# Acts · 22

> https://missale.online/biblia/en/act/22

## Verses

[↗](https://missale.online/biblia/en/act/22#text-738a397ca42f89be3041)

**Latin**

Viri fratres, et patres, audite quam ad vos nunc reddo rationem.

**English**

This passage has not yet been translated.

[↗](https://missale.online/biblia/en/act/22#text-a431dc21500084281aad)

**Latin**

Cum audissent autem quia hebræa lingua loqueretur ad illos, magis præstiterunt silentium.

**English**

This passage has not yet been translated.

[↗](https://missale.online/biblia/en/act/22#text-51d615e65f2b8ce7b8f8)

**Latin**

Et dicit : Ego sum vir Judæus, natus in Tarso Ciliciæ, nutritus autem in ista civitate, secus pedes Gamaliel eruditus juxta veritatem paternæ legis, æmulator legis, sicut et vos omnes estis hodie :

**English**

This passage has not yet been translated.

[↗](https://missale.online/biblia/en/act/22#text-5d4da59ebdbb384b8c9f)

**Latin**

qui hanc viam persecutus sum usque ad mortem, alligans et tradens in custodias viros ac mulieres,

**English**

This passage has not yet been translated.

[↗](https://missale.online/biblia/en/act/22#text-c9a99567837d7d8a5257)

**Latin**

sicut princeps sacerdotum mihi testimonium reddit, et omnes majores natu : a quibus et epistolas accipiens, ad fratres Damascum pergebam, ut adducerem inde vinctos in Jerusalem ut punirentur.

**English**

This passage has not yet been translated.

[↗](https://missale.online/biblia/en/act/22#text-db8941e9bfe92ba71d70)

**Latin**

Factum est autem, eunte me, et appropinquante Damasco media die, subito de cælo circumfulsit me lux copiosa :

**English**

This passage has not yet been translated.

[↗](https://missale.online/biblia/en/act/22#text-d18c4bffa042bddf03b6)

**Latin**

et decidens in terram, audivi vocem dicentem mihi : Saule, Saule, quid me persequeris ?

**English**

This passage has not yet been translated.

[↗](https://missale.online/biblia/en/act/22#text-280b739fac2695c16a42)

**Latin**

Ego autem respondi : Quis es, domine ? Dixitque ad me : Ego sum Jesus Nazarenus, quem tu persequeris.

**English**

This passage has not yet been translated.

[↗](https://missale.online/biblia/en/act/22#text-3dd53cfa29a281509a99)

**Latin**

Et qui mecum erant, lumen quidem viderunt, vocem autem non audierunt ejus qui loquebatur mecum.

**English**

This passage has not yet been translated.

[↗](https://missale.online/biblia/en/act/22#text-c297fce5deb3b72375f2)

**Latin**

Et dixi : Quid faciam, domine ? Dominus autem dixit ad me : Surgens vade Damascum : et ibi tibi dicetur de omnibus quæ te oporteat facere.

**English**

This passage has not yet been translated.

[↗](https://missale.online/biblia/en/act/22#text-44b28169590526f68717)

**Latin**

Et cum non viderem præ claritate luminis illius, ad manum deductus a comitibus, veni Damascum.

**English**

This passage has not yet been translated.

[↗](https://missale.online/biblia/en/act/22#text-40022955d80a097e447c)

**Latin**

Ananias autem quidam vir secundum legem, testimonium habens ab omnibus cohabitantibus Judæis,

**English**

This passage has not yet been translated.

[↗](https://missale.online/biblia/en/act/22#text-9cddad593f73adeac016)

**Latin**

veniens ad me et astans, dixit mihi : Saule frater, respice. Et ego eadem hora respexi in eum.

**English**

This passage has not yet been translated.

[↗](https://missale.online/biblia/en/act/22#text-77f0bcf628a6b2c6b32a)

**Latin**

At ille dixit : Deus patrum nostrorum præordinavit te, ut cognosceres voluntatem ejus, et videres justum, et audires vocem ex ore ejus :

**English**

This passage has not yet been translated.

[↗](https://missale.online/biblia/en/act/22#text-e93f4ea4f81375c9a221)

**Latin**

quia eris testis illius ad omnes homines eorum quæ vidisti et audisti.

**English**

This passage has not yet been translated.

[↗](https://missale.online/biblia/en/act/22#text-ad0dbb7caa8136e57bff)

**Latin**

Et nunc quid moraris ? Exsurge, et baptizare, et ablue peccata tua, invocato nomine ipsius.

**English**

This passage has not yet been translated.

[↗](https://missale.online/biblia/en/act/22#text-a344e3eeceed7e93233c)

**Latin**

Factum est autem revertenti mihi in Jerusalem, et oranti in templo, fieri me in stupore mentis,

**English**

This passage has not yet been translated.

[↗](https://missale.online/biblia/en/act/22#text-292f98d53276b7e92ddb)

**Latin**

et videre illum dicentem mihi : Festina, et exi velociter ex Jerusalem : quoniam non recipient testimonium tuum de me.

**English**

This passage has not yet been translated.

[↗](https://missale.online/biblia/en/act/22#text-ea8c03b9efa00fc49552)

**Latin**

Et ego dixi : Domine, ipsi sciunt quia ego eram concludens in carcerem, et cædens per synagogas eos qui credebant in te :

**English**

This passage has not yet been translated.

[↗](https://missale.online/biblia/en/act/22#text-0b9188f9827bc9369014)

**Latin**

et cum funderetur sanguis Stephani testis tui, ego astabam, et consentiebam, et custodiebam vestimenta interficientium illum.

**English**

This passage has not yet been translated.

[↗](https://missale.online/biblia/en/act/22#text-4a377fb8b3ab2ddc2997)

**Latin**

Et dixit ad me : Vade, quoniam ego in nationes longe mittam te.

**English**

This passage has not yet been translated.

[↗](https://missale.online/biblia/en/act/22#text-558828010cd7e67a3b8c)

**Latin**

Audiebant autem eum usque ad hoc verbum, et levaverunt vocem suam, dicentes : Tolle de terra hujusmodi : non enim fas est eum vivere.

**English**

This passage has not yet been translated.

[↗](https://missale.online/biblia/en/act/22#text-ec73ab42682871a72627)

**Latin**

Vociferantibus autem eis, et projicientibus vestimenta sua, et pulverem jactantibus in aërem,

**English**

This passage has not yet been translated.

[↗](https://missale.online/biblia/en/act/22#text-67cd7490abc0fa3b8079)

**Latin**

jussit tribunus induci eum in castra, et flagellis cædi, et torqueri eum, ut sciret propter quam causam sic acclamarent ei.

**English**

This passage has not yet been translated.

[↗](https://missale.online/biblia/en/act/22#text-3ac038d6962289bd3c26)

**Latin**

Et cum astrinxissent eum loris, dicit astanti sibi centurioni Paulus : Si hominem Romanum et indemnatum licet vobis flagellare ?

**English**

This passage has not yet been translated.

[↗](https://missale.online/biblia/en/act/22#text-2b08b45b7a9fd92ff7f8)

**Latin**

Quo audito, centurio accessit ad tribunum, et nuntiavit ei, dicens : Quid acturus es ? hic enim homo civis Romanus est.

**English**

This passage has not yet been translated.

[↗](https://missale.online/biblia/en/act/22#text-1b9b77d3fcc49350a3f4)

**Latin**

Accedens autem tribunus, dixit illi : Dic mihi si tu Romanus es ? At ille dixit : Etiam.

**English**

This passage has not yet been translated.

[↗](https://missale.online/biblia/en/act/22#text-21478efda9e3bd77c058)

**Latin**

Et respondit tribunus : Ego multa summa civilitatem hanc consecutus sum. Et Paulus ait : Ego autem et natus sum.

**English**

This passage has not yet been translated.

[↗](https://missale.online/biblia/en/act/22#text-66af0bf07849f0763ec9)

**Latin**

Protinus ergo discesserunt ab illo qui eum torturi erant. Tribunus quoque timuit postquam rescivit, quia civis Romanus esset, et quia alligasset eum.

**English**

This passage has not yet been translated.

[↗](https://missale.online/biblia/en/act/22#text-8ce0bbceaab8ff918d3a)

**Latin**

Postera autem die volens scire diligentius qua ex causa accusaretur a Judæis, solvit eum, et jussit sacerdotes convenire, et omne concilium : et producens Paulum, statuit inter illos.

**English**

This passage has not yet been translated.