# Daniel · 4

> https://missale.online/biblia/en/dn/4

## Verses

[↗](https://missale.online/biblia/en/dn/4#text-738a397ca42f89be3041)

**Latin**

Ego Nabuchodonosor quietus eram in domo mea, et florens in palatio meo :

**English**

This passage has not yet been translated.

[↗](https://missale.online/biblia/en/dn/4#text-a431dc21500084281aad)

**Latin**

somnium vidi, quod perterruit me : et cogitationes meæ in strato meo, et visiones capitis mei conturbaverunt me.

**English**

This passage has not yet been translated.

[↗](https://missale.online/biblia/en/dn/4#text-51d615e65f2b8ce7b8f8)

**Latin**

Et per me propositum est decretum ut introducerentur in conspectu meo cuncti sapientes Babylonis, et ut solutionem somnii indicarent mihi.

**English**

This passage has not yet been translated.

[↗](https://missale.online/biblia/en/dn/4#text-5d4da59ebdbb384b8c9f)

**Latin**

Tunc ingrediebantur arioli, magi, Chaldæi, et aruspices, et somnium narravi in conspectu eorum : et solutionem ejus non indicaverunt mihi,

**English**

This passage has not yet been translated.

[↗](https://missale.online/biblia/en/dn/4#text-c9a99567837d7d8a5257)

**Latin**

donec collega ingressus est in conspectu meo Daniel, cui nomen Baltassar secundum nomen dei mei, qui habet spiritum deorum sanctorum in semetipso : et somnium coram ipso locutus sum.

**English**

This passage has not yet been translated.

[↗](https://missale.online/biblia/en/dn/4#text-db8941e9bfe92ba71d70)

**Latin**

Baltassar, princeps ariolorum, quoniam ego scio quod spiritum sanctorum deorum habeas in te, et omne sacramentum non est impossibile tibi : visiones somniorum meorum, quas vidi, et solutionem earum narra.

**English**

This passage has not yet been translated.

[↗](https://missale.online/biblia/en/dn/4#text-d18c4bffa042bddf03b6)

**Latin**

Visio capitis mei in cubili meo : videbam, et ecce arbor in medio terræ, et altitudo ejus nimia.

**English**

This passage has not yet been translated.

[↗](https://missale.online/biblia/en/dn/4#text-280b739fac2695c16a42)

**Latin**

Magna arbor, et fortis, et proceritas ejus contingens cælum : aspectus illius erat usque ad terminos universæ terræ.

**English**

This passage has not yet been translated.

[↗](https://missale.online/biblia/en/dn/4#text-3dd53cfa29a281509a99)

**Latin**

Folia ejus pulcherrima, et fructus ejus nimius : et esca universorum in ea. Subter eam habitabant animalia et bestiæ, et in ramis ejus conversabantur volucres cæli : et ex ea vescebatur omnis caro.

**English**

This passage has not yet been translated.

[↗](https://missale.online/biblia/en/dn/4#text-c297fce5deb3b72375f2)

**Latin**

Videbam in visione capitis mei super stratum meum, et ecce vigil, et sanctus, de cælo descendit.

**English**

This passage has not yet been translated.

[↗](https://missale.online/biblia/en/dn/4#text-44b28169590526f68717)

**Latin**

Clamavit fortiter, et sic ait : Succidite arborem, et præcidite ramos ejus : excutite folia ejus, et dispergite fructus ejus : fugiant bestiæ, quæ subter eam sunt, et volucres de ramis ejus.

**English**

This passage has not yet been translated.

[↗](https://missale.online/biblia/en/dn/4#text-40022955d80a097e447c)

**Latin**

Verumtamen germen radicum ejus in terra sinite, et alligetur vinculo ferreo et æreo in herbis quæ foris sunt, et rore cæli tingatur, et cum feris pars ejus in herba terræ.

**English**

This passage has not yet been translated.

[↗](https://missale.online/biblia/en/dn/4#text-9cddad593f73adeac016)

**Latin**

Cor ejus ab humano commutetur, et cor feræ detur ei : et septem tempora mutentur super eum.

**English**

This passage has not yet been translated.

[↗](https://missale.online/biblia/en/dn/4#text-77f0bcf628a6b2c6b32a)

**Latin**

In sententia vigilum decretum est, et sermo sanctorum, et petitio : donec cognoscant viventes quoniam dominatur Excelsus in regno hominum, et cuicumque voluerit, dabit illud, et humillimum hominem constituet super eum.

**English**

This passage has not yet been translated.

[↗](https://missale.online/biblia/en/dn/4#text-e93f4ea4f81375c9a221)

**Latin**

Hoc somnium vidi ego Nabuchodonosor rex : tu ergo Baltassar interpretationem narra festinus, quia omnes sapientes regni mei non queunt solutionem edicere mihi : tu autem potes, quia spiritus deorum sanctorum in te est.

**English**

This passage has not yet been translated.

[↗](https://missale.online/biblia/en/dn/4#text-ad0dbb7caa8136e57bff)

**Latin**

Tunc Daniel, cujus nomen Baltassar, cœpit intra semetipsum tacitus cogitare quasi una hora : et cogitationes ejus conturbabant eum. Respondens autem rex, ait : Baltassar, somnium et interpretatio ejus non conturbent te. Respondit Baltassar, et dixit : Domine mi, somnium his, qui te oderunt, et interpretatio ejus hostibus tuis sit.

**English**

This passage has not yet been translated.

[↗](https://missale.online/biblia/en/dn/4#text-a344e3eeceed7e93233c)

**Latin**

Arborem, quam vidisti sublimem atque robustam, cujus altitudo pertingit ad cælum, et aspectus illius in omnem terram ;

**English**

This passage has not yet been translated.

[↗](https://missale.online/biblia/en/dn/4#text-292f98d53276b7e92ddb)

**Latin**

et rami ejus pulcherrimi, et fructus ejus nimius, et esca omnium in ea, subter eam habitantes bestiæ agri, et in ramis ejus commorantes aves cæli :

**English**

This passage has not yet been translated.

[↗](https://missale.online/biblia/en/dn/4#text-ea8c03b9efa00fc49552)

**Latin**

tu es rex, qui magnificatus es, et invaluisti : et magnitudo tua crevit, et pervenit usque ad cælum, et potestas tua in terminos universæ terræ.

**English**

This passage has not yet been translated.

[↗](https://missale.online/biblia/en/dn/4#text-0b9188f9827bc9369014)

**Latin**

Quod autem vidit rex vigilem, et sanctum descendere de cælo, et dicere : Succidite arborem, et dissipate illam, attamen germen radicum ejus in terra dimittite, et vinciatur ferro et ære in herbis foris, et rore cæli conspergatur, et cum feris sit pabulum ejus, donec septem tempora mutentur super eum :

**English**

This passage has not yet been translated.

[↗](https://missale.online/biblia/en/dn/4#text-4a377fb8b3ab2ddc2997)

**Latin**

hæc est interpretatio sententiæ Altissimi, quæ pervenit super dominum meum regem,

**English**

This passage has not yet been translated.

[↗](https://missale.online/biblia/en/dn/4#text-558828010cd7e67a3b8c)

**Latin**

Ejicient te ab hominibus, et cum bestiis ferisque erit habitatio tua, et fœnum ut bos comedes, et rore cæli infunderis : septem quoque tempora mutabuntur super te, donec scias quod dominetur Excelsus super regnum hominum, et cuicumque voluerit, det illud.

**English**

This passage has not yet been translated.

[↗](https://missale.online/biblia/en/dn/4#text-ec73ab42682871a72627)

**Latin**

Quod autem præcepit ut relinqueretur germen radicum ejus, id est arboris : regnum tuum tibi manebit postquam cognoveris potestatem esse cælestem.

**English**

This passage has not yet been translated.

[↗](https://missale.online/biblia/en/dn/4#text-67cd7490abc0fa3b8079)

**Latin**

Quam ob rem, rex, consilium meum placeat tibi, et peccata tua eleemosynis redime, et iniquitates tuas misericordiis pauperum : forsitan ignoscet delictis tuis.

**English**

This passage has not yet been translated.

[↗](https://missale.online/biblia/en/dn/4#text-3ac038d6962289bd3c26)

**Latin**

Omnia hæc venerunt super Nabuchodonosor regem.

**English**

This passage has not yet been translated.

[↗](https://missale.online/biblia/en/dn/4#text-2b08b45b7a9fd92ff7f8)

**Latin**

Post finem mensium duodecim, in aula Babylonis deambulabat.

**English**

This passage has not yet been translated.

[↗](https://missale.online/biblia/en/dn/4#text-1b9b77d3fcc49350a3f4)

**Latin**

Responditque rex, et ait : Nonne hæc est Babylon magna, quam ego ædificavi in domum regni, in robore fortitudinis meæ, et in gloria decoris mei ?

**English**

This passage has not yet been translated.

[↗](https://missale.online/biblia/en/dn/4#text-21478efda9e3bd77c058)

**Latin**

Cumque sermo adhuc esset in ore regis, vox de cælo ruit : Tibi dicitur, Nabuchodonosor rex : Regnum tuum transibit a te,

**English**

This passage has not yet been translated.

[↗](https://missale.online/biblia/en/dn/4#text-66af0bf07849f0763ec9)

**Latin**

et ab hominibus ejicient te, et cum bestiis et feris erit habitatio tua : fœnum quasi bos comedes, et septem tempora mutabuntur super te, donec scias quod dominetur Excelsus in regno hominum, et cuicumque voluerit, det illud.

**English**

This passage has not yet been translated.

[↗](https://missale.online/biblia/en/dn/4#text-8ce0bbceaab8ff918d3a)

**Latin**

Eadem hora sermo completus est super Nabuchodonosor, et ex hominibus abjectus est, et fœnum ut bos comedit, et rore cæli corpus ejus infectum est, donec capilli ejus in similitudinem aquilarum crescerent, et ungues ejus quasi avium.

**English**

This passage has not yet been translated.

[↗](https://missale.online/biblia/en/dn/4#text-ccc106774904a733b00e)

**Latin**

Igitur post finem dierum, ego Nabuchodonosor oculos meos ad cælum levavi, et sensus meus redditus est mihi : et Altissimo benedixi, et viventem in sempiternum laudavi et glorificavi : quia potestas ejus potestas sempiterna, et regnum ejus in generationem et generationem.

**English**

This passage has not yet been translated.

[↗](https://missale.online/biblia/en/dn/4#text-3885b8fb3f9b0c24fd89)

**Latin**

Et omnes habitatores terræ apud eum in nihilum reputati sunt : juxta voluntatem enim suam facit tam in virtutibus cæli quam in habitatoribus terræ : et non est qui resistat manui ejus, et dicat ei : Quare fecisti ?

**English**

This passage has not yet been translated.

[↗](https://missale.online/biblia/en/dn/4#text-578310eff006266469cc)

**Latin**

In ipso tempore sensus meus reversus est ad me, et ad honorem regni mei, decoremque perveni : et figura mea reversa est ad me, et optimates mei et magistratus mei requisierunt me, et in regno meo restitutus sum : et magnificentia amplior addita est mihi.

**English**

This passage has not yet been translated.

[↗](https://missale.online/biblia/en/dn/4#text-fe2917b9f5e3cb90d74f)

**Latin**

Nunc igitur, ego Nabuchodonosor laudo, et magnifico, et glorifico regem cæli : quia omnia opera ejus vera, et viæ ejus judicia, et gradientes in superbia potest humiliare.

**English**

This passage has not yet been translated.