# Revelation · 19

> https://missale.online/biblia/en/apc/19

## Verses

[↗](https://missale.online/biblia/en/apc/19#text-738a397ca42f89be3041)

**Latin**

Post hæc audivi quasi vocem turbarum multarum in cælo dicentium : Alleluja : salus, et gloria, et virtus Deo nostro est :

**English**

This passage has not yet been translated.

[↗](https://missale.online/biblia/en/apc/19#text-a431dc21500084281aad)

**Latin**

quia vera et justa judicia sunt ejus, qui judicavit de meretrice magna, quæ corrupit terram in prostitutione sua, et vindicavit sanguinem servorum suorum de manibus ejus.

**English**

This passage has not yet been translated.

[↗](https://missale.online/biblia/en/apc/19#text-51d615e65f2b8ce7b8f8)

**Latin**

Et iterum dixerunt : Alleluja. Et fumus ejus ascendit in sæcula sæculorum.

**English**

This passage has not yet been translated.

[↗](https://missale.online/biblia/en/apc/19#text-5d4da59ebdbb384b8c9f)

**Latin**

Et ceciderunt seniores viginti quatuor, et quatuor animalia, et adoraverunt Deum sedentem super thronum, dicentes : Amen : alleluja.

**English**

This passage has not yet been translated.

[↗](https://missale.online/biblia/en/apc/19#text-c9a99567837d7d8a5257)

**Latin**

Et vox de throno exivit, dicens : Laudem dicite Deo nostro omnes servi ejus : et qui timetis eum pusilli et magni.

**English**

This passage has not yet been translated.

[↗](https://missale.online/biblia/en/apc/19#text-db8941e9bfe92ba71d70)

**Latin**

Et audivi quasi vocem turbæ magnæ, et sicut vocem aquarum multarum, et sicut vocem tonitruorum magnorum, dicentium : Alleluja : quoniam regnavit Dominus Deus noster omnipotens.

**English**

This passage has not yet been translated.

[↗](https://missale.online/biblia/en/apc/19#text-d18c4bffa042bddf03b6)

**Latin**

Gaudeamus, et exsultemus : et demus gloriam ei : quia venerunt nuptiæ Agni, et uxor ejus præparavit se.

**English**

This passage has not yet been translated.

[↗](https://missale.online/biblia/en/apc/19#text-280b739fac2695c16a42)

**Latin**

Et datum est illi ut cooperiat se byssino splendenti et candido. Byssinum enim justificationes sunt sanctorum.

**English**

This passage has not yet been translated.

[↗](https://missale.online/biblia/en/apc/19#text-3dd53cfa29a281509a99)

**Latin**

Et dixit mihi : Scribe : Beati qui ad cœnam nuptiarum Agni vocati sunt ; et dixit mihi : Hæc verba Dei vera sunt.

**English**

This passage has not yet been translated.

[↗](https://missale.online/biblia/en/apc/19#text-c297fce5deb3b72375f2)

**Latin**

Et cecidi ante pedes ejus, ut adorarem eum. Et dicit mihi : Vide ne feceris : conservus tuus sum, et fratrum tuorum habentium testimonium Jesu. Deum adora. Testimonium enim Jesu est spiritus prophetiæ.

**English**

This passage has not yet been translated.

[↗](https://missale.online/biblia/en/apc/19#text-44b28169590526f68717)

**Latin**

Et vidi cælum apertum, et ecce equus albus, et qui sedebat super eum, vocabatur Fidelis, et Verax, et cum justitia judicat et pugnat.

**English**

This passage has not yet been translated.

[↗](https://missale.online/biblia/en/apc/19#text-40022955d80a097e447c)

**Latin**

Oculi autem ejus sicut flamma ignis, et in capite ejus diademata multa, habens nomen scriptum, quod nemo novit nisi ipse.

**English**

This passage has not yet been translated.

[↗](https://missale.online/biblia/en/apc/19#text-9cddad593f73adeac016)

**Latin**

Et vestitus erat veste aspersa sanguine : et vocatur nomen ejus : Verbum Dei.

**English**

This passage has not yet been translated.

[↗](https://missale.online/biblia/en/apc/19#text-77f0bcf628a6b2c6b32a)

**Latin**

Et exercitus qui sunt in cælo, sequebantur eum in equis albis, vestiti byssino albo et mundo.

**English**

This passage has not yet been translated.

[↗](https://missale.online/biblia/en/apc/19#text-e93f4ea4f81375c9a221)

**Latin**

Et de ore ejus procedit gladius ex utraque parte acutus, ut in ipso percutiat gentes. Et ipse reget eas in virga ferrea : et ipse calcat torcular vini furoris iræ Dei omnipotentis.

**English**

This passage has not yet been translated.

[↗](https://missale.online/biblia/en/apc/19#text-ad0dbb7caa8136e57bff)

**Latin**

Et habet in vestimento et in femore suo scriptum : Rex regum et Dominus dominantium.

**English**

This passage has not yet been translated.

[↗](https://missale.online/biblia/en/apc/19#text-a344e3eeceed7e93233c)

**Latin**

Et vidi unum angelum stantem in sole, et clamavit voce magna, dicens omnibus avibus, quæ volabant per medium cæli : Venite, et congregamini ad cœnam magnam Dei :

**English**

This passage has not yet been translated.

[↗](https://missale.online/biblia/en/apc/19#text-292f98d53276b7e92ddb)

**Latin**

ut manducetis carnes regum, et carnes tribunorum, et carnes fortium, et carnes equorum, et sedentium in ipsis, et carnes omnium liberorum, et servorum, et pusillorum et magnorum.

**English**

This passage has not yet been translated.

[↗](https://missale.online/biblia/en/apc/19#text-ea8c03b9efa00fc49552)

**Latin**

Et vidi bestiam, et reges terræ, et exercitus eorum congregatos ad faciendum prælium cum illo, qui sedebat in equo, et cum exercitu ejus.

**English**

This passage has not yet been translated.

[↗](https://missale.online/biblia/en/apc/19#text-0b9188f9827bc9369014)

**Latin**

Et apprehensa est bestia, et cum ea pseudopropheta : qui fecit signa coram ipso, quibus seduxit eos, qui acceperunt caracterem bestiæ, et qui adoraverunt imaginem ejus. Vivi missi sunt hi duo in stagnum ignis ardentis sulphure :

**English**

This passage has not yet been translated.

[↗](https://missale.online/biblia/en/apc/19#text-4a377fb8b3ab2ddc2997)

**Latin**

et ceteri occisi sunt in gladio sedentis super equum, qui procedit de ore ipsius : et omnes aves saturatæ sunt carnibus eorum.

**English**

This passage has not yet been translated.