# Acts · 19

> https://missale.online/biblia/en/act/19

## Verses

[↗](https://missale.online/biblia/en/act/19#text-738a397ca42f89be3041)

**Latin**

Factum est autem cum Apollo esset Corinthi, ut Paulus peragratis superioribus partibus veniret Ephesum, et inveniret quosdam discipulos :

**English**

This passage has not yet been translated.

[↗](https://missale.online/biblia/en/act/19#text-a431dc21500084281aad)

**Latin**

dixitque ad eos : Si Spiritum Sanctum accepistis credentes ? At illi dixerunt ad eum : Sed neque si Spiritus Sanctus est, audivimus.

**English**

This passage has not yet been translated.

[↗](https://missale.online/biblia/en/act/19#text-51d615e65f2b8ce7b8f8)

**Latin**

Ille vero ait : In quo ergo baptizati estis ? Qui dixerunt : In Joannis baptismate.

**English**

This passage has not yet been translated.

[↗](https://missale.online/biblia/en/act/19#text-5d4da59ebdbb384b8c9f)

**Latin**

Dixit autem Paulus : Joannes baptizavit baptismo pœnitentiæ populum, dicens in eum qui venturus esset post ipsum ut crederent, hoc est, in Jesum.

**English**

This passage has not yet been translated.

[↗](https://missale.online/biblia/en/act/19#text-c9a99567837d7d8a5257)

**Latin**

His auditis, baptizati sunt in nomine Domini Jesu.

**English**

This passage has not yet been translated.

[↗](https://missale.online/biblia/en/act/19#text-db8941e9bfe92ba71d70)

**Latin**

Et cum imposuisset illis manus Paulus, venit Spiritus Sanctus super eos, et loquebantur linguis, et prophetabant.

**English**

This passage has not yet been translated.

[↗](https://missale.online/biblia/en/act/19#text-d18c4bffa042bddf03b6)

**Latin**

Erant autem omnes viri fere duodecim.

**English**

This passage has not yet been translated.

[↗](https://missale.online/biblia/en/act/19#text-280b739fac2695c16a42)

**Latin**

Introgressus autem synagogam, cum fiducia loquebatur per tres menses, disputans et suadens de regno Dei.

**English**

This passage has not yet been translated.

[↗](https://missale.online/biblia/en/act/19#text-3dd53cfa29a281509a99)

**Latin**

Cum autem quidam indurarentur, et non crederent, maledicentes viam Domini coram multitudine, discedens ab eis, segregavit discipulos, quotidie disputans in schola tyranni cujusdam.

**English**

This passage has not yet been translated.

[↗](https://missale.online/biblia/en/act/19#text-c297fce5deb3b72375f2)

**Latin**

Hoc autem factum est per biennium, ita ut omnes qui habitabant in Asia audirent verbum Domini, Judæi atque gentiles.

**English**

This passage has not yet been translated.

[↗](https://missale.online/biblia/en/act/19#text-44b28169590526f68717)

**Latin**

Virtutesque non quaslibet faciebat Deus per manum Pauli,

**English**

This passage has not yet been translated.

[↗](https://missale.online/biblia/en/act/19#text-40022955d80a097e447c)

**Latin**

ita ut etiam super languidos deferrentur a corpore ejus sudaria et semicinctia, et recedebant ab eis languores, et spiritus nequam egrediebantur.

**English**

This passage has not yet been translated.

[↗](https://missale.online/biblia/en/act/19#text-9cddad593f73adeac016)

**Latin**

Tentaverunt autem quidam et de circumeuntibus Judæis exorcistis invocare super eos qui habebant spiritus malos nomen Domini Jesu, dicentes : Adjuro vos per Jesum, quem Paulus prædicat.

**English**

This passage has not yet been translated.

[↗](https://missale.online/biblia/en/act/19#text-77f0bcf628a6b2c6b32a)

**Latin**

Erant autem quidam Judæi, Scevæ principis sacerdotum septem filii, qui hoc faciebant.

**English**

This passage has not yet been translated.

[↗](https://missale.online/biblia/en/act/19#text-e93f4ea4f81375c9a221)

**Latin**

Respondens autem spiritus nequam dixit eis : Jesum novi, et Paulum scio : vos autem qui estis ?

**English**

This passage has not yet been translated.

[↗](https://missale.online/biblia/en/act/19#text-ad0dbb7caa8136e57bff)

**Latin**

Et insiliens in eos homo, in quo erat dæmonium pessimum, et dominatus amborum, invaluit contra eos, ita ut nudi et vulnerati effugerent de domo illa.

**English**

This passage has not yet been translated.

[↗](https://missale.online/biblia/en/act/19#text-a344e3eeceed7e93233c)

**Latin**

Hoc autem notum factum est omnibus Judæis, atque gentilibus qui habitabant Ephesi : et cecidit timor super omnes illos, et magnificabatur nomen Domini Jesu.

**English**

This passage has not yet been translated.

[↗](https://missale.online/biblia/en/act/19#text-292f98d53276b7e92ddb)

**Latin**

Multique credentium veniebant, confitentes et annuntiantes actus suos.

**English**

This passage has not yet been translated.

[↗](https://missale.online/biblia/en/act/19#text-ea8c03b9efa00fc49552)

**Latin**

Multi autem ex eis, qui fuerant curiosa sectati, contulerunt libros, et combusserunt coram omnibus : et computatis pretiis illorum, invenerunt pecuniam denariorum quinquaginta millium.

**English**

This passage has not yet been translated.

[↗](https://missale.online/biblia/en/act/19#text-0b9188f9827bc9369014)

**Latin**

Ita fortiter crescebat verbum Dei, et confirmabatur.

**English**

This passage has not yet been translated.

[↗](https://missale.online/biblia/en/act/19#text-4a377fb8b3ab2ddc2997)

**Latin**

His autem expletis, proposuit Paulus in Spiritu, transita Macedonia et Achaia, ire Jerosolymam, dicens : Quoniam postquam fuero ibi, oportet me et Romam videre.

**English**

This passage has not yet been translated.

[↗](https://missale.online/biblia/en/act/19#text-558828010cd7e67a3b8c)

**Latin**

Mittens autem in Macedoniam duos ex ministrantibus sibi, Timotheum et Erastum, ipse remansit ad tempus in Asia.

**English**

This passage has not yet been translated.

[↗](https://missale.online/biblia/en/act/19#text-ec73ab42682871a72627)

**Latin**

Facta est autem illo tempore turbatio non minima de via Domini.

**English**

This passage has not yet been translated.

[↗](https://missale.online/biblia/en/act/19#text-67cd7490abc0fa3b8079)

**Latin**

Demetrius enim quidam nomine, argentarius, faciens ædes argenteas Dianæ, præstabat artificibus non modicum quæstum :

**English**

This passage has not yet been translated.

[↗](https://missale.online/biblia/en/act/19#text-3ac038d6962289bd3c26)

**Latin**

quos convocans, et eos qui hujusmodi erant opifices, dixit : Viri, scitis quia de hoc artificio est nobis acquisitio :

**English**

This passage has not yet been translated.

[↗](https://missale.online/biblia/en/act/19#text-2b08b45b7a9fd92ff7f8)

**Latin**

et videtis et auditis quia non solum Ephesi, sed pene totius Asiæ, Paulus hic suadens avertit multam turbam, dicens : Quoniam non sunt dii, qui manibus fiunt.

**English**

This passage has not yet been translated.

[↗](https://missale.online/biblia/en/act/19#text-1b9b77d3fcc49350a3f4)

**Latin**

Non solum autem hæc periclitabitur nobis pars in redargutionem venire, sed et magnæ Dianæ templum in nihilum reputabitur, sed et destrui incipiet majestas ejus, quam tota Asia et orbis colit.

**English**

This passage has not yet been translated.

[↗](https://missale.online/biblia/en/act/19#text-21478efda9e3bd77c058)

**Latin**

His auditis, repleti sunt ira, et exclamaverunt dicentes : Magna Diana Ephesiorum.

**English**

This passage has not yet been translated.

[↗](https://missale.online/biblia/en/act/19#text-66af0bf07849f0763ec9)

**Latin**

Et impleta est civitas confusione, et impetum fecerunt uno animo in theatrum, rapto Gajo et Aristarcho Macedonibus, comitibus Pauli.

**English**

This passage has not yet been translated.

[↗](https://missale.online/biblia/en/act/19#text-8ce0bbceaab8ff918d3a)

**Latin**

Paulo autem volente intrare in populum, non permiserunt discipuli.

**English**

This passage has not yet been translated.

[↗](https://missale.online/biblia/en/act/19#text-ccc106774904a733b00e)

**Latin**

Quidam autem et de Asiæ principibus, qui erant amici ejus, miserunt ad eum rogantes ne se daret in theatrum :

**English**

This passage has not yet been translated.

[↗](https://missale.online/biblia/en/act/19#text-3885b8fb3f9b0c24fd89)

**Latin**

alii autem aliud clamabant. Erat enim ecclesia confusa : et plures nesciebant qua ex causa convenissent.

**English**

This passage has not yet been translated.

[↗](https://missale.online/biblia/en/act/19#text-578310eff006266469cc)

**Latin**

De turba autem detraxerunt Alexandrum, propellentibus eum Judæis. Alexander autem manu silentio postulato, volebat reddere rationem populo.

**English**

This passage has not yet been translated.

[↗](https://missale.online/biblia/en/act/19#text-fe2917b9f5e3cb90d74f)

**Latin**

Quem ut cognoverunt Judæum esse, vox facta una est omnium, quasi per horas duas clamantium : Magna Diana Ephesiorum.

**English**

This passage has not yet been translated.

[↗](https://missale.online/biblia/en/act/19#text-79e5363277408edadf4d)

**Latin**

Et cum sedasset scriba turbas, dixit : Viri Ephesii, quis enim est hominum, qui nesciat Ephesiorum civitatem cultricem esse magnæ Dianæ, Jovisque prolis ?

**English**

This passage has not yet been translated.

[↗](https://missale.online/biblia/en/act/19#text-5f3b65a9d805032a9ee2)

**Latin**

Cum ergo his contradici non possit, oportet vos sedatos esse, et nihil temere agere.

**English**

This passage has not yet been translated.

[↗](https://missale.online/biblia/en/act/19#text-762d295fd73e6f7c5976)

**Latin**

Adduxistis enim homines istos, neque sacrilegos, neque blasphemantes deam vestram.

**English**

This passage has not yet been translated.

[↗](https://missale.online/biblia/en/act/19#text-cda9e96bec793da3010d)

**Latin**

Quod si Demetrius et qui cum eo sunt artifices, habent adversus aliquem causam, conventus forenses aguntur, et proconsules sunt : accusent invicem.

**English**

This passage has not yet been translated.

[↗](https://missale.online/biblia/en/act/19#text-c9ba0458566bc71ea2f2)

**Latin**

Si quid autem alterius rei quæritis, in legitima ecclesia poterit absolvi.

**English**

This passage has not yet been translated.

[↗](https://missale.online/biblia/en/act/19#text-0a338341cf79beb16c8c)

**Latin**

Nam et periclitamur argui seditionis hodiernæ, cum nullus obnoxius sit de quo possimus reddere rationem concursus istius. Et cum hæc dixisset, dimisit ecclesiam.

**English**

This passage has not yet been translated.