# Baruch · 1

> https://missale.online/biblia/en/bar/1

## Verses

[↗](https://missale.online/biblia/en/bar/1#text-738a397ca42f89be3041)

**Latin**

Et hæc verba libri quæ scripsit Baruch filius Neriæ, filii Maasiæ, filii Sedeciæ, filii Sedei, filii Helciæ, in Babylonia,

**English**

This passage has not yet been translated.

[↗](https://missale.online/biblia/en/bar/1#text-a431dc21500084281aad)

**Latin**

in anno quinto, in septimo die mensis, in tempore quo ceperunt Chaldæi Jerusalem, et succenderunt eam igni.

**English**

This passage has not yet been translated.

[↗](https://missale.online/biblia/en/bar/1#text-51d615e65f2b8ce7b8f8)

**Latin**

Et legit Baruch verba libri hujus ad aures Jechoniæ filii Joakim regis Juda, et ad aures universi populi venientis ad librum,

**English**

This passage has not yet been translated.

[↗](https://missale.online/biblia/en/bar/1#text-5d4da59ebdbb384b8c9f)

**Latin**

et ad aures potentium, filiorum regum, et ad aures presbyterorum, et ad aures populi, a minimo usque ad maximum eorum, omnium habitantium in Babylonia, ad flumen Sodi.

**English**

This passage has not yet been translated.

[↗](https://missale.online/biblia/en/bar/1#text-c9a99567837d7d8a5257)

**Latin**

Qui audientes plorabant, et jejunabant, et orabant in conspectu Domini.

**English**

This passage has not yet been translated.

[↗](https://missale.online/biblia/en/bar/1#text-db8941e9bfe92ba71d70)

**Latin**

Et collegerunt pecuniam, secundum quod potuit uniuscujusque manus,

**English**

This passage has not yet been translated.

[↗](https://missale.online/biblia/en/bar/1#text-d18c4bffa042bddf03b6)

**Latin**

et miserunt in Jerusalem ad Joakim filium Helciæ filii Salom sacerdotem, et ad sacerdotes, et ad omnem populum qui inventi sunt cum eo in Jerusalem :

**English**

This passage has not yet been translated.

[↗](https://missale.online/biblia/en/bar/1#text-280b739fac2695c16a42)

**Latin**

cum acciperet vasa templi Domini, quæ ablata fuerant de templo, revocare in terram Juda, decima die mensis Sivan, vasa argentea quæ fecit Sedecias filius Josiæ rex Juda,

**English**

This passage has not yet been translated.

[↗](https://missale.online/biblia/en/bar/1#text-3dd53cfa29a281509a99)

**Latin**

posteaquam cepisset Nabuchodonosor rex Babylonis Jechoniam, et principes, et cunctos potentes, et populum terræ, ab Jerusalem, et duxit eos vinctos in Babylonem.

**English**

This passage has not yet been translated.

[↗](https://missale.online/biblia/en/bar/1#text-c297fce5deb3b72375f2)

**Latin**

Et dixerunt : Ecce misimus ad vos pecunias, de quibus emite holocautomata et thus : et facite manna, et offerte pro peccato, ad aram Domini Dei nostri :

**English**

This passage has not yet been translated.

[↗](https://missale.online/biblia/en/bar/1#text-44b28169590526f68717)

**Latin**

et orate pro vita Nabuchodonosor regis Babylonis, et pro vita Baltassar filii ejus, ut sint dies eorum sicut dies cæli super terram :

**English**

This passage has not yet been translated.

[↗](https://missale.online/biblia/en/bar/1#text-40022955d80a097e447c)

**Latin**

et ut det Dominus virtutem nobis, et illuminet oculos nostros, ut vivamus sub umbra Nabuchodonosor regis Babylonis, et sub umbra Baltassar filii ejus, et serviamus eis multis diebus, et inveniamus gratiam in conspectu eorum.

**English**

This passage has not yet been translated.

[↗](https://missale.online/biblia/en/bar/1#text-9cddad593f73adeac016)

**Latin**

Et pro nobis ipsis orate ad Dominum Deum nostrum, quia peccavimus Domino Deo nostro, et non est aversus furor ejus a nobis usque in hunc diem.

**English**

This passage has not yet been translated.

[↗](https://missale.online/biblia/en/bar/1#text-77f0bcf628a6b2c6b32a)

**Latin**

Et legite librum istum quem misimus ad vos recitari in templo Domini, in die solemni et in die opportuno :

**English**

This passage has not yet been translated.

[↗](https://missale.online/biblia/en/bar/1#text-e93f4ea4f81375c9a221)

**Latin**

et dicetis : Domino Deo nostro justitia,
nobis autem confusio faciei nostræ,
sicut est dies hæc omni Juda,
et habitantibus in Jerusalem :

**English**

This passage has not yet been translated.

[↗](https://missale.online/biblia/en/bar/1#text-ad0dbb7caa8136e57bff)

**Latin**

regibus nostris, et principibus nostris,
et sacerdotibus nostris, et prophetis nostris,
et patribus nostris.

**English**

This passage has not yet been translated.

[↗](https://missale.online/biblia/en/bar/1#text-a344e3eeceed7e93233c)

**Latin**

Peccavimus ante Dominum Deum nostrum,
et non credidimus, diffidentes in eum :

**English**

This passage has not yet been translated.

[↗](https://missale.online/biblia/en/bar/1#text-292f98d53276b7e92ddb)

**Latin**

et non fuimus subjectibiles illi,
et non audivimus vocem Domini Dei nostri,
ut ambularemus in mandatis ejus, quæ dedit nobis.

**English**

This passage has not yet been translated.

[↗](https://missale.online/biblia/en/bar/1#text-ea8c03b9efa00fc49552)

**Latin**

A die qua eduxit patres nostros de terra Ægypti,
usque ad diem hanc,
eramus incredibiles ad Dominum Deum nostrum :
et dissipati recessimus, ne audiremus vocem ipsius :

**English**

This passage has not yet been translated.

[↗](https://missale.online/biblia/en/bar/1#text-0b9188f9827bc9369014)

**Latin**

et adhæserunt nobis multa mala et maledictiones
quæ constituit Dominus Moysi servo suo,
qui eduxit patres nostros de terra Ægypti,
dare nobis terram fluentem lac et mel, sicut hodierna die.

**English**

This passage has not yet been translated.

[↗](https://missale.online/biblia/en/bar/1#text-4a377fb8b3ab2ddc2997)

**Latin**

Et non audivimus vocem Domini Dei nostri,
secundum omnia verba prophetarum quos misit ad nos :

**English**

This passage has not yet been translated.

[↗](https://missale.online/biblia/en/bar/1#text-558828010cd7e67a3b8c)

**Latin**

et abivimus unusquisque in sensum cordis nostri maligni,
operari diis alienis,
facientes mala ante oculos Domini Dei nostri.

**English**

This passage has not yet been translated.