# Acts · 13

> https://missale.online/biblia/en/act/13

## Verses

[↗](https://missale.online/biblia/en/act/13#text-738a397ca42f89be3041)

**Latin**

Erant autem in ecclesia quæ erat Antiochiæ, prophetæ et doctores, in quibus Barnabas, et Simon qui vocabatur Niger, et Lucius Cyrenensis, et Manahen, qui erat Herodis Tetrarchæ collactaneus, et Saulus.

**English**

This passage has not yet been translated.

[↗](https://missale.online/biblia/en/act/13#text-a431dc21500084281aad)

**Latin**

Ministrantibus autem illis Domino, et jejunantibus, dixit illis Spiritus Sanctus : Segregate mihi Saulum et Barnabam in opus ad quod assumpsi eos.

**English**

This passage has not yet been translated.

[↗](https://missale.online/biblia/en/act/13#text-51d615e65f2b8ce7b8f8)

**Latin**

Tunc jejunantes et orantes, imponentesque eis manus, dimiserunt illos.

**English**

This passage has not yet been translated.

[↗](https://missale.online/biblia/en/act/13#text-5d4da59ebdbb384b8c9f)

**Latin**

Et ipsi quidem missi a Spiritu Sancto abierunt Seleuciam : et inde navigaverunt Cyprum.

**English**

This passage has not yet been translated.

[↗](https://missale.online/biblia/en/act/13#text-c9a99567837d7d8a5257)

**Latin**

Et cum venissent Salaminam, prædicabant verbum Dei in synagogis Judæorum. Habebant autem et Joannem in ministerio.

**English**

This passage has not yet been translated.

[↗](https://missale.online/biblia/en/act/13#text-db8941e9bfe92ba71d70)

**Latin**

Et cum perambulassent universam insulam usque Paphum, invenerunt quemdam virum magum pseudoprophetam, Judæum, cui nomen erat Barjesu,

**English**

This passage has not yet been translated.

[↗](https://missale.online/biblia/en/act/13#text-d18c4bffa042bddf03b6)

**Latin**

qui erat cum proconsule Sergio Paulo viro prudente. Hic, accersitis Barnaba et Saulo, desiderabat audire verbum Dei.

**English**

This passage has not yet been translated.

[↗](https://missale.online/biblia/en/act/13#text-280b739fac2695c16a42)

**Latin**

Resistebat autem illis Elymas magus (sic enim interpretatur nomen ejus), quærens avertere proconsulem a fide.

**English**

This passage has not yet been translated.

[↗](https://missale.online/biblia/en/act/13#text-3dd53cfa29a281509a99)

**Latin**

Saulus autem, qui et Paulus, repletus Spiritu Sancto, intuens in eum,

**English**

This passage has not yet been translated.

[↗](https://missale.online/biblia/en/act/13#text-c297fce5deb3b72375f2)

**Latin**

dixit : O plene omni dolo et omni fallacia, fili diaboli, inimice omnis justitiæ, non desinis subvertere vias Domini rectas.

**English**

This passage has not yet been translated.

[↗](https://missale.online/biblia/en/act/13#text-44b28169590526f68717)

**Latin**

Et nunc ecce manus Domini super te, et eris cæcus, non videns solem usque ad tempus. Et confestim cecidit in eum caligo et tenebræ : et circuiens quærebat qui ei manum daret.

**English**

This passage has not yet been translated.

[↗](https://missale.online/biblia/en/act/13#text-40022955d80a097e447c)

**Latin**

Tunc proconsul cum vidisset factum, credidit admirans super doctrina Domini.

**English**

This passage has not yet been translated.

[↗](https://missale.online/biblia/en/act/13#text-9cddad593f73adeac016)

**Latin**

Et cum a Papho navigassent Paulus et qui cum eo erant, venerunt Pergen Pamphyliæ. Joannes autem discedens ab eis, reversus est Jerosolymam.

**English**

This passage has not yet been translated.

[↗](https://missale.online/biblia/en/act/13#text-77f0bcf628a6b2c6b32a)

**Latin**

Illi vero pertranseuntes Pergen, venerunt Antiochiam Pisidiæ : et ingressi synagogam die sabbatorum, sederunt.

**English**

This passage has not yet been translated.

[↗](https://missale.online/biblia/en/act/13#text-e93f4ea4f81375c9a221)

**Latin**

Post lectionem autem legis et prophetarum, miserunt principes synagogæ ad eos, dicentes : Viri fratres, si quis est in vobis sermo exhortationis ad plebem, dicite.

**English**

This passage has not yet been translated.

[↗](https://missale.online/biblia/en/act/13#text-ad0dbb7caa8136e57bff)

**Latin**

Surgens autem Paulus, et manu silentium indicens, ait : Viri Israëlitæ, et qui timetis Deum, audite :

**English**

This passage has not yet been translated.

[↗](https://missale.online/biblia/en/act/13#text-a344e3eeceed7e93233c)

**Latin**

Deus plebis Israël elegit patres nostros, et plebem exaltavit cum essent incolæ in terra Ægypti, et in brachio excelso eduxit eos ex ea,

**English**

This passage has not yet been translated.

[↗](https://missale.online/biblia/en/act/13#text-292f98d53276b7e92ddb)

**Latin**

et per quadraginta annorum tempus mores eorum sustinuit in deserto.

**English**

This passage has not yet been translated.

[↗](https://missale.online/biblia/en/act/13#text-ea8c03b9efa00fc49552)

**Latin**

Et destruens gentes septem in terra Chanaan, sorte distribuit eis terram eorum,

**English**

This passage has not yet been translated.

[↗](https://missale.online/biblia/en/act/13#text-0b9188f9827bc9369014)

**Latin**

quasi post quadringentos et quinquaginta annos : et post hæc dedit judices, usque ad Samuel prophetam.

**English**

This passage has not yet been translated.

[↗](https://missale.online/biblia/en/act/13#text-4a377fb8b3ab2ddc2997)

**Latin**

Et exinde postulaverunt regem : et dedit illis Deus Saul filium Cis, virum de tribu Benjamin, annis quadraginta :

**English**

This passage has not yet been translated.

[↗](https://missale.online/biblia/en/act/13#text-558828010cd7e67a3b8c)

**Latin**

et amoto illo, suscitavit illis David regem : cui testimonium perhibens, dixit : Inveni David filium Jesse, virum secundum cor meum, qui faciet omnes voluntates meas.

**English**

This passage has not yet been translated.

[↗](https://missale.online/biblia/en/act/13#text-ec73ab42682871a72627)

**Latin**

Hujus Deus ex semine secundum promissionem eduxit Israël salvatorem Jesum,

**English**

This passage has not yet been translated.

[↗](https://missale.online/biblia/en/act/13#text-67cd7490abc0fa3b8079)

**Latin**

prædicante Joanne ante faciem adventus ejus baptismum pœnitentiæ omni populo Israël.

**English**

This passage has not yet been translated.

[↗](https://missale.online/biblia/en/act/13#text-3ac038d6962289bd3c26)

**Latin**

Cum impleret autem Joannes cursum suum, dicebat : Quem me arbitramini esse, non sum ego : sed ecce venit post me, cujus non sum dignus calceamenta pedum solvere.

**English**

This passage has not yet been translated.

[↗](https://missale.online/biblia/en/act/13#text-2b08b45b7a9fd92ff7f8)

**Latin**

Viri fratres, filii generis Abraham, et qui in vobis timent Deum, vobis verbum salutis hujus missum est.

**English**

This passage has not yet been translated.

[↗](https://missale.online/biblia/en/act/13#text-1b9b77d3fcc49350a3f4)

**Latin**

Qui enim habitabant Jerusalem, et principes ejus hunc ignorantes, et voces prophetarum quæ per omne sabbatum leguntur, judicantes impleverunt,

**English**

This passage has not yet been translated.

[↗](https://missale.online/biblia/en/act/13#text-21478efda9e3bd77c058)

**Latin**

et nullam causam mortis invenientes in eo, petierunt a Pilato ut interficerent eum.

**English**

This passage has not yet been translated.

[↗](https://missale.online/biblia/en/act/13#text-66af0bf07849f0763ec9)

**Latin**

Cumque consummassent omnia quæ de eo scripta erant, deponentes eum de ligno, posuerunt eum in monumento.

**English**

This passage has not yet been translated.

[↗](https://missale.online/biblia/en/act/13#text-8ce0bbceaab8ff918d3a)

**Latin**

Deus vero suscitavit eum a mortuis tertia die : qui visus est per dies multos his

**English**

This passage has not yet been translated.

[↗](https://missale.online/biblia/en/act/13#text-ccc106774904a733b00e)

**Latin**

qui simul ascenderant cum eo de Galilæa in Jerusalem : qui usque nunc sunt testes ejus ad plebem.

**English**

This passage has not yet been translated.

[↗](https://missale.online/biblia/en/act/13#text-3885b8fb3f9b0c24fd89)

**Latin**

Et nos vobis annuntiamus eam, quæ ad patres nostros repromissio facta est :

**English**

This passage has not yet been translated.

[↗](https://missale.online/biblia/en/act/13#text-578310eff006266469cc)

**Latin**

quoniam hanc Deus adimplevit filiis nostris resuscitans Jesum, sicut et in psalmo secundo scriptum est : Filius meus es tu, ego hodie genui te.

**English**

This passage has not yet been translated.

[↗](https://missale.online/biblia/en/act/13#text-fe2917b9f5e3cb90d74f)

**Latin**

Quod autem suscitavit eum a mortuis, amplius jam non reversurum in corruptionem, ita dixit : Quia dabo vobis sancta David fidelia.

**English**

This passage has not yet been translated.

[↗](https://missale.online/biblia/en/act/13#text-79e5363277408edadf4d)

**Latin**

Ideoque et alias dicit : Non dabis sanctum tuum videre corruptionem.

**English**

This passage has not yet been translated.

[↗](https://missale.online/biblia/en/act/13#text-5f3b65a9d805032a9ee2)

**Latin**

David enim in sua generatione cum administrasset, voluntati Dei dormivit : et appositus est ad patres suos, et vidit corruptionem.

**English**

This passage has not yet been translated.

[↗](https://missale.online/biblia/en/act/13#text-762d295fd73e6f7c5976)

**Latin**

Quem vero Deus suscitavit a mortuis, non vidit corruptionem.

**English**

This passage has not yet been translated.

[↗](https://missale.online/biblia/en/act/13#text-cda9e96bec793da3010d)

**Latin**

Notum igitur sit vobis, viri fratres, quia per hunc vobis remissio peccatorum annuntiatur, et ab omnibus quibus non potuistis in lege Moysi justificari,

**English**

This passage has not yet been translated.

[↗](https://missale.online/biblia/en/act/13#text-c9ba0458566bc71ea2f2)

**Latin**

in hoc omnis qui credit, justificatur.

**English**

This passage has not yet been translated.

[↗](https://missale.online/biblia/en/act/13#text-0a338341cf79beb16c8c)

**Latin**

Videte ergo ne superveniat vobis quod dictum est in prophetis :

**English**

This passage has not yet been translated.

[↗](https://missale.online/biblia/en/act/13#text-4f0f2d4b48873fb3fb7d)

**Latin**

Videte contemptores, et admiramini, et disperdimini :
quia opus operor ego in diebus vestris,
opus quod non credetis, si quis enarraverit vobis.

**English**

This passage has not yet been translated.

[↗](https://missale.online/biblia/en/act/13#text-fc584dea5d0f34768064)

**Latin**

Exeuntibus autem illis rogabant ut sequenti sabbato loquerentur sibi verba hæc.

**English**

This passage has not yet been translated.

[↗](https://missale.online/biblia/en/act/13#text-1d4c9d6a2b609d4d8862)

**Latin**

Cumque dimissa esset synagoga, secuti sunt multi Judæorum, et colentium advenarum, Paulum et Barnabam : qui loquentes suadebant eis ut permanerent in gratia Dei.

**English**

This passage has not yet been translated.

[↗](https://missale.online/biblia/en/act/13#text-19e6b234a9c4be7552a1)

**Latin**

Sequenti vero sabbato pene universa civitas convenit audire verbum Dei.

**English**

This passage has not yet been translated.

[↗](https://missale.online/biblia/en/act/13#text-bd57201e01a06d00b9fb)

**Latin**

Videntes autem turbas Judæi, repleti sunt zelo, et contradicebant his quæ a Paulo dicebantur, blasphemantes.

**English**

This passage has not yet been translated.

[↗](https://missale.online/biblia/en/act/13#text-73f4c9ab3d7f51b5198b)

**Latin**

Tunc constanter Paulus et Barnabas dixerunt : Vobis oportebat primum loqui verbum Dei : sed quoniam repellitis illud, et indignos vos judicatis æternæ vitæ, ecce convertimur ad gentes.

**English**

This passage has not yet been translated.

[↗](https://missale.online/biblia/en/act/13#text-523c85936a7443f13d60)

**Latin**

Sic enim præcepit nobis Dominus : Posui te in lucem gentium, ut sis in salutem usque ad extremum terræ.

**English**

This passage has not yet been translated.

[↗](https://missale.online/biblia/en/act/13#text-22c467dc90ab9559a57d)

**Latin**

Audientes autem gentes, gavisæ sunt, et glorificabant verbum Domini : et crediderunt quotquot erant præordinati ad vitam æternam.

**English**

This passage has not yet been translated.

[↗](https://missale.online/biblia/en/act/13#text-5bd5d3b5b9a9e19b5ca1)

**Latin**

Disseminabatur autem verbum Domini per universam regionem.

**English**

This passage has not yet been translated.

[↗](https://missale.online/biblia/en/act/13#text-84579d698f74cd639acf)

**Latin**

Judæi autem concitaverunt mulieres religiosas et honestas, et primos civitatis, et excitaverunt persecutionem in Paulum et Barnabam : et ejecerunt eos de finibus suis.

**English**

This passage has not yet been translated.

[↗](https://missale.online/biblia/en/act/13#text-576bcb50ed015fcf75b0)

**Latin**

At illi excusso pulvere pedum in eos, venerunt Iconium.

**English**

This passage has not yet been translated.

[↗](https://missale.online/biblia/en/act/13#text-4aff594e28dd82b02772)

**Latin**

Discipuli quoque replebantur gaudio, et Spiritu Sancto.

**English**

This passage has not yet been translated.