# Revelation · 14

> https://missale.online/biblia/en/apc/14

## Verses

[↗](https://missale.online/biblia/en/apc/14#text-738a397ca42f89be3041)

**Latin**

Et vidi : et ecce Agnus stabat supra montem Sion, et cum eo centum quadraginta quatuor millia, habentes nomen ejus, et nomen Patris ejus scriptum in frontibus suis.

**English**

This passage has not yet been translated.

[↗](https://missale.online/biblia/en/apc/14#text-a431dc21500084281aad)

**Latin**

Et audivi vocem de cælo, tamquam vocem aquarum multarum, et tamquam vocem tonitrui magni : et vocem, quam audivi, sicut citharœdorum citharizantium in citharis suis.

**English**

This passage has not yet been translated.

[↗](https://missale.online/biblia/en/apc/14#text-51d615e65f2b8ce7b8f8)

**Latin**

Et cantabant quasi canticum novum ante sedem, et ante quatuor animalia, et seniores : et nemo poterat dicere canticum, nisi illa centum quadraginta quatuor millia, qui empti sunt de terra.

**English**

This passage has not yet been translated.

[↗](https://missale.online/biblia/en/apc/14#text-5d4da59ebdbb384b8c9f)

**Latin**

Hi sunt, qui cum mulieribus non sunt coinquinati : virgines enim sunt. Hi sequuntur Agnum quocumque ierit. Hi empti sunt ex hominibus primitiæ Deo, et Agno :

**English**

This passage has not yet been translated.

[↗](https://missale.online/biblia/en/apc/14#text-c9a99567837d7d8a5257)

**Latin**

et in ore eorum non est inventum mendacium : sine macula enim sunt ante thronum Dei.

**English**

This passage has not yet been translated.

[↗](https://missale.online/biblia/en/apc/14#text-db8941e9bfe92ba71d70)

**Latin**

Et vidi alterum angelum volantem per medium cæli, habentem Evangelium æternum, ut evangelizaret sedentibus super terram, et super omnem gentem, et tribum, et linguam, et populum :

**English**

This passage has not yet been translated.

[↗](https://missale.online/biblia/en/apc/14#text-d18c4bffa042bddf03b6)

**Latin**

dicens magna voce : Timete Dominum, et date illi honorem, quia venit hora judicii ejus : et adorate eum, qui fecit cælum, et terram, mare, et fontes aquarum.

**English**

This passage has not yet been translated.

[↗](https://missale.online/biblia/en/apc/14#text-280b739fac2695c16a42)

**Latin**

Et alius angelus secutus est dicens : Cecidit, cecidit Babylon illa magna : quæ a vino iræ fornicationis suæ potavit omnes gentes.

**English**

This passage has not yet been translated.

[↗](https://missale.online/biblia/en/apc/14#text-3dd53cfa29a281509a99)

**Latin**

Et tertius angelus secutus est illos, dicens voce magna : Si quis adoraverit bestiam, et imaginem ejus, et acceperit caracterem in fronte sua, aut in manu sua :

**English**

This passage has not yet been translated.

[↗](https://missale.online/biblia/en/apc/14#text-c297fce5deb3b72375f2)

**Latin**

et hic bibet de vino iræ Dei, quod mistum est mero in calice iræ ipsius, et cruciabitur igne, et sulphure in conspectu angelorum sanctorum, et ante conspectum Agni :

**English**

This passage has not yet been translated.

[↗](https://missale.online/biblia/en/apc/14#text-44b28169590526f68717)

**Latin**

et fumus tormentorum eorum ascendet in sæcula sæculorum : nec habent requiem die ac nocte, qui adoraverunt bestiam, et imaginem ejus, et si quis acceperit caracterem nominis ejus.

**English**

This passage has not yet been translated.

[↗](https://missale.online/biblia/en/apc/14#text-40022955d80a097e447c)

**Latin**

Hic patientia sanctorum est, qui custodiunt mandata Dei, et fidem Jesu.

**English**

This passage has not yet been translated.

[↗](https://missale.online/biblia/en/apc/14#text-9cddad593f73adeac016)

**Latin**

Et audivi vocem de cælo, dicentem mihi : Scribe : Beati mortui qui in Domino moriuntur. Amodo jam dicit Spiritus, ut requiescant a laboribus suis : opera enim illorum sequuntur illos.

**English**

This passage has not yet been translated.

[↗](https://missale.online/biblia/en/apc/14#text-77f0bcf628a6b2c6b32a)

**Latin**

Et vidi : et ecce nubem candidam, et super nubem sedentem similem Filio hominis, habentem in capite suo coronam auream, et in manu sua falcem acutam.

**English**

This passage has not yet been translated.

[↗](https://missale.online/biblia/en/apc/14#text-e93f4ea4f81375c9a221)

**Latin**

Et alius angelus exivit de templo, clamans voce magna ad sedentem super nubem : Mitte falcem tuam, et mete, quia venit hora ut metatur, quoniam aruit messis terræ.

**English**

This passage has not yet been translated.

[↗](https://missale.online/biblia/en/apc/14#text-ad0dbb7caa8136e57bff)

**Latin**

Et misit qui sedebat super nubem, falcem suam in terram, et demessa est terra.

**English**

This passage has not yet been translated.

[↗](https://missale.online/biblia/en/apc/14#text-a344e3eeceed7e93233c)

**Latin**

Et alius angelus exivit de templo, quod est in cælo, habens et ipse falcem acutam.

**English**

This passage has not yet been translated.

[↗](https://missale.online/biblia/en/apc/14#text-292f98d53276b7e92ddb)

**Latin**

Et alius angelus exivit de altari, qui habebat potestatem supra ignem : et clamavit voce magna ad eum qui habebat falcem acutam, dicens : Mitte falcem tuam acutam, et vindemia botros vineæ terræ : quoniam maturæ sunt uvæ ejus.

**English**

This passage has not yet been translated.

[↗](https://missale.online/biblia/en/apc/14#text-ea8c03b9efa00fc49552)

**Latin**

Et misit angelus falcem suam acutam in terram, et vindemiavit vineam terræ, et misit in lacum iræ Dei magnum :

**English**

This passage has not yet been translated.

[↗](https://missale.online/biblia/en/apc/14#text-0b9188f9827bc9369014)

**Latin**

et calcatus est lacus extra civitatem, et exivit sanguis de lacu usque ad frenos equorum per stadia mille sexcenta.

**English**

This passage has not yet been translated.