# Revelation · 3

> https://missale.online/biblia/en/apc/3

## Verses

[↗](https://missale.online/biblia/en/apc/3#text-738a397ca42f89be3041)

**Latin**

Et angelo ecclesiæ Sardis scribe : Hæc dicit qui habet septem spiritus Dei, et septem stellas : Scio opera tua, quia nomen habes quod vivas, et mortuus es.

**English**

This passage has not yet been translated.

[↗](https://missale.online/biblia/en/apc/3#text-a431dc21500084281aad)

**Latin**

Esto vigilans, et confirma cetera, quæ moritura erant. Non enim invenio opera tua plena coram Deo meo.

**English**

This passage has not yet been translated.

[↗](https://missale.online/biblia/en/apc/3#text-51d615e65f2b8ce7b8f8)

**Latin**

In mente ergo habe qualiter acceperis, et audieris, et serva, et pœnitentiam age. Si ergo non vigilaveris, veniam ad te tamquam fur et nescies qua hora veniam ad te.

**English**

This passage has not yet been translated.

[↗](https://missale.online/biblia/en/apc/3#text-5d4da59ebdbb384b8c9f)

**Latin**

Sed habes pauca nomina in Sardis qui non inquinaverunt vestimenta sua : et ambulabunt mecum in albis, quia digni sunt.

**English**

This passage has not yet been translated.

[↗](https://missale.online/biblia/en/apc/3#text-c9a99567837d7d8a5257)

**Latin**

Qui vicerit, sic vestietur vestimentis albis, et non delebo nomen ejus de libro vitæ, et confitebor nomen ejus coram Patre meo, et coram angelis ejus.

**English**

This passage has not yet been translated.

[↗](https://missale.online/biblia/en/apc/3#text-db8941e9bfe92ba71d70)

**Latin**

Qui habet aurem, audiat quid Spiritus dicat ecclesiis.

**English**

This passage has not yet been translated.

[↗](https://missale.online/biblia/en/apc/3#text-d18c4bffa042bddf03b6)

**Latin**

Et angelo Philadelphiæ ecclesiæ scribe : Hæc dicit Sanctus et Verus, qui habet clavem David : qui aperit, et nemo claudit : claudit, et nemo aperit :

**English**

This passage has not yet been translated.

[↗](https://missale.online/biblia/en/apc/3#text-280b739fac2695c16a42)

**Latin**

Scio opera tua. Ecce dedi coram te ostium apertum, quod nemo potest claudere : quia modicam habes virtutem, et servasti verbum meum, et non negasti nomen meum.

**English**

This passage has not yet been translated.

[↗](https://missale.online/biblia/en/apc/3#text-3dd53cfa29a281509a99)

**Latin**

Ecce dabo de synagoga Satanæ, qui dicunt se Judæos esse, et non sunt, sed mentiuntur : ecce faciam illos ut veniant, et adorent ante pedes tuos : et scient quia ego dilexi te,

**English**

This passage has not yet been translated.

[↗](https://missale.online/biblia/en/apc/3#text-c297fce5deb3b72375f2)

**Latin**

quoniam servasti verbum patientiæ meæ, et ego servabo te ab hora tentationis, quæ ventura est in orbem universum tentare habitantes in terra.

**English**

This passage has not yet been translated.

[↗](https://missale.online/biblia/en/apc/3#text-44b28169590526f68717)

**Latin**

Ecce venio cito : tene quod habes, ut nemo accipiat coronam tuam.

**English**

This passage has not yet been translated.

[↗](https://missale.online/biblia/en/apc/3#text-40022955d80a097e447c)

**Latin**

Qui vicerit, faciam illum columnam in templo Dei mei, et foras non egredietur amplius : et scribam super eum nomen Dei mei, et nomen civitatis Dei mei novæ Jerusalem, quæ descendit de cælo a Deo meo, et nomen meum novum.

**English**

This passage has not yet been translated.

[↗](https://missale.online/biblia/en/apc/3#text-9cddad593f73adeac016)

**Latin**

Qui habet aurem, audiat quid Spiritus dicat ecclesiis.

**English**

This passage has not yet been translated.

[↗](https://missale.online/biblia/en/apc/3#text-77f0bcf628a6b2c6b32a)

**Latin**

Et angelo Laodiciæ ecclesiæ scribe : Hæc dicit : Amen, testis fidelis et verus, qui est principium creaturæ Dei.

**English**

This passage has not yet been translated.

[↗](https://missale.online/biblia/en/apc/3#text-e93f4ea4f81375c9a221)

**Latin**

Scio opera tua : quia neque frigidus es, neque calidus : utinam frigidus esses, aut calidus :

**English**

This passage has not yet been translated.

[↗](https://missale.online/biblia/en/apc/3#text-ad0dbb7caa8136e57bff)

**Latin**

sed quia tepidus es, et nec frigidus, nec calidus, incipiam te evomere ex ore meo :

**English**

This passage has not yet been translated.

[↗](https://missale.online/biblia/en/apc/3#text-a344e3eeceed7e93233c)

**Latin**

quia dicis : Quod dives sum, et locupletatus, et nullius egeo : et nescis quia tu es miser, et miserabilis, et pauper, et cæcus, et nudus.

**English**

This passage has not yet been translated.

[↗](https://missale.online/biblia/en/apc/3#text-292f98d53276b7e92ddb)

**Latin**

Suadeo tibi emere a me aurum ignitum probatum, ut locuples fias, et vestimentis albis induaris, et non appareat confusio nuditatis tuæ, et collyrio inunge oculos tuos ut videas.

**English**

This passage has not yet been translated.

[↗](https://missale.online/biblia/en/apc/3#text-ea8c03b9efa00fc49552)

**Latin**

Ego quos amo, arguo, et castigo. Æmulare ergo, et pœnitentiam age.

**English**

This passage has not yet been translated.

[↗](https://missale.online/biblia/en/apc/3#text-0b9188f9827bc9369014)

**Latin**

Ecce sto ad ostium, et pulso : si quis audierit vocem meam, et aperuerit mihi januam, intrabo ad illum, et cœnabo cum illo, et ipse mecum.

**English**

This passage has not yet been translated.

[↗](https://missale.online/biblia/en/apc/3#text-4a377fb8b3ab2ddc2997)

**Latin**

Qui vicerit, dabo ei sedere mecum in throno meo : sicut et ego vici, et sedi cum Patre meo in throno ejus.

**English**

This passage has not yet been translated.

[↗](https://missale.online/biblia/en/apc/3#text-558828010cd7e67a3b8c)

**Latin**

Qui habet aurem, audiat quid Spiritus dicat ecclesiis.

**English**

This passage has not yet been translated.