# Deuteronomy · 13

> https://missale.online/biblia/en/dt/13

## Verses

[↗](https://missale.online/biblia/en/dt/13#text-738a397ca42f89be3041)

**Latin**

Si surrexerit in medio tui prophetes, aut qui somnium vidisse se dicat, et prædixerit signum atque portentum,

**English**

This passage has not yet been translated.

[↗](https://missale.online/biblia/en/dt/13#text-a431dc21500084281aad)

**Latin**

et evenerit quod locutus est, et dixerit tibi : Eamus, et sequamur deos alienos quos ignoras, et serviamus eis :

**English**

This passage has not yet been translated.

[↗](https://missale.online/biblia/en/dt/13#text-51d615e65f2b8ce7b8f8)

**Latin**

non audies verba prophetæ illius aut somniatoris : quia tentat vos Dominus Deus vester, ut palam fiat utrum diligatis eum an non, in toto corde, et in tota anima vestra.

**English**

This passage has not yet been translated.

[↗](https://missale.online/biblia/en/dt/13#text-5d4da59ebdbb384b8c9f)

**Latin**

Dominum Deum vestrum sequimini, et ipsum timete, et mandata illius custodite, et audite vocem ejus : ipsi servietis, et ipsi adhærebitis.

**English**

This passage has not yet been translated.

[↗](https://missale.online/biblia/en/dt/13#text-c9a99567837d7d8a5257)

**Latin**

Propheta autem ille aut fictor somniorum interficietur : quia locutus est ut vos averteret a Domino Deo vestro, qui eduxit vos de terra Ægypti, et redemit vos de domo servitutis : ut errare te faceret de via, quam tibi præcepit Dominus Deus tuus : et auferes malum de medio tui.

**English**

This passage has not yet been translated.

[↗](https://missale.online/biblia/en/dt/13#text-db8941e9bfe92ba71d70)

**Latin**

Si tibi voluerit persuadere frater tuus filius matris tuæ, aut filius tuus vel filia, sive uxor quæ est in sinu tuo, aut amicus, quem diligis ut animam tuam, clam dicens : Eamus, et serviamus diis alienis, quos ignoras tu, et patres tui,

**English**

This passage has not yet been translated.

[↗](https://missale.online/biblia/en/dt/13#text-d18c4bffa042bddf03b6)

**Latin**

cunctarum in circuitu gentium, quæ juxta vel procul sunt, ab initio usque ad finem terræ,

**English**

This passage has not yet been translated.

[↗](https://missale.online/biblia/en/dt/13#text-280b739fac2695c16a42)

**Latin**

non acquiescas ei, nec audias, neque parcat ei oculus tuus ut miserearis et occultes eum,

**English**

This passage has not yet been translated.

[↗](https://missale.online/biblia/en/dt/13#text-3dd53cfa29a281509a99)

**Latin**

sed statim interficies : sit primum manus tua super eum, et postea omnis populus mittat manum.

**English**

This passage has not yet been translated.

[↗](https://missale.online/biblia/en/dt/13#text-c297fce5deb3b72375f2)

**Latin**

Lapidibus obrutus necabitur : quia voluit te abstrahere a Domino Deo tuo, qui eduxit te de terra Ægypti, de domo servitutis :

**English**

This passage has not yet been translated.

[↗](https://missale.online/biblia/en/dt/13#text-44b28169590526f68717)

**Latin**

ut omnis Israël audiens timeat, et nequaquam ultra faciat quippiam hujus rei simile.

**English**

This passage has not yet been translated.

[↗](https://missale.online/biblia/en/dt/13#text-40022955d80a097e447c)

**Latin**

Si audieris in una urbium tuarum, quas Dominus Deus tuus dabit tibi ad habitandum, dicentes aliquos :

**English**

This passage has not yet been translated.

[↗](https://missale.online/biblia/en/dt/13#text-9cddad593f73adeac016)

**Latin**

Egressi sunt filii Belial de medio tui, et averterunt habitatores urbis suæ, atque dixerunt : Eamus, et serviamus diis alienis quos ignoratis :

**English**

This passage has not yet been translated.

[↗](https://missale.online/biblia/en/dt/13#text-77f0bcf628a6b2c6b32a)

**Latin**

quære sollicite et diligenter, rei veritate perspecta, si inveneris certum esse quod dicitur, et abominationem hanc opere perpetratam,

**English**

This passage has not yet been translated.

[↗](https://missale.online/biblia/en/dt/13#text-e93f4ea4f81375c9a221)

**Latin**

statim percuties habitatores urbis illius in ore gladii, et delebis eam ac omnia quæ in illa sunt, usque ad pecora.

**English**

This passage has not yet been translated.

[↗](https://missale.online/biblia/en/dt/13#text-ad0dbb7caa8136e57bff)

**Latin**

Quidquid etiam supellectilis fuerit, congregabis in medio platearum ejus, et cum ipsa civitate succendes, ita ut universa consumas Domino Deo tuo, et sit tumulus sempiternus. Non ædificabitur amplius,

**English**

This passage has not yet been translated.

[↗](https://missale.online/biblia/en/dt/13#text-a344e3eeceed7e93233c)

**Latin**

et non adhærebit de illo anathemate quidquam in manu tua : ut avertatur Dominus ab ira furoris sui, et misereatur tui, multiplicetque te sicut juravit patribus tuis,

**English**

This passage has not yet been translated.

[↗](https://missale.online/biblia/en/dt/13#text-292f98d53276b7e92ddb)

**Latin**

quando audieris vocem Domini Dei tui custodiens omnia præcepta ejus, quæ ego præcipio tibi hodie, ut facias quod placitum est in conspectu Domini Dei tui.

**English**

This passage has not yet been translated.