# Revelation · 5

> https://missale.online/biblia/en/apc/5

## Verses

[↗](https://missale.online/biblia/en/apc/5#text-738a397ca42f89be3041)

**Latin**

Et vidi in dextera sedentis supra thronum, librum scriptum intus et foris, signatum sigillis septem.

**English**

This passage has not yet been translated.

[↗](https://missale.online/biblia/en/apc/5#text-a431dc21500084281aad)

**Latin**

Et vidi angelum fortem, prædicantem voce magna : Quis est dignus aperire librum, et solvere signacula ejus ?

**English**

This passage has not yet been translated.

[↗](https://missale.online/biblia/en/apc/5#text-51d615e65f2b8ce7b8f8)

**Latin**

Et nemo poterat neque in cælo, neque in terra, neque subtus terram aperire librum, neque respicere illum.

**English**

This passage has not yet been translated.

[↗](https://missale.online/biblia/en/apc/5#text-5d4da59ebdbb384b8c9f)

**Latin**

Et ego flebam multum, quoniam nemo dignus inventus est aperire librum, nec videre eum.

**English**

This passage has not yet been translated.

[↗](https://missale.online/biblia/en/apc/5#text-c9a99567837d7d8a5257)

**Latin**

Et unus de senioribus dixit mihi : Ne fleveris : ecce vicit leo de tribu Juda, radix David, aperire librum, et solvere septem signacula ejus.

**English**

This passage has not yet been translated.

[↗](https://missale.online/biblia/en/apc/5#text-db8941e9bfe92ba71d70)

**Latin**

Et vidi : et ecce in medio throni et quatuor animalium, et in medio seniorum, Agnum stantem tamquam occisum, habentem cornua septem, et oculos septem : qui sunt septem spiritus Dei, missi in omnem terram.

**English**

This passage has not yet been translated.

[↗](https://missale.online/biblia/en/apc/5#text-d18c4bffa042bddf03b6)

**Latin**

Et venit : et accepit de dextera sedentis in throno librum.

**English**

This passage has not yet been translated.

[↗](https://missale.online/biblia/en/apc/5#text-280b739fac2695c16a42)

**Latin**

Et cum aperuisset librum, quatuor animalia, et viginti quatuor seniores ceciderunt coram Agno, habentes singuli citharas, et phialas aureas plenas odoramentorum, quæ sunt orationes sanctorum :

**English**

This passage has not yet been translated.

[↗](https://missale.online/biblia/en/apc/5#text-3dd53cfa29a281509a99)

**Latin**

et cantabant canticum novum, dicentes : Dignus es, Domine, accipere librum, et aperire signacula ejus : quoniam occisus es, et redemisti nos Deo in sanguine tuo ex omni tribu, et lingua, et populo, et natione :

**English**

This passage has not yet been translated.

[↗](https://missale.online/biblia/en/apc/5#text-c297fce5deb3b72375f2)

**Latin**

et fecisti nos Deo nostro regnum, et sacerdotes : et regnabimus super terram.

**English**

This passage has not yet been translated.

[↗](https://missale.online/biblia/en/apc/5#text-44b28169590526f68717)

**Latin**

Et vidi, et audivi vocem angelorum multorum in circuitu throni, et animalium, et seniorum : et erat numerus eorum millia millium,

**English**

This passage has not yet been translated.

[↗](https://missale.online/biblia/en/apc/5#text-40022955d80a097e447c)

**Latin**

dicentium voce magna : Dignus est Agnus, qui occisus est, accipere virtutem, et divinitatem, et sapientiam, et fortitudinem, et honorem, et gloriam, et benedictionem.

**English**

This passage has not yet been translated.

[↗](https://missale.online/biblia/en/apc/5#text-9cddad593f73adeac016)

**Latin**

Et omnem creaturam, quæ in cælo est, et super terram, et sub terra, et quæ sunt in mari, et quæ in eo : omnes audivi dicentes : Sedenti in throno, et Agno, benedictio et honor, et gloria, et potestas in sæcula sæculorum.

**English**

This passage has not yet been translated.

[↗](https://missale.online/biblia/en/apc/5#text-77f0bcf628a6b2c6b32a)

**Latin**

Et quatuor animalia dicebant : Amen. Et viginti quatuor seniores ceciderunt in facies suas : et adoraverunt viventem in sæcula sæculorum.

**English**

This passage has not yet been translated.