# Revelation · 4

> https://missale.online/biblia/en/apc/4

## Verses

[↗](https://missale.online/biblia/en/apc/4#text-738a397ca42f89be3041)

**Latin**

Post hæc vidi : et ecce ostium apertum in cælo, et vox prima, quam audivi tamquam tubæ loquentis mecum, dicens : Ascende huc, et ostendam tibi quæ oportet fieri post hæc.

**English**

This passage has not yet been translated.

[↗](https://missale.online/biblia/en/apc/4#text-a431dc21500084281aad)

**Latin**

Et statim fui in spiritu : et ecce sedes posita erat in cælo, et supra sedem sedens.

**English**

This passage has not yet been translated.

[↗](https://missale.online/biblia/en/apc/4#text-51d615e65f2b8ce7b8f8)

**Latin**

Et qui sedebat similis erat aspectui lapidis jaspidis, et sardinis : et iris erat in circuitu sedis similis visioni smaragdinæ.

**English**

This passage has not yet been translated.

[↗](https://missale.online/biblia/en/apc/4#text-5d4da59ebdbb384b8c9f)

**Latin**

Et in circuitu sedis sedilia viginti quatuor : et super thronos viginti quatuor seniores sedentes, circumamicti vestimentis albis, et in capitibus eorum coronæ aureæ.

**English**

This passage has not yet been translated.

[↗](https://missale.online/biblia/en/apc/4#text-c9a99567837d7d8a5257)

**Latin**

Et de throno procedebant fulgura, et voces, et tonitrua : et septem lampades ardentes ante thronum, qui sunt septem spiritus Dei.

**English**

This passage has not yet been translated.

[↗](https://missale.online/biblia/en/apc/4#text-db8941e9bfe92ba71d70)

**Latin**

Et in conspectu sedis tamquam mare vitreum simile crystallo : et in medio sedis, et in circuitu sedis quatuor animalia plena oculis ante et retro.

**English**

This passage has not yet been translated.

[↗](https://missale.online/biblia/en/apc/4#text-d18c4bffa042bddf03b6)

**Latin**

Et animal primum simile leoni, et secundum animal simile vitulo, et tertium animal habens faciem quasi hominis, et quartum animal simile aquilæ volanti.

**English**

This passage has not yet been translated.

[↗](https://missale.online/biblia/en/apc/4#text-280b739fac2695c16a42)

**Latin**

Et quatuor animalia, singula eorum habebant alas senas : et in circuitu, et intus plena sunt oculis : et requiem non habebant die ac nocte, dicentia : Sanctus, Sanctus, Sanctus Dominus Deus omnipotens, qui erat, et qui est, et qui venturus est.

**English**

This passage has not yet been translated.

[↗](https://missale.online/biblia/en/apc/4#text-3dd53cfa29a281509a99)

**Latin**

Et cum darent illa animalia gloriam, et honorem, et benedictionem sedenti super thronum, viventi in sæcula sæculorum,

**English**

This passage has not yet been translated.

[↗](https://missale.online/biblia/en/apc/4#text-c297fce5deb3b72375f2)

**Latin**

procidebant viginti quatuor seniores ante sedentem in throno, et adorabant viventem in sæcula sæculorum, et mittebant coronas suas ante thronum, dicentes :

**English**

This passage has not yet been translated.

[↗](https://missale.online/biblia/en/apc/4#text-44b28169590526f68717)

**Latin**

Dignus es Domine Deus noster accipere gloriam, et honorem, et virtutem : quia tu creasti omnia, et propter voluntatem tuam erant, et creata sunt.

**English**

This passage has not yet been translated.