitque Joas rectum coram Domino cunctis diebus quibus docuit eum Jojada sacerdos. **English** This passage has not yet been translated. [↗](https://missale.online/biblia/en/4rg/12#text-51d615e65f2b8ce7b8f8) **Latin** Verumtamen excelsa non abstulit : adhuc enim populus immolabat, et adolebat in excelsis incensum. **English** This passage has not yet been translated. [↗](https://missale.online/biblia/en/4rg/12#text-5d4da59ebdbb384b8c9f) **Latin** Dixitque Joas ad sacerdotes : Omnem pecuniam sanctorum, quæ illata fuerit in templum Domini a prætereuntibus, quæ offertur pro pretio animæ, et quam sponte et arbitrio cordis sui inferunt in templum Domini : **English** This passage has not yet been translated. [↗](https://missale.online/biblia/en/4rg/12#text-c9a99567837d7d8a5257) **Latin** accipiant illam sacerdotes juxta ordinem suum, et instaurent sartatecta domus, si quid necessarium viderint instauratione. **English** This passage has not yet been translated. [↗](https://missale.online/biblia/en/4rg/12#text-db8941e9bfe92ba71d70) **Latin** Igitur usque ad vigesimum tertium annum regis Joas, non instauraverunt sacerdotes sartatecta templi. **English** This passage has not yet been translated. [↗](https://missale.online/biblia/en/4rg/12#text-d18c4bffa042bddf03b6) **Latin** Vocavitque rex Joas Jojadam pontificem et sacerdotes, dicens eis : Quare sartatecta non instauratis templi ? nolite ergo amplius accipere pecuniam juxta ordinem vestrum, sed ad instaurationem templi reddite eam. **English** This passage has not yet been translated. [↗](https://missale.online/biblia/en/4rg/12#text-280b739fac2695c16a42) **Latin** Prohibitique sunt sacerdotes ultra accipere pecuniam a populo, et instaurare sartatecta domus. **English** This passage has not yet been translated. [↗](https://missale.online/biblia/en/4rg/12#text-3dd53cfa29a281509a99) **Latin** Et tulit Jojada pontifex gazophylacium unum, aperuitque foramen desuper, et posuit illud juxta altare ad dexteram ingredientium domum Domini : mittebantque in eo sacerdotes qui custodiebant ostia, omnem pecuniam quæ deferebatur ad templum Domini. **English** This passage has not yet been translated. [↗](https://missale.online/biblia/en/4rg/12#text-c297fce5deb3b72375f2) **Latin** Cumque viderent nimiam pecuniam esse in gazophylacio, ascendebat scriba regis, et pontifex, effundebantque et numerabant pecuniam quæ inveniebatur in domo Domini : **English** This passage has not yet been translated. [↗](https://missale.online/biblia/en/4rg/12#text-44b28169590526f68717) **Latin** et dabant eam juxta numerum atque mensuram in manu eorum qui præerant cæmentariis domus Domini : qui impendebant eam in fabris lignorum et in cæmentariis, iis qui operabantur in domo Domini, **English** This passage has not yet been translated. [↗](https://missale.online/biblia/en/4rg/12#text-40022955d80a097e447c) **Latin** et sartatecta faciebant : et in iis qui cædebant saxa, et ut emerent ligna, et lapides, qui excidebantur, ita ut impleretur instauratio domus Domini in universis quæ indigebant expensa ad muniendam domum. **English** This passage has not yet been translated. [↗](https://missale.online/biblia/en/4rg/12#text-9cddad593f73adeac016) **Latin** Verumtamen non fiebant ex eadem pecunia hydriæ templi Domini, et fuscinulæ, et thuribula, et tubæ, et omne vas aureum et argenteum, de pecunia quæ inferebatur in templum Domini. **English** This passage has not yet been translated. [↗](https://missale.online/biblia/en/4rg/12#text-77f0bcf628a6b2c6b32a) **Latin** Iis enim qui faciebant opus, dabatur ut instauraretur templum Domini : **English** This passage has not yet been translated. [↗](https://missale.online/biblia/en/4rg/12#text-e93f4ea4f81375c9a221) **Latin** et non fiebat ratio iis hominibus qui accipiebant pecuniam ut distribuerent eam artificibus, sed in fide tractabant eam. **English** This passage has not yet been translated. [↗](https://missale.online/biblia/en/4rg/12#text-ad0dbb7caa8136e57bff) **Latin** Pecuniam vero pro delicto, et pecuniam pro peccatis non inferebant in templum Domini, quia sacerdotum erat. **English** This passage has not yet been translated. [↗](https://missale.online/biblia/en/4rg/12#text-a344e3eeceed7e93233c) **Latin** Tunc ascendit Hazaël rex Syriæ, et pugnabat contra Geth, cepitque eam : et direxit faciem suam ut ascenderet in Jerusalem. **English** This passage has not yet been translated. [↗](https://missale.online/biblia/en/4rg/12#text-292f98d53276b7e92ddb) **Latin** Quam ob rem tulit Joas rex Juda omnia sanctificata quæ consecraverant Josaphat, et Joram, et Ochozias, patres ejus reges Juda, et quæ ipse obtulerat : et universum argentum quod inveniri potuit in thesauris templi Domini et in palatio regis : misitque Hazaëli regi Syriæ, et recessit ab Jerusalem. **English** This passage has not yet been translated. [↗](https://missale.online/biblia/en/4rg/12#text-ea8c03b9efa00fc49552) **Latin** Reliqua autem sermonum Joas, et universa quæ fecit, nonne hæc scripta sunt in libro verborum dierum regum Juda ? **English** This passage has not yet been translated. [↗](https://missale.online/biblia/en/4rg/12#text-0b9188f9827bc9369014) **Latin** Surrexerunt autem servi ejus, et conjuraverunt inter se, percusseruntque Joas in domo Mello in descensu Sella. **English** This passage has not yet been translated. [↗](https://missale.online/biblia/en/4rg/12#text-4a377fb8b3ab2ddc2997) **Latin** Josachar namque filius Semaath, et Jozabad filius Somer servi ejus, percusserunt eum, et mortuus est : et sepelierunt eum cum patribus suis in civitate David : regnavitque Amasias filius ejus pro eo. **English** This passage has not yet been translated.