# Baruch · 6

> https://missale.online/biblia/en/bar/6

## Verses

[↗](https://missale.online/biblia/en/bar/6#text-738a397ca42f89be3041)

**Latin**

Propter peccata quæ peccastis ante Deum, abducemini in Babyloniam captivi a Nabuchodonosor rege Babylonis.

**English**

This passage has not yet been translated.

[↗](https://missale.online/biblia/en/bar/6#text-a431dc21500084281aad)

**Latin**

Ingressi itaque in Babylonem, eritis ibi annis plurimis, et temporibus longis, usque ad generationes septem : post hoc autem educam vos inde cum pace.

**English**

This passage has not yet been translated.

[↗](https://missale.online/biblia/en/bar/6#text-51d615e65f2b8ce7b8f8)

**Latin**

Nunc autem videbitis in Babylonia deos aureos et argenteos, et lapideos et ligneos, in humeris portari, ostentantes metum gentibus.

**English**

This passage has not yet been translated.

[↗](https://missale.online/biblia/en/bar/6#text-5d4da59ebdbb384b8c9f)

**Latin**

Videte ergo ne et vos similes efficiamini factis alienis, et metuatis, et metus vos capiat in ipsis.

**English**

This passage has not yet been translated.

[↗](https://missale.online/biblia/en/bar/6#text-c9a99567837d7d8a5257)

**Latin**

Visa itaque turba de retro et ab ante, adorantes dicite in cordibus vestris : Te oportet adorari, Domine.

**English**

This passage has not yet been translated.

[↗](https://missale.online/biblia/en/bar/6#text-db8941e9bfe92ba71d70)

**Latin**

Angelus enim meus vobiscum est : ipse autem exquiram animas vestras.

**English**

This passage has not yet been translated.

[↗](https://missale.online/biblia/en/bar/6#text-d18c4bffa042bddf03b6)

**Latin**

Nam lingua ipsorum polita a fabro ; ipsa etiam inaurata et inargentata : falsa sunt, et non possunt loqui.

**English**

This passage has not yet been translated.

[↗](https://missale.online/biblia/en/bar/6#text-280b739fac2695c16a42)

**Latin**

Et sicut virgini amanti ornamenta, ita accepto auro fabricati sunt.

**English**

This passage has not yet been translated.

[↗](https://missale.online/biblia/en/bar/6#text-3dd53cfa29a281509a99)

**Latin**

Coronas certe aureas habent super capita sua dii illorum : unde subtrahunt sacerdotes ab eis aurum et argentum, et erogant illud in semetipsos.

**English**

This passage has not yet been translated.

[↗](https://missale.online/biblia/en/bar/6#text-c297fce5deb3b72375f2)

**Latin**

Dant autem et ex ipso prostitutis, et meretrices ornant : et iterum cum receperint illud a meretricibus, ornant deos suos.

**English**

This passage has not yet been translated.

[↗](https://missale.online/biblia/en/bar/6#text-44b28169590526f68717)

**Latin**

Hi autem non liberantur ab ærugine et tinea.

**English**

This passage has not yet been translated.

[↗](https://missale.online/biblia/en/bar/6#text-40022955d80a097e447c)

**Latin**

Opertis autem illis veste purpurea, extergunt faciem ipsorum propter pulverem domus qui est plurimus inter eos.

**English**

This passage has not yet been translated.

[↗](https://missale.online/biblia/en/bar/6#text-9cddad593f73adeac016)

**Latin**

Sceptrum autem habet ut homo, sicut judex regionis, qui in se peccantem non interficit.

**English**

This passage has not yet been translated.

[↗](https://missale.online/biblia/en/bar/6#text-77f0bcf628a6b2c6b32a)

**Latin**

Habet etiam in manu gladium et securim, se autem de bello et a latronibus non liberat. Unde vobis notum sit quia non sunt dii :

**English**

This passage has not yet been translated.

[↗](https://missale.online/biblia/en/bar/6#text-e93f4ea4f81375c9a221)

**Latin**

non ergo timueritis eos. Sicut enim vas hominis confractum inutile efficitur, tales sunt et dii illorum.

**English**

This passage has not yet been translated.

[↗](https://missale.online/biblia/en/bar/6#text-ad0dbb7caa8136e57bff)

**Latin**

Constitutis illis in domo, oculi eorum pleni sunt pulvere a pedibus introëuntium.

**English**

This passage has not yet been translated.

[↗](https://missale.online/biblia/en/bar/6#text-a344e3eeceed7e93233c)

**Latin**

Et sicut alicui qui regem offendit circumseptæ sunt januæ, aut sicut ad sepulchrum adductum mortuum : ita tutantur sacerdotes ostia clausuris et seris, ne a latronibus expolientur.

**English**

This passage has not yet been translated.

[↗](https://missale.online/biblia/en/bar/6#text-292f98d53276b7e92ddb)

**Latin**

Lucernas accendunt illis, et quidem multas, ex quibus nullam videre possunt : sunt autem sicut trabes in domo.

**English**

This passage has not yet been translated.

[↗](https://missale.online/biblia/en/bar/6#text-ea8c03b9efa00fc49552)

**Latin**

Corda vero eorum dicunt elingere serpentes qui de terra sunt, dum comedunt eos, et vestimentum ipsorum, et non sentiunt.

**English**

This passage has not yet been translated.

[↗](https://missale.online/biblia/en/bar/6#text-0b9188f9827bc9369014)

**Latin**

Nigræ fiunt facies eorum a fumo qui in domo fit.

**English**

This passage has not yet been translated.

[↗](https://missale.online/biblia/en/bar/6#text-4a377fb8b3ab2ddc2997)

**Latin**

Supra corpus eorum et supra caput eorum volant noctuæ, et hirundines, et aves etiam, similiter et cattæ.

**English**

This passage has not yet been translated.

[↗](https://missale.online/biblia/en/bar/6#text-558828010cd7e67a3b8c)

**Latin**

Unde sciatis quia non sunt dii : ne ergo timueritis eos.

**English**

This passage has not yet been translated.

[↗](https://missale.online/biblia/en/bar/6#text-ec73ab42682871a72627)

**Latin**

Aurum etiam quod habent ad speciem est : nisi aliquis exterserit æruginem, non fulgebunt : neque enim dum conflarentur, sentiebant.

**English**

This passage has not yet been translated.

[↗](https://missale.online/biblia/en/bar/6#text-67cd7490abc0fa3b8079)

**Latin**

Ex omni pretio empta sunt, in quibus spiritus non inest ipsis.

**English**

This passage has not yet been translated.

[↗](https://missale.online/biblia/en/bar/6#text-3ac038d6962289bd3c26)

**Latin**

Sine pedibus, in humeris portantur, ostentantes ignobilitatem suam hominibus : confundantur etiam qui colunt ea.

**English**

This passage has not yet been translated.

[↗](https://missale.online/biblia/en/bar/6#text-2b08b45b7a9fd92ff7f8)

**Latin**

Propterea si ceciderint in terram, a semetipsis non consurgunt : neque si quis eum statuerit rectum, per semetipsum stabit : sed sicut mortuis munera eorum illis apponentur.

**English**

This passage has not yet been translated.

[↗](https://missale.online/biblia/en/bar/6#text-1b9b77d3fcc49350a3f4)

**Latin**

Hostias illorum vendunt sacerdotes ipsorum, et abutuntur : similiter et mulieres eorum decerpentes, neque infirmo, neque mendicanti, aliquid impertiunt.

**English**

This passage has not yet been translated.

[↗](https://missale.online/biblia/en/bar/6#text-21478efda9e3bd77c058)

**Latin**

De sacrificiis eorum fœtæ et menstruatæ contingunt. Sciens itaque ex his quia non sunt dii, ne timeatis eos.

**English**

This passage has not yet been translated.

[↗](https://missale.online/biblia/en/bar/6#text-66af0bf07849f0763ec9)

**Latin**

Unde enim vocantur dii ? quia mulieres apponunt diis argenteis, et aureis, et ligneis :

**English**

This passage has not yet been translated.

[↗](https://missale.online/biblia/en/bar/6#text-8ce0bbceaab8ff918d3a)

**Latin**

et in domibus eorum sacerdotes sedent habentes tunicas scissas, et capita et barbam rasam, quorum capita nuda sunt.

**English**

This passage has not yet been translated.

[↗](https://missale.online/biblia/en/bar/6#text-ccc106774904a733b00e)

**Latin**

Rugiunt autem clamantes contra deos suos sicut in cœna mortui.

**English**

This passage has not yet been translated.

[↗](https://missale.online/biblia/en/bar/6#text-3885b8fb3f9b0c24fd89)

**Latin**

Vestimenta eorum auferunt sacerdotes, et vestiunt uxores suas et filios suos.

**English**

This passage has not yet been translated.

[↗](https://missale.online/biblia/en/bar/6#text-578310eff006266469cc)

**Latin**

Neque si quid mali patiuntur ab aliquo, neque si quid boni, poterunt retribuere : neque regem constituere possunt, neque auferre.

**English**

This passage has not yet been translated.

[↗](https://missale.online/biblia/en/bar/6#text-fe2917b9f5e3cb90d74f)

**Latin**

Similiter neque dare divitias possunt, neque malum retribuere. Si quis illis votum voverit et non reddiderit, neque hoc requirunt.

**English**

This passage has not yet been translated.

[↗](https://missale.online/biblia/en/bar/6#text-79e5363277408edadf4d)

**Latin**

Hominem a morte non liberant, neque infirmum a potentiori eripiunt.

**English**

This passage has not yet been translated.

[↗](https://missale.online/biblia/en/bar/6#text-5f3b65a9d805032a9ee2)

**Latin**

Hominem cæcum ad visum non restituunt ; de necessitate hominem non liberabunt.

**English**

This passage has not yet been translated.

[↗](https://missale.online/biblia/en/bar/6#text-762d295fd73e6f7c5976)

**Latin**

Viduæ non miserebuntur, neque orphanis benefacient.

**English**

This passage has not yet been translated.

[↗](https://missale.online/biblia/en/bar/6#text-cda9e96bec793da3010d)

**Latin**

Lapidibus de monte similes sunt dii illorum, lignei, et lapidei, et aurei, et argentei : qui autem colunt ea, confundentur.

**English**

This passage has not yet been translated.

[↗](https://missale.online/biblia/en/bar/6#text-c9ba0458566bc71ea2f2)

**Latin**

Quomodo ergo æstimandum est aut dicendum illos esse deos ?

**English**

This passage has not yet been translated.

[↗](https://missale.online/biblia/en/bar/6#text-0a338341cf79beb16c8c)

**Latin**

Adhuc enim ipsis Chaldæis non honorantibus ea : qui cum audierint mutum non posse loqui, offerunt illud ad Bel, postulantes ab eo loqui :

**English**

This passage has not yet been translated.

[↗](https://missale.online/biblia/en/bar/6#text-4f0f2d4b48873fb3fb7d)

**Latin**

quasi possint sentire qui non habent motum ! Et ipsi, cum intellexerint, relinquent ea : sensum enim non habent ipsi dii illorum.

**English**

This passage has not yet been translated.

[↗](https://missale.online/biblia/en/bar/6#text-fc584dea5d0f34768064)

**Latin**

Mulieres autem circumdatæ funibus in viis sedent, succendentes ossa olivarum :

**English**

This passage has not yet been translated.

[↗](https://missale.online/biblia/en/bar/6#text-1d4c9d6a2b609d4d8862)

**Latin**

cum autem aliqua ex ipsis, attracta ab aliquo transeunte, dormierit cum eo, proximæ suæ exprobrat quod ea non sit digna habita, sicut ipsa, neque funis ejus diruptus sit.

**English**

This passage has not yet been translated.

[↗](https://missale.online/biblia/en/bar/6#text-19e6b234a9c4be7552a1)

**Latin**

Omnia autem quæ illi fiunt, falsa sunt : quomodo æstimandum aut dicendum est illos esse deos ?

**English**

This passage has not yet been translated.

[↗](https://missale.online/biblia/en/bar/6#text-bd57201e01a06d00b9fb)

**Latin**

A fabris autem et ab aurificibus facta sunt : nihil aliud erunt, nisi id quod volunt esse sacerdotes.

**English**

This passage has not yet been translated.

[↗](https://missale.online/biblia/en/bar/6#text-73f4c9ab3d7f51b5198b)

**Latin**

Artifices etiam ipsi, qui ea faciunt, non sunt multi temporis : numquid ergo possunt ea, quæ fabricata sunt ab ipsis, esse dii ?

**English**

This passage has not yet been translated.

[↗](https://missale.online/biblia/en/bar/6#text-523c85936a7443f13d60)

**Latin**

Reliquerunt autem falsa et opprobrium postea futuris.

**English**

This passage has not yet been translated.

[↗](https://missale.online/biblia/en/bar/6#text-22c467dc90ab9559a57d)

**Latin**

Nam cum supervenerit illis prælium et mala, cogitant sacerdotes apud se ubi se abscondant cum illis.

**English**

This passage has not yet been translated.

[↗](https://missale.online/biblia/en/bar/6#text-5bd5d3b5b9a9e19b5ca1)

**Latin**

Quomodo ergo sentiri debeant quoniam dii sunt, qui nec de bello se liberant, neque de malis se eripiunt ?

**English**

This passage has not yet been translated.

[↗](https://missale.online/biblia/en/bar/6#text-84579d698f74cd639acf)

**Latin**

Nam cum sint lignea, inaurata et inargentata, scietur postea quia falsa sunt ab universis gentibus et regibus : quæ manifesta sunt quia non sunt dii, sed opera manuum hominum, et nullum Dei opus cum illis.

**English**

This passage has not yet been translated.

[↗](https://missale.online/biblia/en/bar/6#text-576bcb50ed015fcf75b0)

**Latin**

Unde ergo notum est quia non sunt dii, sed opera manuum hominum, et nullum Dei opus in ipsis est.

**English**

This passage has not yet been translated.

[↗](https://missale.online/biblia/en/bar/6#text-4aff594e28dd82b02772)

**Latin**

Regem regioni non suscitant, neque pluviam hominibus dabunt.

**English**

This passage has not yet been translated.

[↗](https://missale.online/biblia/en/bar/6#text-9ce51c1678cd99941ef6)

**Latin**

Judicium quoque non discernent, neque regiones liberabunt ab injuria, quia nihil possunt, sicut corniculæ inter medium cæli et terræ.

**English**

This passage has not yet been translated.

[↗](https://missale.online/biblia/en/bar/6#text-d686ce59144b94e5ac11)

**Latin**

Etenim cum inciderit ignis in domum deorum ligneorum, argenteorum et aureorum, sacerdotes quidem ipsorum fugient, et liberabuntur : ipsi vero sicut trabes in medio comburentur.

**English**

This passage has not yet been translated.

[↗](https://missale.online/biblia/en/bar/6#text-459cbe6b096a5b39bcf3)

**Latin**

Regi autem et bello non resistent. Quomodo ergo æstimandum est aut recipiendum quia dii sunt ?

**English**

This passage has not yet been translated.

[↗](https://missale.online/biblia/en/bar/6#text-3255ee65bdf267e95308)

**Latin**

Non a furibus, neque a latronibus se liberabunt dii lignei, et lapidei, et inaurati, et inargentati : quibus hi qui fortiores sunt,

**English**

This passage has not yet been translated.

[↗](https://missale.online/biblia/en/bar/6#text-16fad7a270954fa4e7ea)

**Latin**

aurum et argentum, et vestimentum quo operti sunt, auferent illis, et abibunt, nec sibi auxilium ferent.

**English**

This passage has not yet been translated.

[↗](https://missale.online/biblia/en/bar/6#text-0c97aca743c606a91afc)

**Latin**

Itaque melius est esse regem ostentantem virtutem suam, aut vas in domo utile, in quo gloriabitur qui possidet illud, vel ostium in domo, quod custodit quæ in ipsa sunt, quam falsi dii.

**English**

This passage has not yet been translated.

[↗](https://missale.online/biblia/en/bar/6#text-6e53b6a5bface4f4b0d5)

**Latin**

Sol quidem et luna ac sidera, cum sint splendida et emissa ad utilitates, obaudiunt :

**English**

This passage has not yet been translated.

[↗](https://missale.online/biblia/en/bar/6#text-fe5e27815b275bd31af1)

**Latin**

similiter et fulgur cum apparuerit, perspicuum est : idipsum autem et spiritus in omni regione spirat :

**English**

This passage has not yet been translated.

[↗](https://missale.online/biblia/en/bar/6#text-8010ae92926f2f9d0df5)

**Latin**

et nubes, quibus cum imperatum fuerit a Deo perambulare universum orbem, perficiunt quod imperatum est eis :

**English**

This passage has not yet been translated.

[↗](https://missale.online/biblia/en/bar/6#text-9a1f33cf8c69b33b44b1)

**Latin**

ignis etiam missus desuper, ut consumat montes et silvas, facit quod præceptum est ei : hæc autem neque speciebus, neque virtutibus, uni eorum similia sunt.

**English**

This passage has not yet been translated.

[↗](https://missale.online/biblia/en/bar/6#text-90d24d28a001f17ffd8e)

**Latin**

Unde neque existimandum est, neque dicendum illos esse deos, quando non possunt neque judicium judicare, neque quidquam facere hominibus.

**English**

This passage has not yet been translated.

[↗](https://missale.online/biblia/en/bar/6#text-0547193b6f1971924b69)

**Latin**

Scientes itaque quia non sunt dii, ne ergo timueritis eos.

**English**

This passage has not yet been translated.

[↗](https://missale.online/biblia/en/bar/6#text-aefeed6d1f6fc139a819)

**Latin**

Neque enim regibus maledicent, neque benedicent.

**English**

This passage has not yet been translated.

[↗](https://missale.online/biblia/en/bar/6#text-83dea676eb7a16441fc9)

**Latin**

Signa etiam in cælo gentibus non ostendunt : neque ut sol lucebunt, neque illuminabunt ut luna.

**English**

This passage has not yet been translated.

[↗](https://missale.online/biblia/en/bar/6#text-50bc6f955cf129db252d)

**Latin**

Bestiæ meliores sunt illis, quæ possunt fugere sub tectum ac prodesse sibi.

**English**

This passage has not yet been translated.

[↗](https://missale.online/biblia/en/bar/6#text-0b702ff05a655abb734b)

**Latin**

Nullo itaque modo nobis est manifestum quia sunt dii : propter quod ne timeatis eos.

**English**

This passage has not yet been translated.

[↗](https://missale.online/biblia/en/bar/6#text-8a52e5958f248b22431e)

**Latin**

Nam sicut in cucumerario formido nihil custodit, ita sunt dii illorum lignei, et argentei, et inaurati.

**English**

This passage has not yet been translated.

[↗](https://missale.online/biblia/en/bar/6#text-3ada17898b366bfebf11)

**Latin**

Eodem modo et in horto spina alba, supra quam omnis avis sedet, similiter et mortuo projecto in tenebris, similes sunt dii illorum lignei, et inaurati, et inargentati.

**English**

This passage has not yet been translated.

[↗](https://missale.online/biblia/en/bar/6#text-a2f72fd33fe48e96dc75)

**Latin**

A purpura quoque et murice, quæ supra illos tineant, scietis itaque quia non sunt dii : ipsi etiam postremo comeduntur, et erunt opprobrium in regione.

**English**

This passage has not yet been translated.

[↗](https://missale.online/biblia/en/bar/6#text-268f497fea6985354a2a)

**Latin**

Melior est homo justus qui non habet simulacra, nam erit longe ab opprobriis.

**English**

This passage has not yet been translated.