# 2 Kings · 6

> https://missale.online/biblia/en/4rg/6

## Verses

[↗](https://missale.online/biblia/en/4rg/6#text-738a397ca42f89be3041)

**Latin**

Dixerunt autem filii prophetarum ad Eliseum : Ecce locus in quo habitamus coram te, angustus est nobis.

**English**

This passage has not yet been translated.

[↗](https://missale.online/biblia/en/4rg/6#text-a431dc21500084281aad)

**Latin**

Eamus usque ad Jordanem, et tollant singuli de silva materias singulas, ut ædificemus nobis ibi locum ad habitandum. Qui dixit : Ite.

**English**

This passage has not yet been translated.

[↗](https://missale.online/biblia/en/4rg/6#text-51d615e65f2b8ce7b8f8)

**Latin**

Et ait unus ex illis : Veni ergo et tu cum servis tuis. Respondit : Ego veniam.

**English**

This passage has not yet been translated.

[↗](https://missale.online/biblia/en/4rg/6#text-5d4da59ebdbb384b8c9f)

**Latin**

Et abiit cum eis. Cumque venissent ad Jordanem, cædebant ligna.

**English**

This passage has not yet been translated.

[↗](https://missale.online/biblia/en/4rg/6#text-c9a99567837d7d8a5257)

**Latin**

Accidit autem ut cum unus materiam succidisset, caderet ferrum securis in aquam : exclamavitque ille, et ait : Heu ! heu ! heu ! domine mi : et hoc ipsum mutuo acceperam.

**English**

This passage has not yet been translated.

[↗](https://missale.online/biblia/en/4rg/6#text-db8941e9bfe92ba71d70)

**Latin**

Dixit autem homo Dei : Ubi cecidit ? At ille monstravit ei locum. Præcidit ergo lignum, et misit illuc : natavitque ferrum,

**English**

This passage has not yet been translated.

[↗](https://missale.online/biblia/en/4rg/6#text-d18c4bffa042bddf03b6)

**Latin**

et ait : Tolle. Qui extendit manum, et tulit illud.

**English**

This passage has not yet been translated.

[↗](https://missale.online/biblia/en/4rg/6#text-280b739fac2695c16a42)

**Latin**

Rex autem Syriæ pugnabat contra Israël, consiliumque iniit cum servis suis, dicens : In loco illo et illo ponamus insidias.

**English**

This passage has not yet been translated.

[↗](https://missale.online/biblia/en/4rg/6#text-3dd53cfa29a281509a99)

**Latin**

Misit itaque vir Dei ad regem Israël, dicens : Cave ne transeas in locum illum : quia ibi Syri in insidiis sunt.

**English**

This passage has not yet been translated.

[↗](https://missale.online/biblia/en/4rg/6#text-c297fce5deb3b72375f2)

**Latin**

Misit itaque rex Israël ad locum quem dixerat ei vir Dei, et præoccupavit eum, et observavit se ibi non semel neque bis.

**English**

This passage has not yet been translated.

[↗](https://missale.online/biblia/en/4rg/6#text-44b28169590526f68717)

**Latin**

Conturbatumque est cor regis Syriæ pro hac re : et convocatis servis suis, ait : Quare non indicatis mihi quis proditor mei sit apud regem Israël ?

**English**

This passage has not yet been translated.

[↗](https://missale.online/biblia/en/4rg/6#text-40022955d80a097e447c)

**Latin**

Dixitque unus servorum ejus : Nequaquam, domine mi rex, sed Eliseus propheta qui est in Israël, indicat regi Israël omnia verba quæcumque locutus fueris in conclavi tuo.

**English**

This passage has not yet been translated.

[↗](https://missale.online/biblia/en/4rg/6#text-9cddad593f73adeac016)

**Latin**

Dixitque eis : Ite, et videte ubi sit, ut mittam, et capiam eum. Annuntiaveruntque ei, dicentes : Ecce in Dothan.

**English**

This passage has not yet been translated.

[↗](https://missale.online/biblia/en/4rg/6#text-77f0bcf628a6b2c6b32a)

**Latin**

Misit ergo illuc equos et currus, et robur exercitus : qui cum venissent nocte, circumdederunt civitatem.

**English**

This passage has not yet been translated.

[↗](https://missale.online/biblia/en/4rg/6#text-e93f4ea4f81375c9a221)

**Latin**

Consurgens autem diluculo minister viri Dei, egressus vidit exercitum in circuitu civitatis, et equos et currus : nuntiavitque ei, dicens : Heu ! heu ! heu ! domine mi : quid faciemus ?

**English**

This passage has not yet been translated.

[↗](https://missale.online/biblia/en/4rg/6#text-ad0dbb7caa8136e57bff)

**Latin**

At ille respondit : Noli timere : plures enim nobiscum sunt, quam cum illis.

**English**

This passage has not yet been translated.

[↗](https://missale.online/biblia/en/4rg/6#text-a344e3eeceed7e93233c)

**Latin**

Cumque orasset Eliseus, ait : Domine, aperi oculos hujus, ut videat. Et aperuit Dominus oculos pueri, et vidit : et ecce mons plenus equorum et curruum igneorum in circuitu Elisei.

**English**

This passage has not yet been translated.

[↗](https://missale.online/biblia/en/4rg/6#text-292f98d53276b7e92ddb)

**Latin**

Hostes vero descenderunt ad eum : porro Eliseus oravit ad Dominum, dicens : Percute, obsecro, gentem hanc cæcitate. Percussitque eos Dominus ne viderent, juxta verbum Elisei.

**English**

This passage has not yet been translated.

[↗](https://missale.online/biblia/en/4rg/6#text-ea8c03b9efa00fc49552)

**Latin**

Dixit autem ad eos Eliseus : Non est hæc via, neque ista est civitas : sequimini me, et ostendam vobis virum quem quæritis. Duxit ergo eos in Samariam :

**English**

This passage has not yet been translated.

[↗](https://missale.online/biblia/en/4rg/6#text-0b9188f9827bc9369014)

**Latin**

cumque ingressi fuissent in Samariam, dixit Eliseus : Domine, aperi oculos istorum, ut videant. Aperuitque Dominus oculos eorum, et viderunt se esse in medio Samariæ.

**English**

This passage has not yet been translated.

[↗](https://missale.online/biblia/en/4rg/6#text-4a377fb8b3ab2ddc2997)

**Latin**

Dixitque rex Israël ad Eliseum, cum vidisset eos : Numquid percutiam eos, pater mi ?

**English**

This passage has not yet been translated.

[↗](https://missale.online/biblia/en/4rg/6#text-558828010cd7e67a3b8c)

**Latin**

At ille ait : Non percuties : neque enim cepisti eos gladio et arcu tuo, ut percutias : sed pone panem et aquam coram eis, ut comedant et bibant, et vadant ad dominum suum.

**English**

This passage has not yet been translated.

[↗](https://missale.online/biblia/en/4rg/6#text-ec73ab42682871a72627)

**Latin**

Appositaque est eis ciborum magna præparatio, et comederunt et biberunt, et dimisit eos, abieruntque ad dominum suum, et ultra non venerunt latrones Syriæ in terram Israël.

**English**

This passage has not yet been translated.

[↗](https://missale.online/biblia/en/4rg/6#text-67cd7490abc0fa3b8079)

**Latin**

Factum est autem post hæc, congregavit Benadad rex Syriæ universum exercitum suum, et ascendit, et obsidebat Samariam.

**English**

This passage has not yet been translated.

[↗](https://missale.online/biblia/en/4rg/6#text-3ac038d6962289bd3c26)

**Latin**

Factaque est fames magna in Samaria : et tamdiu obsessa est, donec venundaretur caput asini octoginta argenteis, et quarta pars cabi stercoris columbarum quinque argenteis.

**English**

This passage has not yet been translated.

[↗](https://missale.online/biblia/en/4rg/6#text-2b08b45b7a9fd92ff7f8)

**Latin**

Cumque rex Israël transiret per murum, mulier quædam exclamavit ad eum, dicens : Salva me, domine mi rex.

**English**

This passage has not yet been translated.

[↗](https://missale.online/biblia/en/4rg/6#text-1b9b77d3fcc49350a3f4)

**Latin**

Qui ait : Non te salvat Dominus : unde te possum salvare ? de area, vel de torculari ? Dixitque ad eam rex : Quid tibi vis ? Quæ respondit :

**English**

This passage has not yet been translated.

[↗](https://missale.online/biblia/en/4rg/6#text-21478efda9e3bd77c058)

**Latin**

Mulier ista dixit mihi : Da filium tuum, ut comedamus eum hodie, et filium meum comedemus cras.

**English**

This passage has not yet been translated.

[↗](https://missale.online/biblia/en/4rg/6#text-66af0bf07849f0763ec9)

**Latin**

Coximus ergo filium meum, et comedimus. Dixique ei die altera : Da filium tuum, ut comedamus eum. Quæ abscondit filium suum.

**English**

This passage has not yet been translated.

[↗](https://missale.online/biblia/en/4rg/6#text-8ce0bbceaab8ff918d3a)

**Latin**

Quod cum audisset rex, scidit vestimenta sua, et transibat per murum. Viditque omnis populus cilicium quo vestitus erat ad carnem intrinsecus.

**English**

This passage has not yet been translated.

[↗](https://missale.online/biblia/en/4rg/6#text-ccc106774904a733b00e)

**Latin**

Et ait rex : Hæc mihi faciat Deus, et hæc addat, si steterit caput Elisei filii Saphat super ipsum hodie.

**English**

This passage has not yet been translated.

[↗](https://missale.online/biblia/en/4rg/6#text-3885b8fb3f9b0c24fd89)

**Latin**

Eliseus autem sedebat in domo sua, et senes sedebant cum eo. Præmisit itaque virum : et antequam veniret nuntius ille, dixit ad senes : Numquid scitis quod miserit filius homicidæ hic, ut præcidatur caput meum ? videte ergo : cum venerit nuntius, claudite ostium, et non sinatis eum introire : ecce enim sonitus pedum domini ejus post eum est.

**English**

This passage has not yet been translated.

[↗](https://missale.online/biblia/en/4rg/6#text-578310eff006266469cc)

**Latin**

Adhuc illo loquente eis, apparuit nuntius qui veniebat ad eum. Et ait : Ecce, tantum malum a Domino est : quid amplius expectabo a Domino ?

**English**

This passage has not yet been translated.